Sam 19:8 - Nobonob Baibel

⁸ Yawenu oo yaak nai ɗo bia oh am tutukkunab; amuppa danab ah ag oo gamag ahak aotteb. Ao, Yawenu ɗo oh am amahlak ele; amuppa danab ah ag aɗi kobol, aɗi keeke am tutukku amu, ag anidtteb.

Sam 19:8 Referans Kwoze

Sam 12:6

Yawe Nug aɗi atte amu, amuam danab laa nug silwa babaitta epeɗia awak, silwa enanag, dubuttid nakok laa iitta ele daakkunu nug haen eblaih aɗit ele anam he, enanagnab bette, am anam daatte. Ao, Yawenu nai am dubuttid nakok laa amuppa iinab daatte amu, Yawenu mattiak am ena eleleib, silwa dubuttid iittanab ele anamnab aakku daatte.

Sam 119:105

Nahip nai amu hul bia oikkulnu amahlak meɗatte. Yo, am amahlak bia da ib ippuniɗkkunu daatte.

Jeremaia 15:16

O Yawe, na Yawe Kayak Nakka Ɠagattag Oh Ele, na onin dahilppa daatte amunu, na ae, nahip nai dahilppa uɗie, da danab ee lanaknu baag enanag lanana, gamag ahak dootte, amubia da nahip nainu enanagnab doomi.

Prowerb 30:5

Keeke oh Kayak Nug atte am genabib; Nug laa, ag Nug ahilag padal mak eɗitteb ena dayaknu ehanittak daakkunu nuhigppa dotteb amu, Nug ahilag guppiɗ daatte.

Sam 119:128

Da nahip oo yaak nai ɗo bia ohnu amu, da ag tutukkuib daatteb oolppa genab doottem. Ao, da nahip ɗo, nahip oo yaak nai ɗo bia ohnu anam doottem amunu, da ib eheɗnu nau ninig ele doottem.

Prowerb 2:6

Aɗinu? Yawe Nug doyak dabmak ena ele megatte. Ao, Nug oɗeppa ig doyak, amu diignu doyak tutukku ele aottem.

Sam 119:92

Da nahip ɗonu enanagnab ii doolom amu, da uug dahilppa dayebeb mauhlom.

Sam 119:80

Da uɗa nak ii doopanu amu, da nahip ɗo dim lamidppi, nahip neekkakppa da oolppa kaliak laa ii daamanu ool daatte.

Prowerb 6:23

Aɗinu? Haknunab anak ihinihppan imu, ag am lam laa bia. Ao, ihinih ippunittak imuam amahlak laa. Amu anak ihinih na tolitta, daut batebeb, na aokkut amu, amuam na bauklel daakkutnu ippu aakku.

Rom 7:22

Aɗinu? Da dahil dabmak unuqagppa amu, da Kayaknu ɗonu enanagnab doottem,

Galesia 2:19

Ɗo nug da iwe mauhmi, nug gemu da ii hippaliɗtte; diig amunu amu, da Kayak waappaib daakkulnu daattem.

Rom 3:20

Ɗo nai am danab oh dilag daatte, amge danab ohnab ag pehettak ii dim lamidtteb amunu, ɗo dim lamittak kobolppa danab laippu laa Kayak amegppa genab tutukku hak danab daakkunu elele iittanab. Aɗinu? Ɗo nai am ig hipunin ihinig uhuqa megakkunu keeke iitta. Ɗo nug he, eheɗ hak ihinig miag atitte aakkuib.

Rom 7:7

Amunu ig aɗi akkunig? Ig, “Ɗo amu hipunin ele aa am keeke laippu,” akkunigte? Iittanab! Amge genab, ɗo nug da hipunin ii ippuniɗlo amu, da aɗi kobol am hipunin ele, da ii doolom. Amu inam bia. Ɗo atte, “Na aib danab laanu keeke amen qeeb aolomnab dabmak eheɗ aome.” Ɗo anam ii alo amu, da danab laanu keeke ameg qeeb aolonab dabmak eheɗ awak kobol am nau amu, da ii doolom.

Sam 119:16

Da nahip ɗonu enanagnab doottem. Da nahip nai ii daul atima.

Sam 119:14

Laa nug enub kuɗum ele, nug nuhig keekenu oo gamag ahatte, amubia da nahip ɗo nai dim lamidkkulnu, da ool huana gamag ahatte.

Esekiel 36:27

Amu da ele da Ouɗil ag matten, da heppi, ag dahil nai dim lamidkkulagnu dabmak anuqak aɗan oiglag. Ag dahil ɗo iɗu iɗu ii tippalmananu dabmak okkainab aoglag.

Sam 119:171

Na nahip ɗo da ippuniɗttem amunu, da na binan naɗi humattem.

Sam 119:143

Uug digdig, uug nau digdig ele, uug amu dahilppa beppig, amge nahip haknunab anak am he, da enanagnab doottem.

Sam 119:130

Nahip nai amu, danab ah ag doon, oolag maitte, am ag amahlak madatte. Ao, nahip nai danab ag doyak ii awak ele, am amu dilag diignu doyak tutukku madatte.

Sam 119:121

Da nai doya mala hettoɗia epeɗia elele mettak kobol, genab tutukku hak kobol ele dim lamaten hemi. Na uuiɗppe, laa da eheɗ heiɗtteb ele ag eɗilna aɗailppeg, ag eppelagppa daapanu oɗ medattem.

Sam 119:40

Antte! Da nahip oo yaak nai ɗo bia oh dim lamidkkulnu ool huana hette. Na genab tutukku hak kobol aakkuib dim lamidttem amunu, na ehaniɗna heppe, da eɗue ena daakkulnu oɗ medattem.

Sam 119:12

O Yawe, danab ah oh ag na binan mekkulag am tutukkuib. Na nahip ɗo nai ippuniɗkkutnu ool okkai daye, oɗ medattem.

Sam 105:45

Yawe Nug keeke amu oh heumnu diig am, Israel danab ah ag anidna, ag nuhig oo yaak nai ɗo bia dim lamidna, nuhig ɗo ele dim lamidkkulagnu Nug heum. Ag Yawe binag meig!

Sam 40:8

O dahil Kayak, nahip dabmaknab awak aɗi daatte amu, da amu hekkulnu ool daatte. Yo, nahip ɗo amu, da oolppa memi daatte”.

Sam 13:3

O Yawe, dahil Kayak, na eɗun aon, nai nob meɗakkutnu oɗ medattem. Ao, na da ii ehaniɗkkut dayeb amu, da mauhkkul.

Eksodas 18:16

Am haen danab aɗit laa aa keeke laanu nug aidya, diig amunu aa da gumiɗya uɗieh amu, da ahilah nai amu oh elele epeɗiatten, nai atten am tutukku, da ai dooeh, da aa Kayaknu ɗo iɗu iɗu ele ai doottep,” awa aum.

Galesia 3:21

Anam amunu, ɗo nug am Kayak anukka nai qakka aum ele, amunu kekeɗte? Iittanab iitta! Aɗinu? Ɗo am danab bauklel mattaknu ii daatte. Ɗo laa ig danab bauklel megakkunu daalo amu, ig ɗo amu dim lamidpput, Kayak Nug ihinignu, “Genab tutukku hak danab ah,” akkunu elele, amge ɗo laa anambia ii daatte.

Aisaia 64:5

Danab ah ag oolag gamag ahe, ib tutukku dim lamidtteb, ag nahip ib daulagppa doowo oitteb ele amu, na ag ehanadkkutnu uɗittem. Amge ig nahip ib uuta, ig tuɗidta, ihinig ib mattat gota, hipunin hemut amunu, na oot nauhom. Amu ig na ippunppa ii gokkunig dayeb amu, attemu ig padal mematanu ehanittak aognig?

Sam 119:54

Da adeppa adeppa daattem amu, appa da nahip ɗonu ahi edattem.

Sam 119:24

Da nahip ɗonu enanagnab doottem. Ɗo amu ag dahil ulum mettak danab bia daatteb.

Nehemaia 9:13

Qauko Sinai appa amu, na hab attannu neme; na hab attan daan, ag amelagppa nai mattime. Appa na ɗo tutukku, elele elele ele mattame. Ao, na ɗo ena, haknunab anak ena ele mattame.

Nehemaia 8:12

Lewi buɗub amu ag anam appig amunu, danab ah ag ee, le ele lakkulagnu, ag laa ee, le iitta ele ag ee, le ele mattaglagnu, ag hobul, gamag ahak okkai ele doon hekkulagnu ahan goppig. Aɗinu? Ag gemu Kayaknu ɗo laa ebqe doon, diig dooglagnu elele daan dooppig.

Duteronomi 16:14

Ag hobul henana, ag gamag ahak ele hekkulag. Ag baelkadppa, maɗi nid maɗi ah ele, Lewi buɗub, wan laihnu danab, aria nid ag mamelkad mauhppig, amu ah qab ele, ag appalkadppa daatteb ele, ag oh gamag ahak dooglag.

Duteronomi 16:11

Haen amuppa ag Yawe, ahilag Kayak, ag Nug aben Nug onig aguppa daakkunu epeɗikku amu, amuppa ag Nug noobppa gamag ahak ele Ee Tatam Oɗue Digma Awaknu hobul hekkulag. Ag, amu ag baelkadppa ele, ahilkad maɗi nid maɗi ah ele, Lewi buɗub aab naunau ooppa ag ele oh daatteb, wan laihnu danab, ag oolagppa daatteb, nid ag mamelkad mauhppig, ah qab, ag oolagppa daatteb oh ele, ag hobul amu gamag ahak ele hekkulag.

2 King 17:37

Ag dahil haknunab nai, dahil ɗo iɗu iɗu oh ele, nai da ye ag mattami amu, ag amu dim lamidkkulagoitte. Ag kayak hambuppuak noolagppa aib dup nona binalag meppig.

Sam 93:5

O Yawe, nahip ɗo iɗu iɗu ii baolin ɠagattagib daatteb. Ao, danab ah ag hanhan, alet na laut am nahipnu tituanak daatte, dubuttid iitta doon, ag ele am oppiaawak daan oiglagnunab daatteb.

Sam 111:7

Nug aɗi aɗi hette ele amu, Nug nai doya mala hettoɗia epeɗia elele mettak kobol dim lamittatta, Nug oo metta ii uuak kobol ele dim lamitta hette. Nuhig oo yaak nai ɗo bia am ig danab ah kobol tutukku dim lamidtata daagnignu ippu ippunigtte.