Sam 22:2 - Nobonob Baibel

² O dahil Kayak, deɗ oh amunppa da nahipnu ettem, amge na oɗelppa ii aottem. Yo, tuqan oh da unuqidttem, amge da oo mak laa ii anidttem.

Sam 22:2 Referans Kwoze

Luk 18:7

Nug ah amu ehanidkkunu aum amu, Kayak Nug danab ah nuhikkud, Nug ag tituanattom ele amu, ag hanhan tuqan amun ele deɗ oh unuqidppeppeg amu, Kayak Nug ag iite ehanadma? Nug ag baubau oɗmak haknu amelag maama, paha ii ehanadma? Anam iitta.

Sam 42:3

Da deɗ oh, amun, tuqan ele gayak naɗi heiyi, amel leb nette. Anam amu, amel leppu am dahil ee bia daatte. Dahil kekeɗ ag da aon aon iun atteb. “Kayak nahip adekku? ⌊Nug aɗinu na ii ehanidtte?⌋” aon atteb.

Sam 88:1

O Yawe, na Kayak da ehaniɗe, padal ii mettem. Anam amu, da nahipnu hanhan amun tuqan ele unuqidttem.

2 Timoti 1:3

Timoti, da nahipnu Kayak amegppa, “Ena heme,” awe attem. Da mamelad aɗi ag Kayak waappa daan Nug oɗe dim lamidppig bia, da Kayak waappa daye Nug oɗe dim lamitten, beɗulppa aab iitta doyen, da tuqan, amun ele da nahipnu ele hanhan unuqidttem.

1 Tesalonaika 3:10

Amun tuqan ele Kayak Nug heeb, ig baula ag iɗulag anidta, ahilag ooppa genab doyaknu nai laala ii dooppig ele ippunadta apput dooglagnu oonig unuqagppanu unuqidttem.

Luk 6:12

Haen amuppa Jesus Nug tuqan Kayak unuqidkunu qaukoppa nakok teum. Ta, Nug tuqan amu oh unuqittette ukke, wagɗom.

Matyu 26:44

Anam anatta amu Nug eɗua ukka, unuqittak aɗit tatam heum, amuib baula unuqittom.

Gayak Nai 3:44

Na lombig teppu elenab na tonidkkunu, aɗ ɠagattag bia daakkunu meme amunu, ihinig unuqittak nahip-ppa gokkunu elele iitta.

Gayak Nai 3:8

Da ehaniɗkkunu unuqitten, oɗ medattem; amge Nug dahil unuqittak dookkunu uutte.

Sam 80:4

O Yawe Kayak Nakka Ɠagattag Oh Ele, na nahipad danab ah dilag unuqittaknu oo nauhak doottem; amu haen gane laa ele ukkeb, oo nauhak amu iitta mekku?