Sam 19:11 - Nobonob Baibel

¹¹ Am da, nahip maɗi nid, da nahip ɗo aɗe dabmedakkul dayeb amu, da eheɗ hein, nau aopanu dabmak meɗakku. Danab ah ag aɗan dabmettaglag dayeb amu, ag geha nob ena okkainab aoglag.

Sam 19:11 Referans Kwoze

2 Jon 1:8

Amu ag tamaniak ooppa daatteb ele, ag Kayaknu keeke aoglagnu uɗat heppig, amu laa amu ag heppeg, keeke amu iitta memanu dabmeig! Ag geha nob ena oh aoglagnu heig!

Sam 119:11

Da nahip-ppa hipunin qak hepa, da nahip nai da oolppa mein, dabmak dahilppa ele memi.

Jems 1:25

Amge ɗo elelenab, ɗo amuam ig hipuninppanu uhuqigtte amu, danab laa nug ɗo amu diig neekka aut autanab awa, tutukku dim lamitta, nug ɗo amu ele daug ii atitte, nug dim lamidtte amu, Kayak nug danab amu itittak ena medakku.

Prowerb 29:18

Danab ah ag Kayak nainu ippunittak ii aotteb amu, ag beɗulag, ahilag dabmak ele ag aɗi hekkulagnu eeɗatteh, ag amu aakku hetteb; amge laa ag Kayaknu ɗo dim lamidna oitteb ele, ag itittak ena aoppig daatteb.

Matyu 6:4

Na anam heppe amu, nahip oo doyak uɗat lokkumakppa dayebeb, na Mamen, Nug keeke lokkumak oh anidtte, Nug nob ena eɗua medakku.

Revelesen 14:13

Aria, da baag laa hab aabppanu doomi amu nug inam aum. “Na nai inam ye! Danab aun aɗi ag Naɗi onignu oolagppa genab dootteb amunu gemu, butti aɗi ele laa heeg, ag mauhtteb ele amu, ag itittak ena aoppig daatteb,” awa aum. Aria, Kayak Ouɗi Nug ele atte. “Ag ahilag uɗatnu hik aoglag. Aɗinu? Ag ahilag hak ena heppig ele amu, amunu nai am ag ele gokkulag,” awa atte.

Hibru 11:26

Nug nob ena, butti aɗi Kayak medakku amunuib dabmeum amunu, nug Kristus onigppa uɗa nak aokkunu ena doya, Isip enubnu amu, nug keeke hamu doyom.

1 Tesalonaika 5:14

O lainkad, ig nai baula tuɗidta, ahilkad dabmak maɗettagnignu ag amelagppa iikku attem. Danab ag bahi yaak doonna, hamu uɗat iitta oitteb ele amu, ag nau aomnanu nai ag amelagppa aig! Laa oo baɗak dootteb amu, ag ɠagattag aqeg! Ag laa ag ɠagattag iitta amu, ag ehanatteg! Danab oh dilagnu amu, ag dagom kobol dim lamidna oiyeg!

Matyu 3:7

Layattette amu, ɗo gumak danab-Parasia, ɗo gumak danab-Sadyusi ele ag layattak aoglagnu kuɗum ukkaeg, Jon nug ag anatta, nug ag amelagppa inam aum. “Ag am danab nau, mat nau bia. Aun nug nau aomnanu nai ag amelagppa mattie, ag Kayaknu oppoɗi bak uɗitte ele ii aqamanu uɗippig?

1 Korint 4:14

Da heppi, ag uɗalag nekkunu ii yaattem. Iitta! Ag nid naunau dahiladnab bia, ag eheɗ gomananu amu, da ag ib ippunadkkulnu hettem.

Aposel 20:31

Amunu ag ⌊nena qemananu⌋ dabmenan dayeg! Ag da maɗ ewam, tuqan, amun ele ag laib laib ag amelagppa hanhan nau aomanu maɗettaknu nai amel leb nak ele matti dooppig amu, ag amu dabmakppa aɗan dayeg!

Prowerb 11:18

Nau hak danab nug keeke aotte me, nug keeke diig genab ele ii aotte; amge danab nug genab tutukku hak kobol hette amu, nug meu ena genab aotte.

2 Stori 19:10

Ag lailkad, Juda danab ah, ag aab okkai anen anenppa daan, uug digdig ag epeɗiak danab, ag bappaidkkulagnu aon uɗiglag. Uug amuam ɗo digdig oolagppan laa tippalaktai, o haknunab anak tippalaktai, o ɗo mak nai laa tippalaktai, o layag qe mauhaktai, uug amu oh ag aon, ag bappaidkkulagnu uɗiglag. Ag nai amu aon uɗippeg, ag epeɗiak danab tituanak daatteb ele, ag danab amu ag Yawe, nuhigppa hipunin hemananu, ag nau aomnanu nai ag amelagppa mattieg! Ag amu ii hekkulag dayeb amu bu nau, Yawe eppegppanu, bu amu ag, amu ag lailkad ele ag tonadkku. Ag epeɗiak danab ag uɗat amu pehettak hekkulag amu, ag hipunin ii hemana.

Matyu 6:6

Amge haen na unuqidttem, na lag ooppa nona, od manona, na Mamen, Nug miag atiak ii daatte, na Nug unuqidppe, Nug keeke miag atiak iitta oh anidtte ele amu, Nug nob ena na medakku.

Sam 119:72

Da men doɗo huanak ele daalom, amuam nakok enatai, amge da nahip ɗo aɗattem amu, amuam enanagnab. Da nahip ɗonu ool huanak hette.

Sam 119:103

Danab laa nug keeke ubuhi ele lakkunu oo huana hette, amubia da nahip nainu ool huananab hette. Uppuh leppu am ubuhi elenab, amge nahip nai am ubuhi huanaknab ele.

Prowerb 24:14

Uppuh leppu ubuhi ele daatte, lanaknu am ena, amubia na doyak dabmak ena ele aokkut am ena. Na doyak dabmak ena ele aokkut dayeb amu, na butti aɗi ena daakkutnu dabmak aɗan oin daappe, laa nug heeb, ena daakkutnu dabmak aɗan oiyak amu, amuam ii iitta mema.