Sam 19:12 - Nobonob Baibel

¹² Auntai laa nug nuhig eheɗ hak doyaya ii hette oh ele, nug amunu oo maittak aokkunu elelete? Laa iitta. O Kayak, na oot da meɗan, hipunin da doyeye heinne, ii hettem ele amu, na uhuqna meɗakkutnu oɗ medattem.

Sam 19:12 Referans Kwoze

Sam 90:8

Na hee, ihinig hipunin oh na noomppa miag atiak daatteb. Ao, na am amahlak ele, amu na hee, ihinig hipunin, ig lokkumakppa hemut ele amu, hipunin amuam na noomppa amahlakppa miag atiak daaegeg anadttem.

Job 6:24

Da eheɗ hemi dayeb amu, ag ippuniɗppeg dookkul. Ao, ag ippuniɗppeg, da oɗel qamuten, nai ii madipa.

Jeremaia 17:9

O gadon, danab ah oolag unuqagppa hambuppuak aakkuib daatte. Danab aun laa danab oolagppanu nug amu heeb, babaittak daakkunu laa iitta. Aun nug amu tutukku dookkunu elele iitta.

Sam 40:12

Aɗinu? Uug kuɗum, ebqaknu iitta, da taliliɗtteb. Hipunin da hemi am toniɗkkulagnu heegeg, da ib ena laa antte gokkulnu ii anidttem. Uug amu, dahil hipunin ele am da ikkil uɗugnu ebqak am eɗittak. Dabmak dahil am ɠagattag daakkunu elele iitta.

1 Korint 4:4

Da Naɗi noobppa da dahil ooppan oiyak ippunittaknu ulumppa da eheɗ hemi ii doottem, amge amu Naɗi noobppa da genabnab da beɗulppa aab iitta ii ippunigtte. Laa Nug da epeɗiltte am Naɗi, Nugib.

1 Jon 1:7

Amge Nug nukka amahlakppa daatte, amubia ig amahlakppa oittem dayeb amu, ig oh nug oo laippu ele nug doya dayakppa daattem, amu Nug Bekka Jesus, Nug tiig ihinig hipunin oh mihehe, ig oppiak daattem.

Hibru 9:7

amge mana mettak ikki danab, nugib am lag oo makkulak ooppanab, amuppa hipunin nuhig amu danab oh dilag ele doɗ tiilagppa mana mettak hekkunu maɗ laippu ooppa, haen laippuib noa hettom. Nug hamu iinab nottom. Iitta! Nug doɗ tiig awa ele gottom.

Sam 139:6

Da amu oh am genab doottem, amge da amu diig tutukku dookkulnu elele iitta. Ao, Yawe, nahip hak ena, da amunu diig dookkulnu elele iitta; da eɗiltte.

Aisaia 64:6

Ig oh am oonigppa dubuttid ele na noomppa bemut daattem Keeke oh ig hetata, ihinig dabmakppa, ig kobol amunu am genab tutukku hak kobol doottem ele, keeke amu oh am lamen qatti dubuttid naunab ele bia na amenppa anidttem. Ig am ad uɗug mauɗna qaɗaiedatteb bia hettem. Ao, ulah ad uɗug bunaɗak iwale gotte, amubia hipunin ihinig he, ig iitta mettem.

Sam 139:2

Da daattem, o hibaitte daattem, haen amuppa na doottem. Na da keeke laanu dab-ii-memi, butti haen adekku dabmekkul amu, na gemu dabmak dahil amu aakku doon malame.

Sam 51:2

Na heppe, da oolppa aab iitta daakkunu oɗ medattem. Yo, na dahil hipunin uhuqna meɗan heppe, da oppiaawak bekkulnu unuqidttem.

Sam 65:3

Hipunin ihinig tonikke, ig naunab daamut, amge na ihinig hipunin uhuqadna mekkame.

Eksodas 24:12

Amu dimppa, Yawe Nug Moses amegppa aum. “Na qaukoppa bena, da gumuiɗna uɗin daappe, da ɗo men maha aɗit laappa yaami, ɗo amuam danab ah ulum madatte amu, geha da na men maha aɗit amu medakkul,” awa aum.

Duteronomi 5:29

O gadon, Israel danab ah ag haen oh inamib henan daalobnu ool daatte. Da ag dahilnu ebehilag oh bodoetta le meeb, ag dahil ɗo oh dim lamidlobnu ool daatte. Ag anam hekkulag dayeb amu, ag, am ag buɗulkad ele haen oh eleleib henan daalob.

Duteronomi 5:32

⌊Yawe Nug Moses amegppa anam aum amunu, Moses nug Israel amelagppa aum.⌋ Anam amunu, ag Yawe, ahilag Kayak, ag nuhig haknunab nai oh tutukku dim lamitteg; ag aib dabmak laa aon baolippig!

Prowerb 13:13

Aun nug Kayaknu ippunittak nai dimedakku amu, nug eheɗ hak amunu uug maokku; amge aun nug Kayaknu ɗonu ena doya, nai dim lamidkku amu, nug amunu nob ena aokku.