Sam 21:11 - Nobonob Baibel

¹¹ Amu nahipad kekeɗ ag ib digdigppa eheɗ nau heidkkulagnu maidkkulag. Ao, ag anam maidkkulag, amge dabmak nau ahilag amu meu ii oma.

Sam 21:11 Referans Kwoze

Sam 10:2

Nau hak danab ag beɗuppa tak kobol nau dim lamidna, ag daɗek danab ah eheɗ hadatteb, amge Yawe Nug heeb, laa ag daɗek dilagnu keeke laa hekkulagnu lokkumakppa doonna, maittak eheɗ aotteb ele, kobol amu eɗua, ahilagppa daakkunu ool daatte.

Sam 2:1

Aɗinu wanppan wan anen anennu danab ah ag dabmak eheɗ aon ahatteb? Ao, aɗinu wanppan huu ag maittak meu ena ii oma ele dim lamidna, ahilag haen aakku kakidtteb?

Matyu 2:16

Anam aakku, amge Herot nug ii mauhom haenppa, magau danab ag eɗun goppig, haen amuppa nug ag buppuidna autna aoppig doyom amunu, nug oppoɗi huanak be ameg kokoɗ eppe, nuhikkud daup ag gona, Betlehemnu nid naunau, Betlehem talilittak eleppanu nid naunau oh ele, ahilag maɗ aɗit, laa ag maɗ aɗit ii aoppig ele, magau danab ag hoɗoppai digmena anitteg, Herot amegppa aeg doyom bia amu, daup ag amu oh aqaglagnu haknunab a, ⌊ag gona human aqappig⌋.

Sam 31:13

Aɗinu? Danab kuɗum ag da onil nauhkkunu nai nau dahilnu atteb. Ag anam heegeg, baɗak eheɗ nau toniɗom daatte. Ag da eɗilkkulagnu nai nau dahilnu maditteb. Yo, ag da iuppeg mauhkkulnu maittak aotteb.

Matyu 2:8

Doya amu nug ag Betlehem gokkulagnu a, ag gokkulagnu heegeg, nug ag amelagppa aum. “Ag gona, nid nakok amu pehettan mattin anidna, ag eɗun uɗin appeg, da ele ukken, Nug noobppa dup noin binag mekkul,” awa aum.

Sam 83:4

Ag atteb. “Ahappeg, ig hepput, Israel ag nauhna autnanab aoppeg, ahilag wan iitta maɗ! Ao, ahappeg, danab ah laa ag baula Israel wan ii dabmemananu ig hepput, Israel ag nauhna autnanab aweg!” aon atteb.

Sam 35:20

Aɗinu? Ag nai mattiak ahilagppa maɗoɗ bekkunu ii maditteb. Iitta! Ag hambuppuak nai, danab ah laa ag maɗoɗ ele wanppa daatteb, ag ahilagnu maditteb.

Matyu 21:46

Ag anam doona, aɗaglagnu ib madippig, amge danab ah kuɗum ag Jesusnu, Nug am propet laa dooppig amunu, ag Nug aɗaglagnu baɗappig.

Esekiel 11:2

Da danab oh anatti amu, Yawe Nug da amelppa aum. “Danab bekka, danab imu ag eheɗ hekkulagnu maittak aonna, ag danab ah aab okkai imuppa daatteb ele ulum nau madatteb.

Sam 109:13

Da na heppe, nug buɗub ag mauhna malaglagnu oɗ medattem. Ag mauhppeg, ag dimulagppa menuak laippu laa doppeg, danab ah amu, ag oolagppa danab amu buɗub laippu laa bau ii daamanu unuqidttem.