Sam 21:8 - Nobonob Baibel

⁸ ⌊O Yawe,⌋ na geha nahip kekeɗ aɗualadkkut. Ao, na eppen naɗiap ɠagattag am geha, laa ag nahipnu nau ninig ele dootteb amu aɗualadkku.

Sam 21:8 Referans Kwoze

Aisaia 10:10

Wan imuppan wan laala da hei nauheg, tappalatti noppig ele amu, amu dilag kayak hambuppuak dottolkad kuɗum daappig, amge ahilkad kayak hambuppuak ag ag ii ehanadppig; da ag eɗadmi. Ahilkad kayak hambuppuak dottolkad amuam Jerusalem, Samaria ele dilag kayak dottolkad eɗadppig, amge da ag oh eɗadmi.

Sam 72:9

Danab ah ag atu taɗakppa oinna daatteb ele, ag nug noobppa dup nokkulag. Nuhig kekeɗ ag nug noobppa nena qena, gappudppa niiglag.

Revelesen 19:15

Ahilag okkai amu qep elab aeg ele, Nug wanppan wan oh aqakkunu, Nug oɗeppanu doa ukkak daatte. Nug aen bu aɗa, bu amuppa Nug danab ah gumadkku. Nug geha grep meu tappa leppu awaknu abenppa grep meu tabakku. Amuam Kayak Nukka Ɠagattag Oh Elenu oppoɗi bak okkainab, amu ippunigtte.

1 Korint 15:25

Amunu diig am, Kristus Nug keeke ohnu gumak danab dayebeb ukkeb, Kayak heeb, Kristus Nug nuhikkud kekeɗ oh tabatteb, ag nug baeg waappa wakkulagoitte.

Luk 19:27

King nug anam ana, nug nai tuɗitta aum. ‘Aria laa ag da kekeɗ meɗan, da ahilag king daakkulnu uuppig amu, ag diin, da noolppa ippa dona, aqappeg mauheg!’ awa aum.” Jesus anam aum.

Luk 19:14

Amge nug wanebppan danab ⌊laa⌋ ag nuhignu nau ninig ele dooppig amunu nug ukke, am danab amu ag heeg, ag oolagppan danab laa ag nug dim lamidnana ag inam appig. ‘Ig danab imu nug ihinig king daakkunu ig oonig ii daatte,’ aon appig.

Sam 18:1

“Yawe, na am dahil ɠagattag, da nahipnu ool mauhtte.

2 Samuel 7:1

Yawe Nug he, Dawit nug Israel dilag kekeɗ eɗatte bodoettan, ban hekkulagnu ii ahappig, amu king Dawit nug ele lag enanagnab nuhig ha mala, appa ta dayaya, haen amuppa

1 Samuel 31:3

Ag Saul bekkod, nid danab ewam oh aqaeg mauheg, ban huan hena gona, Saul gukkuidna tena, Pilistia ban danab latppa ban hetteb ele ag Saul lamidna gona qeeg, nug guittak nau awom.

1 Samuel 25:29

Na am naɗi dahil, amu danab laa nug na gumitta doa, nug na nidakkunu hekkutai, amge Yawe, nahip Kayak, Nug geha na danab laa nug nuhig keeke ena ena atognotte bia atognoitteb, na ii mauhmana. Yawe Nug geha nahipnu anam hekku, amge geha Nug nahip kekeɗ amu aqeb, iitta mekkulag; danab nug men ketapolppa ma, e gotte bia, anamib Yawe Nug geha nahip kekeɗ geɗatteb, gona iitta mekkulag.

Sam 16:8

Da haen oh bau dayeye, Yawe neekkidttem. Yawe Nug hanhan ouiwa daatte anidttem. Nug da ele ouqeɗa, ɠagattag meɗatte amunu, keeke laa da ii uɗaliɗma.

Sam 109:20

Danab ag nai nauppa yaaiɗtteb amu, Yawe Nug ag nob anam madakkunu ool daatte. Ao, laa ag dahilnu nai nau maditteb amu, Nug anam hekkunu ool daatte.