Sam 25:2 - Nobonob Baibel

² Da na Kayak, da nahipnu aakkuib tutukku oolppa genab doottem. Na heppe, laa ag da eɗilppeg, uɗal ii nemanu unuqidttem. Ge, na kekeɗ dahil uuadppe, ag da eɗilon, oolag gamag ahamanu oɗ medattem.

Sam 25:2 Referans Kwoze

Rom 10:11

Kayak naippa, nai laa kobol amunu daatte am inam. “Danab aun nug nuhignu ooppa genab dookku amu, nug uɗa nak iinab aoma,” awa atte.

Sam 41:11

Na kekeɗ dahil uuatte, ag da ii eɗilppig amunu, da imu doottem, na dahilnu ena doottem.

Sam 71:1

O Yawe, na am padal mak eɗitta ena dayaknu ehanittak dahil daattem; na heppe, da deɗ laa uɗa nak ii doopanu unuqidttem.

Rom 5:5

Amu keeke ena bekkunu dabmak aɗa dayak amu heeb, meu okku; ig meu amu genab anidkkunig. Aɗinu? Kayak Nug nuhig Ouɗi ig mekka, nuhigppa amu Kayak Nug nuhig oo mauhak ig oonigppa me ambette.

Sam 22:5

Na ag ehanadkkutnu unuqidppig doona, na ag ehanatte, ag padal ii meppig. Yo, ag nahipnu oolagppa genab dooppig, amu na ag ehanatte, ag uɗalag ii neum.

Sam 142:6

Da ool gai-iitta ma auta awa dayeye, nahip ehanittak aokkulnunab daattem amunu, na dahil unuqittak dookkutnu oɗ medattem. Ao, kekeɗ dahilad ag dahil ɠagattag eɗidppig amunu, na ehaniɗppe, ag da heiɗppeg ii nauhpanu na unuqidttem.

Sam 31:1

O Yawe, na am padal mak eɗitta ena dayaknu ehanittak dahil daattem; na heppe, da deɗ laa uɗa nak ii doopanu unuqidttem. Ao, na genab tutukkuib hettem amunu, na da ehaniɗppe, qagaiettakppa ii daapanu oɗ medattem.

Aisaia 37:35

Da aab okkai imu ehanitte, guppiɗ bia daabppi, ena daakku. Da, da laa ag dahilnu dabmak pehettak iitta aomnanu, da amunu dabmak anuqak awewe, aab imunu guppiɗ dayeye, da dahil maɗi nid Dawit amegppa keeke laa hekkulnu ami amu, da amunu ele dabmak anuqak awewe, aab imunu guppiɗ daakkul.” Yawe Nug anam atte.

Sam 34:8

Na danab laa nug ee laa lana, miti ena doya, ena dootte, amubia na Yawe attem attem daatte dookkutnu he! Nug enaib daatte; Nug enaib hette. Danab ah aun aɗi ag nuhignu, “Nug am padal mak eɗitteb ena dayaknu ehanittak dahil daatte,” ag anam dootteb ele amu, ag itittak ena aoppig daatteb.

Aisaia 26:3

O Yawe, danab ah ag nahipnu dabmenan oin, dabmak amu ɠagattag aɗan oitteb ele amu, na hee, maɗoɗ enanagnab ag oolagppa daatte. Aɗinu? Ag nahipnu oolagppa genab dootteb.

Sam 94:3

O Yawe, nau hak danab ag eheɗ hena, gamag ahak huananab dootteb; amu haen gane laa ele ukkebeb, am anam daakku? Ge, haen gane laa ele ukkebeb, ag anam hekkulag?

1 Pita 2:6

Amu Kayak naippa, nai laa Jesusnu am inam daatte. “Da geha Sion appa men epeɗiak, men enanag laa, ukku ɠagattag daakkunu ebakkul. Amu laa nug nuhignu ooppa genab dookku amu, nug uɗa nak iinab aoma. Iitta.”

Aisaia 49:23

Ag Juda amu, king laala ag ag mamelkad daaglag. Kuin laala ag anig nid huh medatte, ag ahilagnu anambia daaglag. King aɗi amu, ag Juda ahilagnu okkai doon, ag ag noolagppa gatelag qaun ona, gomelna ag iɗulag wanppa mekkulag. Ag ag baelagppa dup nona binalag mekkulag. Ag amu hekkulag amunu, ag Juda, ag da am Yawe doon, laa ag da amel metteb ele, ag uɗa nak ii doomna ele dooglag.” Yawe Nug anam atte.

Aisaia 37:20

Ag kayak hambuppuak amu dilagnu anam heppig amunu, O Yawe, ihinig Kayak, na wan atu ohppan danab ah ag na, O Yawe, na nakka, na Kayak daattem dooglagnu, na ig Asiria dilag king eppegppanu awigppe, ig ena daagnignu od medattem.” Hesekaia nug anam unuqittom.

Sam 37:40

Yawe Nug genab tutukku hak danab dilag padal mak eɗitteb ena dayaknu ehanittak daatte; ag ena daaglagnu ag Nug gumidna uɗitteb amunu, Nug ag ehanatte, nau hak danab ag ii eɗadtteb. Ao, Nug ag atognoatte, ag hipunin danab eppelagppa ii daatteb.

Sam 18:2

Yawe Nug kekeɗ niɗamanu ehanittak dahil daatte; Nug aab aɗ ɠagattagnab dahil bia ele daatte. Nug ehanitte qagaiettakppa ii dayaknu ehanittak dahil daatte; Kayak dahil Nug kekeɗ niɗamanu ehanittak dahil dayeye, da nuhigppa ukken, padal mak eɗitten ena daattem. Kayak Nug am dahil guppiɗ, da nuhig ɠagattagppa da kekeɗ eppelagppa ii daattem; Nug am ban haknu aben ɠagattag dahil bia daatte.

Sam 7:1

O Yawe, dahil Kayak, na dahil padal mak eɗitteb ena dayaknu ehanittak daattem. Da nahip-ppa ehanittak amu aottem. Laa ag da lamiɗttebnu amu, na da ehaniɗppe, da ag eppelagppa qagaiettak ii daapanu oɗ medattem.

Sam 22:8

Ag atteb. “Nug aakkute nug Yawenu ooppa genab dootte? Anam am Yawe Nug ehanitteb, qagaiettakppa aib dayom! Yo, nug Yawenu enanagnab dootte amunu, Yawe Nug ehanitteb, qagaiettakppa aib dayom!” aon atteb.

Sam 22:1

O dahil Kayak, O dahil Kayak, na aɗinu da uuiɗmenu diig appe dookkulnu, na dahilppanu uma wana qagaiettakppa daapanu ii ehaniɗttemnu diig appe dookkulnu, amu na dahil gayak ii doottemnu diig ele appe dookkulnu oɗ medattem.

Aisaia 41:16

Danab nug ulah ee aeg dappunkkeg iwale ukkaknu uɗat hette, amubia ag Israel ag ahilkad kekeɗ heppeg iitta mekkulag. Ulah ɠagattag ee aeg dappunkkeg mawa, umanab ukke, baula miag ii daatte, amubia ag Israel ag heppeg, ahilkad kekeɗ ag qettoɗna malaglag. Ag miag iinab daamna,” awa atte. Ag Israel, ag ahilkad kekeɗ ag anam daaglag. Ag anam daaglag, amge ag Israel, ag Yawenu oolag gamag ahakku. Ao, ag Yawenu, Nug am Israel dilag Kayak Oppiaawak Ele, Nug ag Israel, ag nuhikkud maɗi nid maɗi ah ele daaglagnu tituanattom amu, ag nuhignu oo gamag ahak huanaknab dooglag.

Aisaia 37:10

“Ag Juda dilag king Hesekaia amegppa inam aig! ‘Na Kayak laa, na nuhigppanu ehanittak aon, ena daakkutnu dabmettem amu, na Kayak amu buppuidmanu dabme! Kayak amu Nug na amenppa, “Da ehanidppi, Asiria ag Jerusalem ii eɗidmana. Ag Jerusalem ag Asiria eppelagppa ii daamna,” atte, amge amuam genab iitta.

Aisaia 28:16

Ag anam atteb amunu, Naɗi Yawe Nug inam atte. “Antteg! Da geha Sion appa men ɠagattag, men enanag laa, ukku ɠagattag daakkunu ebappi dayebeb, ag amu qaɗeppa keeke oh heppeg tekku. Amu aun laa nug nuhignu ooppa genab dookku amu, nug ɠagattag, ena daakku.

Sam 56:1

O Kayak, na dahilnu oot gai-iitta doon oot meɗan ehaniɗkkutnu unuqidttem. Aɗinu? Kekeɗ daup ag da huana lamiɗtteb. Yo, kekeɗ dahil ag deɗ oh amun tuqan ele banel uɗina, iuglagnu hetteb.

2 Stori 13:18

Yawe Nug Juda ehanatte, ag heeg, Israel aakku gai-iitta daappig. Juda danab ag Israel eɗadppignu diig am, ag Yawe, ag mamelkad aɗi dilag Kayak, ag nuhignu oolagppa genab dooppig amunu, Nug ehanatte, ag Israel eɗadppig.

Sam 13:5

Amge da nahip oo mauhaknab kobolnu oolppa genab doottem. Ao, da geha na ehaniɗppe padal ii mepanu gamag ahak dookkul.

Sam 31:2

Na dahil unuqittak imu doon, na paha da padal mepanu ehaniɗkkutnu oɗ medattem. Ao, na da kekeɗ niɗamanu ehanittak dahil daakkutnu oɗ medattem. Ge, na aab aɗ ɠagattagnab dahil bia daappe, da nahip ehanittakppa ena daakkulnu unuqidttem.

Sam 31:15

Da na eppenppa daattem. Kekeɗ ag da iuppeg mauhkkulnu hetteb; laa ag da lamiɗna uɗina, da eɗilkkulagnu hetteb amu, da amu oh dilag qagaiettakppa daapanu na ehaniɗkkutnu oɗ medattem.

Sam 91:2

Da Yawenu miag atiak inam iikku attem. Nug am padal mak eɗitteb ena dayaknu ehanittak dahil daatte. Nug am aab aɗ ɠagattagnab dahil bia ele daatte. Nug am dahil Kayak. Da nuhignu oolppa genab doottem.

Jeremaia 17:18

Na ehaniɗppe, da uɗa nak ii doopa, amge na heppe, laa ag eheɗ heiɗtteb ele ag uɗa nak aoglagnu oɗ medattem. Ao, na ehaniɗppe, da baɗak eheɗ nau ii doopa, amge na heppe, laa ag eheɗ heiɗtteb ag baɗak eheɗ nau dooglagnu oɗ medattem. Na heppe, laa eheɗ heiɗtteb amu, uug naunab ahilagppa bekkunu oɗ medattem. Ge, na heppe, ag padal mena autna autnanab aoglagnu unuqidttem,” awa unuqittom.