Biblia Todo Logo
Bib sou entènèt

- Piblisite -




Sam 21:5 - Nobonob Baibel

5 Na nug ehanitte, nug binag amahlak oppiaawak ele am okkai daatte. Yo, na hee, nug danab dagom onig ɠagattag okkai naɗi ele daatte.

Gade chapit la Kopi




Sam 21:5
24 Referans Kwoze  

Jesus Nug eɗua hibaitta, Nug hab aabppa teum. Nug Kayak eppeg naɗiap-ppa daatte. Engel oh, laa ag gumaknu ehah ele oh, aria ɠagattag digdig oh ele, ag oh Nug waappaib daatteb.


Aria, nai ig attem ele, nuhig diig am inam. Ig mana mettak ikki danab Melkisedek bia ele, Nug matu hab aabppa Kayak, dagom onig ɠagattag ele, Nug eppeg naɗiap-ppa heɗep neum daatte.


Na binag amahlak oppiaawak ele da meɗame amu, da na ele i laippu daattep, amubia dahilad imu ag oolag laippu daaglagnu, da binag amahlak oppiaawak ele, da ag mattami.


O Mame, anukka wan ii dayeye, da na ele daaɗɗa, da binal amahlak oppiaawak ele daaiyi uɗiom amu, gemu na binal amahlak oppiaawak ele amuib eɗun meɗakkutnu oɗ medattem.


Jesus nai mattiowa, Nug ameg huma, hab attan neekka dayaya, unuqitta aum. “O Mame, haen aakku uɗiom. Da am na bekkat. Da danab ah na meɗame ele, da ag bauklel hanhannu madakkulnu, na da danab ah oh dilag ikkilag daakkulnu ɠagattag meɗame amunu, da na binan amahlak oppiaawak ele na medakkulnu, na da binal amahlak oppiaawak ele meɗakkutnu oɗ medattem.


Anam heegeg, Jesus Nug ag gumatta doa, amelagppa aum. “Kayak Nug da keeke oh wanppanu, habppanu ele ikkilag daakkulnu meiɗom


Laa nug Edomnu uɗitte am aun? Nug Bosranu, lamen kokoɗnab laittak ele uɗitte, amge nug am aun? Nuhig lamen am enanagnab, me nug am aun? Nug danab ɠagattag okkai naɗi ele, amu nug huana tappa uɗitte. Danab amu nug nukka, nug am aun daattenu am inam atte. “Imu da, da aɗi madittem amu, nai amuam genab tutukkuib. Da danab ah padal memananu ehanadkkulnu ɠagattag elelenab ele,” awa atte.


Yawe Nug dahil Naɗi amegppa inam atte. “Na da eppel naɗiap-ppa daappe ukkeb, da nahip kekeɗ na waatppa maadkkul,” awa aum.


Nug dagom onig ɠagattag okkai naɗi ele. Ao, ɠagattag, binag amahlak oppiaawak ele nuhigppan uɗitte.


Padal ii maknu ehanittak dahil, am Kayak nukka, laa da binal meɗatte ele amu, amu ele am Kayak nukka. Nug am kekeɗ niɗamnanu ehanittak dahil daatte. Nug am padal mak eɗitteb ena dayaknu ehanittak dahil daatte.


⌊Amunu diig am inam.⌋ Na hab daup nakokib anuqak hattame; danab ah ag ag nakokib waappa daatteb. Na binag amahlak oppiaawak ele, aria dagom onig ɠagattag ele ag mattame.


Amge na, O Yawe, na am dahil guppiɗ daattem. Na binag amahlak oppiaawak ele meɗana, ɠagattag ele da meɗattem.


Anam amunu, na oot hette bia na da, nahip maɗi nid, na da, da buɗulad ele, ig na noomppa hanhan king daagnignu itittak ena mekkame. O Yawe, na itittak ena mekkame amunu, na ig hanhan itigkkut.” Dawit nug anam unuqittom.


Anam amge, O Naɗi Yawe, na amuib ehaniɗna hekkutnu ii dabmettem. Iitta. Na heppe, da, da nahip maɗi nid amu, da buɗulad oolagppanu laala, ag ahilag haen anen anenppa, ag Israel dilag king hanhan bena daaglagnu ele ame. O Naɗi Yawe, na kobol enanag inam haen oh danab dilagppa hettemte?


Am na da ib ena oh da tituanadmi, ɗo nai dahil oh, amu dahil haknunab nai ele, na amu dim lamidkkut dayeb, na mamen Dawit heum amubia, amu da heppi, na wanppa haen elab daakkut,” awa aum.


O Kayak, na heppe, nug king hanhan dayebeb, atognobeppe daakkunu oɗ medattem. Ao, na nug nahip oo mauhaknab kobol, nahip oo metta ii uuak kobol eleppa ehanidkkutnu unuqidttem.


Baito, qauko Hermonnu na, keeke appa daatteb oh le madatte. Baito amubia Sion guguittak qauko daatteb, amuppa ele nette. Amu maɗoɗ ele laippu dayak am baito enanag amubia. Ge, kobol amuam enaib. Jerusalem appa amu, Yawe Nug danab ah bau hanhan dayaknu itittak ena madatte.


Swiv nou:

Piblisite


Piblisite