Sam 18:44 - Nobonob Baibel

⁴⁴ Wan laihnu danab ah ag da aɗi attem doon, laippun ag akka da oɗel dim lamidtteb. Ao, wan laihnu danab ag da noolppa beɗulkad aɗaeg nette.

Sam 18:44 Referans Kwoze

Sam 81:15

Laa ag Yawe da, dahilnu nau ninig ele dootteb amu, ag baɗan, da noolppa dup nolob. Ao, ahilag bu am iitta ii melo.

Sam 66:3

Ag Kayak amegppa inam aig! “Keeke na hattame am enanagnab. Danab ag amu anadna, ag ebehilag oh bodoetta le mette. Ɠagattag nahip am okkainab, amu nahip kekeɗ ag amu doona, ag baɗana, na noomppa gatelag qaun ona daatteb.

Duteronomi 33:29

O, Israel, ag itittak ena aon malappig! Auntai laa ag bia laa iitta. Yawe Nug nukka ag padal memananu ehanattom. Nug am ahilag guppiɗ, ahilag ehanittak, ahilag qep elab enanag ele. Ahilkad kekeɗ ag ag noolagppa ag beɗulkad aɗappeg neeb, ag Israel ag ahan, tappaladppeg nokkulag,” awa aum.

Esekiel 44:7

Ag kobol eheɗ kuɗum, da kobol amunu uuaknab doottem, ag amu henana, ag wan laihnu danab, ag oolag babaittak iitta, beɗulag gaɗa otaɗak iitta ele, ag danab amu omaladna, mettid lag dahilppa goppig. Ag omaladna wana, haen amuppa ag ele doɗ main, da meɗappig amunu, kobol amuppa ag heeg, da laul dubuttid tak ele dayom. Ag amu henan, ag dahil nug tituana nai qakkak ig hemut ele amu, ag nai amu tippalppig.

Aisaia 62:8

Yawe Nug nuhig ɠagattagppa nuhig nai ɠagattag qetta, Juda danab ah amelagppa inam aum. “Da heppi, ahilag kekeɗ ag baula uɗin, ahilag ee aeg ii lamana. Ge, da heppi, wan laihnu danab ag baula uɗin wain bau, ag amu aoglagnu uɗat okkai heppig amu, ag baula uɗin, amu ii lamana.

Sam 68:30

O Kayak, ihinkad kekeɗ ag doɗ ɠagattag bia daatteb. Na heppe, ag nena qekkulagnu oɗ medattem. Ao, ihinkad kekeɗ ag am doɗ ɠagattag laa nug doɗ gai-iitta guittak medatte bia henan daatteb. Na heppe, ag nena qekkulagnu unuqidttem. Ihinkad kekeɗ ag wagai meegeg, ig takis mattagnignu oolag he hettem, amge na heppe, ag uɗalag nekkunu oɗ medattem. Na heppe, danab ah wan anen anennu ag ban hekkulagnu enanagnab dootteb ele amu, ag oolna gona, matatun daaglagnu unuqidttem.

2 Samuel 1:13

Ag anam hewon, Dawit nug nid bau, nai amu awa uɗiom amu, nug oɗ mettom. “Na am ategted?” oɗ mettom. Oɗ mette am nid amu nug nob ma aum. “Da mam am, wan laihnu danab, nug Amalek buɗub, amge da Israel wanppa daattem,” awa aum.