Sam 25:10 - Nobonob Baibel

¹⁰ Am danab ah aun aɗi ag Yawenu nug tituana nai qakkak dim lamidtteb, ag nuhig nai ele oh waappa daan, dim lamidtteb ele amu, Yawe Nug oo mauhaknab kobolppa, oo metta ii uuak kobolppa ele ag ehanadtte.

Sam 25:10 Referans Kwoze

Jems 5:11

Ag doyeg! Ig, “Danab ag uug doyaya eɗittaknuib dabmak awak kobol dim lamidppig amu, ig ag itittak ena aoppig daatteb,” aot attem amunu, ag amu anidkkulagnu ag Jobnu kaya dabmekkulag. Ag dootteb. Nug oo ɠagattag qetta, uug oh nuhigppa beppig am mawom. Anam he, dimppa Naɗi nuhignu kobol ena he beum. Aɗinu? Naɗi Nug ihinignu oo gai-iitta doya oo mekka ehanikka auta aotte; Nug ihinignu oo bodoetta le mak ele doya auta aotte.

Rom 8:28

Amu ig doottem, Kayak Nug danab aun aɗi ag nuhignu oolag mauhtte, Nug kobol ena bekkunu ag ele uɗat hetteb. Nug aɗi bekkunu matu dabmeum amu, nug amu dabmaama, ag onilagppa eum.

Sam 40:11

O Yawe, na dahilnu oot gai-iitta doon oot meɗan ehaniɗttem amu, na heppe, kobol amu iitta memanu da na oɗ medattem. Da nahip oo mauhaknab, nahip doyak diig genabib ele dahilppa daayya, hanhan ehaniɗpeɗ, da ena daakkulnu unuqidttem.

Jon 1:17

Yo, ɗo amu ig Moses nuhigppa aomut, amge ehanittak okkai hamu mettak kobol, amu doyak diig genabib ele amu, ig Jesus Kristus nuhigppa aomut.

Sam 91:14

Yawe Nug atte. “Na dahilnu oot mauhe, da gukkuiɗaknab daattem amunu, da geha na ehanidppi, na qagaiettakppa ii daamna. Ao, na da dooiɗttem amunu, da geha na atognoitte dabmedakkul.

Rom 2:13

Danab ag daulagppaib ɗo am hamu bia dootteb ele, ag amu Kayak amegppa genab tutukku hak danab ii daatteb. Iitta. Danab ag ɗo dim lamidtteb ele, danab amuib geha Kayak Nug ahilagnu, “Genab tutukku hak danab,” awa akku.

Hibru 12:14

Amu ag danab laala ele ag oh maɗoɗ ele daanna oiglagnu uɗat ɠagattag hena, ag oppiaawak kobolppa daaglagnu ele wagai meig! Aɗinu? Danab laa nug oppiaawak iitta ele, nug Naɗi anidkkunu elele iitta.

Aposel 10:35

Iitta. Kayak Nug danab buɗub ohppanu laa ag nuhignu ebehilag oh bodoetta le mette, ag kobol genab tutukku ele hetteb amu, Kayak Nug ag diiadtte.

Jon 1:14

Am Kristus, onig laa Nai Kayak Ippunigtte, Nug danab beɗu awa, ig oonigppa dayom. Ig oonigppa dayeye, ig nuhig binag amahlak oppiaawak ele anidmut. Binag amahlak oppiaawak ele amuam laa Nug Kayak Bekka laippunab daatte, Nug Kayak, nuhigppanu uɗiom amu, am nuhig aakku. Doyak diig genabib, amu ehanittak okkai hamu mettak kobol ele, amuam nuhigppa ambaknab ele daatte.

Sepanaia 2:3

Ag Juda danab ah laa ag akka ag onilag qeeg ne, ag Yawenu haknunab anak dim lamidtteb ele amu, ag Yawe ehanadkkunu ii daye daye Nug oɗ metteg! Ag genab tutukku hak kobolnu ippu, laa nukka onig qeeb nak kobolnu ippu ele anidkkulagnu mattieg! Ag amu hekkulag dayeb amu, deɗ Yawe Nug danab ah bu madakku, deɗ amuppa Nug ag guppiɗ qalakppa maatteb, ena daaglagtai.

Aisaia 43:2

Ag dahilad daatteb amunu, haen uug nau, uug amuam danab nug le umanab noa ukkak mataɗa laih gotte, amubia uug nau amu ahilagppa bekku amu, da ag ele daagnig. Ag dahilad daatteb amunu, haen uug nau, uug amuam danab nug le ui ele mataɗa laih gotte, amubia uug nau amu ahilagppa bekku amu, da ehanatten heppi, ag nena ii qemana. Ag dahilad daatteb amunu, haen uug nau, uug amuam danab nug aab aɗuppa oiyaya gotte, amubia uug nau amu ahilagppa bekku amu, da ehanatten heppi, ag aab ewakppa guittak ii aomna. Ge, aab aɗu amu ewattebeb, ag guittak ii aomna.

Aisaia 25:1

O Yawe, na dahil Kayak! Da na binan mein, na onin attan humakkul. Aɗinu? Na keeke oh hekkutnu anukka maittak aome amu, na maittak amunu oo metta ii uuak kobol dim lamidnana, aakku heme. Amu, na keeke heme amu, keeke amuam keeke okkainab, danab andatta ottaitte.

Sam 98:3

Am Yawe Nug oo mauhaknab kobol nuhig, oo metta ii uuak kobol nuhig ele Israel dilagnu dabmaama dim lamidkkunu nai anan qakkom. Yawe Nug anam hekkunu nai anan qakkom, amu Nug aakku heum. Ihinig Kayak Nug ehanikke, ig padal ii memut, amu wanppan danab ah oh ag amu anidppig.

Sam 89:14

Nahip ɗo maɗoɗppa danab ah ag genab tutukkuib hak kobol waappa daan, nahip nai doya mala hettoɗia epeɗia elele mettak kobol waappa ele daan oitteb. Ao, na aɗi aɗi hettem amu, amuppa danab ah ag nahip oo mauhaknab kobol, oo metta ii uuak kobol nahip ele miagib anidtteb.

Sam 85:10

⌊Qinob, Kayak Nug heeb,⌋ oo mauhaknab kobol, amu oo metta ii uuak kobol ele aa ouqak miagib daaglah. Ge, genab tutukku hak kobol, amu maɗoɗ kobol ele am tamaniya daaglah.

Sam 57:3

Kayak Nug hab attan daatte, Nug appanu da ehaniɗeb padal ii mepa. Ao, Nug danab ag da heiɗeg nauhttem ele amu heeb nauhkkulag. Sila. Ge, Kayak Nug dahilnu oo mauhaknab doya, Nug ele dahilnu oo metta ii uuak kobol dim lamidkku.

Sam 50:23

Danab laa nug ena heme anaknu ofa ha, da meɗakku dayeb amu, amuam ena. Amuppa nug da binal mette. Amu da nug ehanidppi, nug padal ii memanu ippu dahil ippunidkkulnu amu, nug ofa amuppa ib amu matultte.” Kayak Nug anam awa atte.

Sam 33:4

Ig amu hekkunignu diig am Yawenu nai oh am genab tutukku ele daatte. Ao, Nug aɗi hette amu, Nug oo metta ii uuak kobol dim lamitta hette.

2 Samuel 15:20

Na tumainab iikku da ehaniɗkkutnu uɗime. Amu gemu da heppi, na ig ele ɗo danab, lag iitta bia da atu atten, da amu ii doottem ele, na ig ele anam oignig am ena iitta amunu, na, na baenadppa ele ag eɗun gokkulag am nai iitta. Amu Kayaknu oo bodoettak kobol, nuhig oo metta ii uuak kobol ele nahip-ppa daakkunu ool daatte.” Dawit nug Itai amegppa anam aum.

Genesis 24:27

“Ig Yawe onig humagnig. Nug am danab okkai dahil Abrahamnu Kayak. Nug Abrahamnu oo mauhaknab kobol, amu Nug oo metta ii uuak kobol ele nuhignu dim lamidtte. Nug da ele ehaniɗom amunu, da Abrahamnu tiig laippu laugppa tutukku uɗimi,” awa aum.

Genesis 17:1

Aria dimppa, Abram nug maɗ 99 dayeye, Yawe Nug gumitta na, nug amegppa aum. “Da am Kayak Dakka Ɠagattag Oh Ele. Na dahil neekkakppa danab ooppa kaliak laa iitta ele oiye!

Genesis 5:24

haen amuppa nug Kayak ele oiyya, Kayak Nug Enok awom amunu, nug wanppa baula ii dayom.

Hosea 14:9

Laa ag danab doyak dabmak ena ele, ag keeke imu ohnu diignu doyak tutukku aweg! Ao, laa ag oo maittak awaknu ehah aoppig daatteb ele, ag keeke imunu diignu doyak tutukku aweg! Aɗinu? Yawenu ib amu genab tutukku ele, amu genab tutukku hak danab ah ag amuppa daanna oitteb; amge nai tappe nak danab ah ag amuppa taataɗ qetteb.

Sam 138:7

O Yawe, uug kuɗum dahilppa bette, amge na da atognoiɗe, da ena bau daattem. Laa ag dahilnu oo aeg bak doon, kekeɗ meɗatteb amu, na ag mautadna, nahip ɠagattagppa da ehaniɗe, da padal ii mettem.