Sam 21:7 - Nobonob Baibel

⁷ King nug Yawenu ooppa genab dootte amunu, Kayak Attannab Laa Oh Eɗattak Nug oo mauhaknab kobol doya dim lamitta heeb, nug ii na qema.

Sam 21:7 Referans Kwoze

Sam 16:8

Da haen oh bau dayeye, Yawe neekkidttem. Yawe Nug hanhan ouiwa daatte anidttem. Nug da ele ouqeɗa, ɠagattag meɗatte amunu, keeke laa da ii uɗaliɗma.

Sam 91:2

Da Yawenu miag atiak inam iikku attem. Nug am padal mak eɗitteb ena dayaknu ehanittak dahil daatte. Nug am aab aɗ ɠagattagnab dahil bia ele daatte. Nug am dahil Kayak. Da nuhignu oolppa genab doottem.

Sam 26:1

O Yawe, da nahipnu oolppa genabnab doye, nahip neekkakppa da oolppa kaliak laa ii dayeye oimi amunu, na heppe, tutukku hak dahil am miag atiak daakkunu oɗ medattem.

Sam 18:2

Yawe Nug kekeɗ niɗamanu ehanittak dahil daatte; Nug aab aɗ ɠagattagnab dahil bia ele daatte. Nug ehanitte qagaiettakppa ii dayaknu ehanittak dahil daatte; Kayak dahil Nug kekeɗ niɗamanu ehanittak dahil dayeye, da nuhigppa ukken, padal mak eɗitten ena daattem. Kayak Nug am dahil guppiɗ, da nuhig ɠagattagppa da kekeɗ eppelagppa ii daattem; Nug am ban haknu aben ɠagattag dahil bia daatte.

Sam 9:2

Nahipnu amu, da ool gamag huanaknab ahakku. Ao, O Kayak Attannab Laa Oh Eɗattak, da geha na oninnu humittak ahi edakkul.

Hibru 2:13

Nug ele inam atte. “Da nuhignu oolppa genab dookkul.” Nug laa ele inam atte. “Aria da, amu nid naunau, Kayak Nug da meɗom ele amu, da ag ele ig oh iikku daattem,” awa atte.

Daniel 7:14

Nug gumitta ukke, amu Kayak Hanhan Daatte Nug king daakkunu ehah, binag amahlak oppiaawak ele, ɠagattag okkai, wanppan ɠagattag laa oh eɗattak ele mettom. Danab ah wanppan huu ohppanu, danab ah ɗo maɗoɗ ohppan, amu danab ah nai piɗe piɗe ohppanu ele ag Nug noobppa dup nona Nug binag meppig. Nug hanhan king daakku, laa tuqa ii aoma. Laa ele ɗo maɗoɗ nuhig heeb ii nauhma; gemu, am butti aɗi ele.

1 Samuel 30:6

Dawitnu danab ag Amalek heppig anidna, ag baelkadppanu dabmena, ag oolagppa uug naunab dooppig amunu, ag menppa Dawit makkuɗppeg mauhkkunu madippig. Ag madippig amunu, Dawit nug amunu uug nau doyom, amge nug Yawe, nuhig Kayak, nug Nug toppanu ɠagattag mattia awom.

Matyu 27:43

Nug Kayaknu ooppa genab dootte amunu, Kayak Nug nuhignu oo heeb amu, geha iikku Nug ehanittaɗ! Aɗinu? Nug aum, ‘Da Kayak Bekka,’ ” aon appig.

Sam 61:4

Da nahip mettid haknu peh lagppa daakkul dayeb, da ehanittak awe, padal ii mepa amunu, na heppe, da appa hanhan daakkulnu ool okkainab daatte. Ao, da matuk nakkud ag anilag haug waappa padal mak eɗidna ena daatteb, amubia da na guguittak dayeye, padal mak ii aopanu ool okkai daatte. Sila.

Sam 13:5

Amge da nahip oo mauhaknab kobolnu oolppa genab doottem. Ao, da geha na ehaniɗppe padal ii mepanu gamag ahak dookkul.

Sam 45:3

O king ɠagattag ele, na nahip qep elab na heqonppa qakke! Ao, na king, na dagom onig ɠagattag okkai naɗi ele, na keeke amu lamen bia takke!

Sam 72:17

Danab ah ag hanhan king daulagppa dokkunu ool daatte. Ao, aam amahleb ukkeb ukkeb, batak haenppa batak, ag nuhignu daulagppa dokkunu ool hette. Wan atu ohppan danab ah oh nuhig itittak ena aon, ag nug binag mekkulagnu ool daatte.