Sam 22:15 - Nobonob Baibel

¹⁵ Hinai ooppa le qaɗaietta, le nakok laa iinab daatte bia, da oolppa ɠagattag iittanab. Am danab le iittanu mauhkkunu heehe, lemaɗu oɗe qataqette, amubia da mauhkkulnu male daami. Ge, na hee, da danab beɗu gai-iittanab dayaya, gappudppa niiaya, mauhkkunu hette bia, da mauhkkulnu hettem.

Sam 22:15 Referans Kwoze

Jon 19:28

Keeke amu oh ba male amu Jesus doyom, uɗat nuhig oh aakku ha malak dayom amunu, Kayak naippa yaak laa daatte, amu elele medakkunu, Jesus aum. “Da le baal diitte,” awa aum.

Sam 69:3

⌊O Kayak, da anam bia dayeye,⌋ da na ehaniɗkkutnu einne daattem. Da nahipnu ei ei, da beɗul gai-iitta me, da baal ele guiɗtte. Da na Kayak, dahil Kayak, da na anidkkulnu neekki neekki, da amel ele gai-iitta meum daatte.

Aisaia 53:12

Diig amunu da heppi, Nug danab ah oolagppa okkainab daya, Nug banppan awak keeke laa ag Nug dim lamidna, danab ɠagattag daatteb ele, Nug ag madakku. Da heppi, anam bekkunu diig laa am, nug doyaya, nuhig bauklel uua dayom. Laa am, ag nug danab nau ele laippu qagmaadna ⌊qeeg mauha, amuppa nug eheɗ haknu nob nau iitta mekkunu he elele mettom⌋. Laa am nug danab ah kuɗumnab dilag hipunin mawom. Amu laa am, Nug danab ah hipunin heppig ele, Nug amu dilagnu unuqittom,” awa atte.

Sam 69:21

Kekeɗ dahil ag da ee ninig ele lakkulnu meɗappig. Ao, da baal qaɗaiette, ag da wain nau ninig ele lakkulnu meɗappig.

Sam 38:10

Da oolppa uttu taub dahil am uɗat elele ii hette. Da gai-iitta mei, amel gaɗutte.

1 Korint 15:3

Da ippunittak aomi amu da nai amu ag amelagppa mehuqi dooppig. Nai amu inam. Kayak naippa nai daatte amubia Kristus Nug ig oh ihinig hipunin uhuqa megakkunu mauhom.

Sam 104:29

Haen na ii ehanadkkutnu dabmena, dimattai, ag eheɗ nau baɗatteb. Yo, na ag ouɗi ii mattai, ag mauhtteb. Ag mauhna, ag eɗun gappud metteb.

Matyu 27:50

Ag anam aeg, Jesus baula baag okkaippa ewowa, Nug mauhom.

Prowerb 17:22

Ooppa gamag ahak doyak, amuam marasin ena bia; amge ooppa na qak doyak, amuam he, danab nug nau daatte, nug nauhkkunu hette.

Job 29:10

Anuqak danab ag nai mattiak uuppig; ag lemaɗulag ɠagattag eppom.

Daniel 12:2

Kuɗumnab, ebqaknu iitta huanaknab moɗppa niitteb ele, ag eɗun ahaglag. Laa ag bauklel hanhannu aoglag; laa ag uɗa nak nau, laa noolagppa keeke hamunab doyak ele hanhannu aoglag.

Gayak Nai 4:4

⌊Juda dilag⌋ nid yuɗ ag le baalag eheɗnab diia, baalag qaɗaiettom. Nid naunau ag laa ee nakok mattaglagnu gadonppa oɗmak henan daatteb, amge laa ii madatteb.

Sam 30:9

Da ami. “⌊O Naɗi,⌋ da mauhkkul dayeb amu, na amuppa ehanittak laa aokkutte? Ao, danab ag da mauhak moɗppa meiɗppeg amu, na amuppa ehanittak laa aokkutte? Da mauhe, moɗppa gappud mekkul dayeb amu, gappud amu na binan mekkute? Ge, da mauhen, gappud mekkul dayeb, da nahip oo metta ii uuak kobolnu danab ah oh amelagppa akkulte? ⌊Amu oh iitta⌋.

Job 34:15

danab ah ohnab ag mauhlob. Ao, ag mauhna, ag eɗun, gappud daalob.

Job 10:9

O Kayak, na attem henan heiɗme amu, na amu dabmekkutnu oɗ medattem. Na heiɗme, haen amuppa na waa keeke hak danab wan awa waa hette, amubia na da heiɗme; gemu na heppe, da eɗuen, gappud daakkulte?

Genesis 18:27

Yawe anam a, amu Abraham nug aum. “Ehe, da doottem, da amu danabib, amge da nakok baɗeɗe, wagai nakok mein, Naɗi amegppa nai mattimi, amge da baula ele akkul.

Genesis 3:19

Na wanppa uɗat naɗi, heɗi ele henana, na ee aokkut. Anam henana, na mauhna, wan mekkut. Aɗinu? Da na gappudppa heidmi amunu, na beɗun eɗua, gappud mekku,” awa aum.

Job 7:21

O Kayak, dahil hipunin uhuqna ii meɗattemnu diig amu, da ool ii maidtte. Ao, na eheɗ hak dahil uhuqna ii meɗattemnu diig am, da ii doottem. Aɗinu? Haen elab iitta da mauhen, wanppa niikkul. Ge, da anam heppi, na aniɗkkutnu mattiɗkkut, amge na ii aniɗmana.” Job nug anam aum.

2 Samuel 14:14

Le wanppa gokkaɗe, iitta me, danab nug eɗua aokkun elele iitta, amubia ig oh mauhkkunigoitte, amge Kayak Nug haen oh danab mauhkkunu daatte he ii mauhtte. Iitta! Nug heeb, danab ah ag nuhigppanu uma daatteb ag eɗun dona, Nug gumidna daaglagnu ib maditte.

Job 19:20

Da beɗul ebehi ta auta autanab awom. Ge, da genab mauhlom, amge da ii mauhmi, da ina daattem, amge da ena iinab daattem.

Job 30:16

Gemu amu, da beɗul nauhe, da mauhkkulnu hettem; da deɗ oh guittak nauib doottem.