Sam 20:8 - Nobonob Baibel

⁸ Aabaab amu ag gatelag qaun ona daan, ag geha nena qena autnanab aoglag, amge ig am ahat, alet anam hippaitta daagnig.” Laa nug anam aum.

Sam 20:8 Referans Kwoze

Sam 125:1

Qauko Sion am uɗalnan loppaɗkkulagnu elele iitta, Qauko amuam hanhan daatte. Anamib, laa ag Yawenu oolagppa genab dootteb, ag anam aakku daatteb.

Maika 7:8

⌊Israel danab ah ag dimppa inam akkulag.⌋ “O ihinkad kekeɗ, ag ig neta qemutnu aib oolag gamag aheb, aon aon iqappig. Aɗinu? Ig neta qemut, amge ig eɗut ahagnig. Ao, ig gemu gatatu ooppa uug ele daattem, amge Yawe Nug amahlak mekkeb, ig amahlakppa eɗut daagnig,” aon akkulag.

Ikki Danab 5:31

Amu Yawe, kekeɗ nahipad oh ag Sisera mauhom bia mauhkkulagnu ool daatte. Anam amge, laa ag nahipnu oolag mauhtte, ag aam ɠagattag ba amahaltte bia amahalkkulagnu ool daatte.” Anam daye, maɗ 40 amu, wan amuppa maɗoɗ dayom.

Josua 11:4

King amu oh ag Israel ele ban hekkulagnu oolag laippu daye, ag ban danab ahilkad anen anen diin qagmaadppig. Ag ahilkad daupnu ebqak am huanaknab, ihi yu ihippa daatte amubia. Ag ahilkad hos, bannu karis ele am kuɗumnab.

1 Samuel 17:45

Goliat nug anam a amu, Dawit nug nob ma aum. “Na qep elab, ban elab, am ban tutu ele aon, da ele ban hekkunihnu uɗime, amge da Yawe Nukka Ɠagattag Oh Ele, da Nug onigppa, da na ele ban hekkunihnu uɗittem. Nug am Israel ban danab dilag Kayak. Na nuhignu guhig ahaknu nai ame.

2 King 19:23

Na he, nai awa ukkak danab nahipad ag da, da Naɗi, ag da aon aon naunab iuppig. Na amu hena amu, na inam ame. ‘Da bannu karis kuɗumnab dahilppa da wan oh eɗadmi, danab nug Lebanon qauko okkai okkai igippa ta, ad sida elab elab, laa oh eɗattak, amu ad pain enanag, nug ad amu okkula aotte, da amubia hemi. Da danab nug qauko attannab, laa oh eɗattak, danab laa appa ii oitte bia, appa ad enanagnab daatteb, nug aguppa ta, ad okkula aotte, da amubia hemi.

2 Stori 14:10

Ag uɗieg, Asa nug nuhikkud daup ele ag ahan gona, Sera, nuhikkud daup ele uɗalag tekkulagnu goppig. Ag gona Maresa guguittak teeg, oolnu noak onig Sepata, ag appa ban hekkulagnu bappaidppig.

2 Stori 14:11

Ag bappaidna, Asa nug Yawe, nuhig Kayak, nug Nug unuqitta aum. “O Yawe, laa na bia laa iitta. Na laa ag gai-iitta daatteb ehanadppe, ag laa ɠagattag daatteb eɗadkkulagnu elele. O Yawe, ihinig Kayak, ig nahipnu dabmettata, na oninppa daup huanaknab imu ele ban hekkunignu uɗimut daattem amunu, na ig ehanigppe, ig daup imu eɗadkkunignu oɗ medattem. O Yawe, na ihinig Kayak daattem, na uuigppe, daup imu eɗigppeg, danab ah laa ag daup imu na eɗidppig amananu na unuqidttem,” awa unuqittom.

Esra 8:22

Anukka ig king amegppa inam amut. “Ihinig Kayak Nug aun aɗi laa ag nuhignu dabmena, Nug dim lamidtteb ele Nug ii helo bia me, Nug ehanatte, ag ena daatteb, amge aun aɗi ag Nug uutteb amu, Nug amu dilag oo nauhak naɗi doya, bu madatte,” aot amut. Ig anam king amegppa amut amunu, gemu da ibppa kekeɗ heigppeg nauhmatanu nug oɗ medappi, nug ban danab baelagppa oitteb, ban danab hos attan oitteb ele ag omaigppeppeg, ig Jerusalem tekkunignu am uɗal neum. Da anam doomi amunu, da ig ee ohnu kud meta, Kayak unuqidkkunignu ag amelagppa ami.

Sam 33:16

King laa nug daup huanak eletai, amge daup amu ag akka ag king amu ehanidppeg, padal ii memanu elele iitta. Ban danab laa ɠagattagnabtai, nug nukka dabmak awa, ɠagattag nuhigppa, nugakka ehanitta, ena daakkunu elele iitta.

Sam 33:17

Am hos laala, daup ag amu attan tena oinna ban hetteb ele, hos amu ag heeg, daup amu ag kekeɗ ii eɗadtteb. Ao, hos amu ag ɠagattagnab, amge ag danab ag qaɗelagppa daaegeg oitteb ele, ag ag ehanadppeppeg, padal ii memananu elele iitta.

Sam 124:8

Yawe Nug ig ehanigtte. Nug hab, wan ele haatom.

Prowerb 21:31

Danab ag hosppa daanna ban hetteb ele, ag hos banppa gokkulagnu bappaladtteb; amge ban eɗittaknu, amuam Yawe, nuhigppaib daatte.

Hosea 14:4

Amu Yawe Nug ⌊danab anam unuqidkkulagnu dimppa inam akkunu⌋ atte. “Dahil oo nauhak am iitta ma, qeta awom. Qeta awom amunu, da heppi, ag baula da di-ii-meɗona, kayak hambuppuak laala ii dim lamidmana. Ao, da oo qak iittappa ahilagnu ool mauhkku,” awa atte.