Sam 22:25 - Nobonob Baibel

²⁵ Israel dilag tamaniak oolagppa da na binan mekkul. Ao, da geha genabnab haknu nai ana qakkak dahil dabmein, aun aɗi ag nahipnu ebehilag oh bodoetta le mette ele amu, da ag noolagppa nai amunu meu okkunu hekkul.

Sam 22:25 Referans Kwoze

Sam 35:18

Am na da kekeɗ eppelagppanu ehaniɗna awiɗkkut dayeb amu, da Israel dilag tamaniak noolagppa, nahipnu “Ena heme,” awe akkul. Yo, da danab ah oh noolagppa, na binan mekkul.

Sam 111:1

Ag Yawe binag meig! Da meul ohppa genab tutukku hak danab ah, am Jakop buɗub ag Kayak dim lamidtteb ele, da ag ele qagmeta, Yawe amegppa, “Ena hen mekkame,” akkul.

Sam 66:13

O Kayak, da geha na lautppa ukken, da manaknu ofa heinne, da doɗ anam manatte medakkul. Yo, da geha ukken, da na noomppa aɗi keeke genabnab hekkulnu nai ain qakkami amu, da hekkul.

Sam 56:12

O Kayak, da keeke laa na amenppa genab hekkulnu nai ain qakkami amunu, da aɗi hekkulnu ami amu, da amu hekkuloitte. Ao, da ena heme anaknu ofa hein medakkulnu ami amu, da amu awen, na gumitten wain medakkul.

Sam 22:22

Na anam heppe amu, da geha da lailad amelagppa nahipnu madikkul. Yo, nahipad danab ah noolagppa, da na binan humakkul.

Sam 66:16

Aun aɗi oh ag Kayaknu ebehilag oh bodoetta le mette ele amu, ag doppeg, Kayak Nug aɗi keeke dahilppa ena heum amu, da amunu madippi doyeg!

Sam 65:1

O Kayak, ig danab ah, ig Sion appa na binan humagnignu daattem. Ao, ig danab ah, ig na noomppa aɗi keeke genabnab hekkunignu nai atat qakkamut amu, ig am hepput, meu okku.