Sam 18:23 - Nobonob Baibel

²³ Anam amu, Kayaknu neekkakppa da oolppa kaliak laa ii daatte. Ao, da hipunin hepanu, da dakka da hipuninnu awaitten daattem.

Sam 18:23 Referans Kwoze

Sam 37:27

Ag nau hak dimettan, ena heig! Ag anam hekkulag dayeb amu, ag hanhan ɠagattag, ena daaglag.

Sam 17:3

Na dahil dabmak attemu amu anidna malame. Ao, na da ool attemu daatte amu, tuqanppa na anidna malame. Na da pehettananab aniɗna doottem, da eheɗ laa ii hein oimi. Da nai mattiak dahilppa eheɗ laa ii hein oimi.

Sam 11:7

Aɗinu? Yawe Nug genab tutukku hak kobolib hette. Ao, Nug genab tutukku hak kobolnu oo mauhtte. Ge, aun aɗi ag kobol tutukku hetteb, ag geha Nug iɗu anidkkulag.

1 Stori 29:17

O Kayak dahil, da doottem, na danab oolagppa attem attem daatte, ag oolag italttem. Amu na danab nug nuhig dabmak oiyak ele am tutukkuib anidna, na amunu ootppa ena doottem. Anam amu, keeke imu oh da na mettami amu, da oo qak iitta ele, da dabmak genab dim lamitten mettami. Laa amu, da danab nahipad ag ina daatteb amu, ag oo qak iitta ele keeke medappig, da amu ele antten, gamag ahak okkai doottem.

1 Samuel 26:23

Yawe Nug nob ena danab nug kobol genab tutukku dim lamitta, oo metta ii uuak kobol ele dim lamidtte amu medatte. Gemu Yawe Nug na da eppelppa meittom, amge da na, Yawe Nug na king daakkutnu goɗen gokkaɗakppa tituanittom ele amu, da na eheɗ heidkkulnu uumi.

Sam 119:30

Da doyak diig genabib dim lamidkkulnu ippu aakkuib tituanmi. Da nahip ɗo waappa daakkulnu ool okkai daye, amuib hekkulnu dabmak ɠagattag aomi.