Sam 22:8 - Nobonob Baibel

⁸ Ag atteb. “Nug aakkute nug Yawenu ooppa genab dootte? Anam am Yawe Nug ehanitteb, qagaiettakppa aib dayom! Yo, nug Yawenu enanagnab dootte amunu, Yawe Nug ehanitteb, qagaiettakppa aib dayom!” aon atteb.

Sam 22:8 Referans Kwoze

Sam 91:14

Yawe Nug atte. “Na dahilnu oot mauhe, da gukkuiɗaknab daattem amunu, da geha na ehanidppi, na qagaiettakppa ii daamna. Ao, na da dooiɗttem amunu, da geha na atognoitte dabmedakkul.

Sam 18:19

Yawe Nug anam ha, Nug omaiɗa, aben okkai, enanag, Nug appa meiɗom. Ao, Nug dahilnu oo mauhtte amunu, Nug da ehaniɗe, da qagaiettakppa ii daami.

Matyu 17:5

Nug anam mattieye, lombig hakkab amemɗia awak ele tonattette, lombig ooppanu baag laa inam a dooppig. “Imuam da Bekkal, da nuhignu ool mauhtte. Da nuhignu enanag doottem. Ag nuhig nai doyeg!” awa aum.

Matyu 3:17

Kayak Ouɗi anam ne amu, baag laa hab aabppanu aum. “Imuam da bekkal, da nuhignu ool mauhtte. Nuhignu ele da oolppa enanag doottem,” ewa aum.

Aisaia 42:1

Yawe atte. “Antteg! Imuam dahil maɗi nid; da nug haen oh elele daakkunu ɠagattag medattem. Ao, imu amu, da nug tituanmi; da nuhignu enanagnab doottem. Da dahil Ouɗi Nug medappi, dahil maɗi nid nug danab ah oh nai doya mala hettoɗia epeɗia elele mettak kobol ippunadkku.

Prowerb 16:3

Na aɗi keeke hekkutnu ⌊dabmettem⌋ amu, na keeke amunu hak Yawe eppegppa me; ⌊na amu hekkut dayeb amu,⌋ Nug heeb, amu haknu maittak nahip am ena beeb, maittak amuam meu okku.

Sam 55:22

⌊Na aun,⌋ na nahip uug Yawe medappe, Nug na atognoidkku. Nug am genab tutukku hak danab uuatteb, nena ii qemana.

Sam 37:5

Na wanppa bau daan oikkutnu keeke oh Yawe ulum medakkunu Nug eppegppa mee! Na nuhignu ootppa genab dooppe, Nug na ehanittatta, inam hekku.

Luk 23:35

Danab ah ag hippaidna daanna anttegeg, ikki danab ag nug aon aon qettan appig. “Nug danab laala ehanattom amunu, Nug genab Kayak Bekka, Kayak tituanom dayeb amu, Nug nugakka Nug ehanittaɗ!” aon appig.

Matyu 12:18

Nai amuam inam. “Imuam dahil maɗi nid, da Nug tituanmi. Da nuhignu ool mauhtte, nuhignu ele enanagnab doottem. Da dahil Ouɗi Nug medappi, dahil maɗi nid nug danab ah oh nai doya mala hettoɗia epeɗia elele mettak kobol ippunadkku.

Sam 71:11

Ag atteb. “Kayak uuittom daatte, laa ehanitteb, ig eppenigppa ii daakkunu laa ii daatte amunu, doppeg ig nug dim lamidta gota, nug ⌊aɗat qetu⌋!” aon atteb.

Sam 42:10

Dahil kekeɗ ag awa awa iwak nai dahilnu atteb am, nai amuam guittak naunab, mauhaknu bia guiɗe doottem. Ag da ihaklel iuna, deɗ oh amun tuqan ele atteb, “Kayak nahip am adekku? ⌊Nug aɗinu na ii ehanidtte?⌋” aon atteb.

Job 16:4

Ag da daattem bia daalob, da ag abenlagppa dayeye, da ag maditteb bia ele madikkulnu elele daalom. Ao, da ag amelagppa, ‘Ag eheɗ inam inam hetteb,’ akkulnu, da ag eheɗ heppignu ikkil matuɗen daakkulnu elele daalom.

Sam 109:25

Danab ah ag dahilnu, ‘Keeke hamunab,’ dootteb. Haen ag da aniɗna amu, ag ikkilag matuɗnana, ⌊‘Nug aakku mauhkku hette,’ atteb⌋.