Sam 19:13 - Nobonob Baibel

¹³ Keeke laa amu, na oot da, nahip maɗi nid, na da meɗan ehaniɗna heppe, da doyeye hipunin ii hepanu unuqidttem. Ao, na oot da meɗan ehaniɗna heppe, hipunin amu da ii gumiɗmanu oɗ medattem. Na anam hekkut amu, da oolppa nahip neekkakppa kaliak laa ii daama. Yo, da hipunin laa, okkai naɗi daatte amu, da amu ii hein, beɗulppa aab ii daama.

Sam 19:13 Referans Kwoze

Sam 119:133

Na nahip nai ippuniɗnana, amuppa na oiyak dahil ulum mettan heppe, hipunin da ii gumiɗmanu oɗ medattem.

Aposel 24:16

Amunu da hanhan deɗ oh da oolppa keeke eheɗ laa Kayak noobppa, danab ah amelagppa ele ii daamanu, da wagai mettem.

1 Samuel 25:39

Nabal mauhe amu, danab laa nug amunu Dawit amegppa a, Dawit nug aum. “Nabal nug dahilnu eheɗ heum, nug dahilnu am keeke hamunab doyaya heum, amge nob mettak nau Nabal nug heumnu amu, Yawe Nug da ehaniɗa, eɗua awa, Nabal mettom amunu, ig Yawe onig humapput, attan taɗ! Yawe Nug nuhig ehanittakppa da ehaniɗe, nob mettak nau eɗuen awen, Nabal medakkulnu ii hemi. Yawe nug Nabalnu eheɗ hak antta awa, eɗua Nabal mettom.” Dawit nug anam aum. Dawit anam awowa, dimppa amu nug nuhikkud maɗi nid laala maatte, ag Abigel gumidna gona, oɗ medappeg, nug uɗia, geha nug Dawit wau daakkunu goppig.

Sam 7:10

Kayak Attannab Laa Oh Eɗattak Nug dahil guppiɗ daatte. Nug aakkuib laa ag oolagppa kobol tutukku, kobol genab dabmenan dim lamidtteb amu, Nug ag ehanadtte.

Sam 84:11

Aɗinu? Yawe Kayak Nug am ihinig amahlak, guppiɗ ele daatte. Nug ii helo bia me, Nug ehanittak kobol dim lamidttatta, Nug binag okkai ele megatte. Yawe Nug danab ah nuhikkud ag nuhig neekkakppa oolagppa kaliak laa iitta ele amu, Nug ag keeke ena ena oh madatte.

Genesis 20:6

Abimelek anam a amu, Kayak Nug tulppa eɗua, nug amegppa aum. “Da doottem, na keeke imu heme, amge na doonna ii hee, na beɗunppa aab iitta amunu, da hei, na dahilppa hipunin ii heme. Da hei, na nug ele ii oipiɗ.

2 Pita 2:10

Kayaknu kobol amuam, nug genab danab laa ag ahilag oo hak naunab dim lamidnana, Kayak oɗe dim lamittaknu ena iinab dootteb, am ag tonadkku. Ippunittak danab hambuppuak amu, ag akka ahilagnu ag am ɠagattag doonna, ag laanu dab-ii-menana, ag hab aabppan engel dilagnu baeg qak nai mattiglagnu ii baɗatteb.

Sam 18:23

Anam amu, Kayaknu neekkakppa da oolppa kaliak laa ii daatte. Ao, da hipunin hepanu, da dakka da hipuninnu awaitten daattem.

Sam 11:7

Aɗinu? Yawe Nug genab tutukku hak kobolib hette. Ao, Nug genab tutukku hak kobolnu oo mauhtte. Ge, aun aɗi ag kobol tutukku hetteb, ag geha Nug iɗu anidkkulag.

Eksodas 21:14

Amuam danab nug layag ii doyaya qe mauhttenu ɗo, amge danab laa nug hekkunu lokkumakppa dabmaama, maittak eheɗ awa, danab laa qeeb mauhkku dayeb amu, ag danab amu qeppeg mauhaɗ! Genab! Nug ena daakkunu qaiqaɗ ukka, dahil qaɗabppa ta aɗakku dayeb am keeke hamu. Ag amu aib dabmeppig. Ag nug amuppanu aon gona, qeppeg mauhaɗ!

Lewitikas 4:2

“Na Israel amelagppa nai imu appe doyeg!” awa aum. ⌊Nug anam a amu, Moses nug Israel amelagppa inam aum.⌋ “Laa nug ii doyaya ib apiɗitta, nug Yawe aɗi keeke ii haknunab aum amu haaha, hipunin hekku amu, nug inam iikku hekku.

Lewitikas 4:13

Amu Israel danab ah oh ag ii doonna ib apiɗidna, ag Yawe keeke ii haknunab aum amu henana, hipunin hekkulag dayeb, Israel danab ah oh ag oh beɗulagppa aab ele. Ge, Israel ag keeke amuppa hipunin ii doonna hekkulag dayeb amu, ag aakku beɗulagppa aab ele.

Lewitikas 4:22

Am haen Israel dilag ikki danab laa nug ii doyaya ib apiɗitta, Yawe, nuhig Kayak, Nug keeke ii haknunab aum amu haaha, hipunin hekku dayeb, nug aakku beɗuppa aab ele.

Lewitikas 4:27

Aun laa Israel ooppa nug ii doyaya Yawenu ib apiɗitta, Yawe Nug keeke ii haknunab aum amu haaha, hipunin hekku dayeb, nug aakku beɗuppa aab ele.

Job 34:32

nug tuɗitta, ‘Ippuniɗppe, da keeke gemu ii anidttem anttoya, da eheɗ aɗi laala ii doyeye hemi amu, da baula ii hepa,’ akku dayeb, ⌊diig amunu Kayak Nug danab amu keeke laala aokkunu oɗe dim lamidkkuoitte? Iitta.⌋