Sam 18:15 - Nobonob Baibel

¹⁵ O Yawe na he, ulah huanak hos ihie, ulah huana noobppa doa gotte, amubia Na hee, ulah huanak ukke, yu oppate, yu unuqag diigppa oolnu noak daatteb amu, ag miag atippig. Ao, Yawe na nai hee, wan ukku miag atiom.

Sam 18:15 Referans Kwoze

Sam 106:9

Nug he, ib man qaɗaiettak Le Kokoɗppa beum. Nug he, yu unuqagppa wan qaɗaiettak, atu taɗakppa qaɗaiettak daatte bia dayom; amu amuppa Israel danab ah omalattom.

Eksodas 15:8

Na hee, ulah ɠagattag iwale, le nug qagma ta, anam ɠagattag dayom. Ao, genab, ulah nahip le duttuna he, oppate, ib le gamagppa dayom. Ge, ulah nahip he, le nug laih laih gilil bia ɠagattag eppa dayom.

Maika 6:2

Qauko, ag Yawenu nai, Israel dilagnu doyeg! Ao, wan ukku, ag daulag human, ag Yawenu nai, Israel dilagnu ele doyeg! Aɗinu ag nai amu dooglag? Yawe Nug nuhikkud danab ah dilagnu nai ele. Ao, Nug nuhikkud danab ah dilagnu nai ele amu, Nug nai amu hettoɗiakppa mette.” Yawe Nug da Israel amelagppa anam akkulnu aum.

Jeremaia 31:37

Anam amu, Yawe Nug imu ele atte. “Danab laa nug hab genab melemel ma, elab amu gane dookku dayeb, o danab nug wannu ukku ohnu keeke hettoɗia, amu oh doya malakku dayeb amu, da Israel dilag eheɗ hak dabmein, Israel buɗub oh geɗadkkul, amge anam iinab bema,” awa atte.

Sam 104:5

Nug wan nuhig dayaknu abenppa meum amunu, wan laih wakkunu elele iitta.

Sam 76:6

O Jakopnu Kayak, haen na haknunab ae amu, kekeɗ ihinkad dilag hos ag mauhatteg, ahilkad bannu karis ulum aɗak danab, ag ele mauhppig.

Job 4:9

Kayak Nug ouɗi nakokib ahilagppa iwale, danab nau hetteb ele ag nauhtteb. Ge, Nug ahilagnu oo nauhak doya he, ag mauhtteb.

2 Samuel 22:16

Yawe Nug he, ulah huanak hos ihie, ulah huana noobppa doa gotte, amubia Nug he, ulah huanak ukke, yu oppate, yu unuqag diigppa oolnu noak daatteb amu, ag miag atippig. Ao Yawe Nug nai he, wan ukku miag atiom.

Sam 74:15

Naib hee, le qeppuɗia bakppanu, lenagppanu ele, le bena goppig. Ao, ⌊amge keeke laa ele⌋ naib na hee, le hanhan gonanaib daatteb, ii qaɗaiedatteb ele amu, na hee, aakku qaɗaiedappig.

2 King 19:7

Antte! Da heppi, Asiria dilag king, nuhig dabmak am kaboliak daakku. Nuhig dabmak am anam daakku amunu, nug nai laa doyowa, nug eɗua, nuhig wanppa ukkeb, appa da heppi, laa ag nug qep-ppa, qeppeg mauhkku.” ’ Yawe Nug anam atte,” awa aum.

Jona 2:6

Da ukken, yu ooppanu, qauko oh diilkadppanab daami. Aben amu da ataɗguiɗa auta awe, da aakku daami. Amge Yawe, na dahil Kayak, na da eɗun aiɗe, da bau daattem.

Aisaia 11:4

Amge nug geha kobol genab tutukku ele dim lamitta, nug daɗek danab ah dilag nai am epeɗia bappaidkku. Ao, nug nai doya mala hettoɗia epeɗia elele mettak kobol dim lamitta, nug danab ah huu laa ag keekenu tutu meppig daatteb, nug amu dilag nai am epeɗia bappaidkku. Nug ab, geha danab ah kobol nau heppig ag bu aoglag. Ao, nug geha naiib ab, nau hak danab ag mauhkkulag.

Aisaia 30:33

Amu bekkunu diig am, danab mauhe, ag gaɗa aab aɗuppa heeg ewa iitta mette, amubia Yawe Nug anukkanab he, Asiria dilag king, ⌊Asiria ele⌋ iitta mena autnanab aoglagnu babaittom daatte. Ao, Yawe Nug matu ⌊Asiria,⌋ ahilag king ele aab ewakppa iitta mekkulagnu babaittom daatte. Amuam laa ag danab gaɗa maiglagnu aben okkai, uma noa ukkak bapaidna, aab huanak akkaeg te, aben akka eɗitta te, gaɗa amu qaɗeppa meeg dayeye, kalu laa huana eotte onig salpa le nag gotte bia uɗia aab amote, aab gakkaɗaknab ewawa, gaɗa ewe iitta mette, amubia Yawe Nug heeb, Asiria dilag king, ⌊Asiria ele ag⌋ iitta mekkulag.

1 Samuel 7:10

Samuel nug doɗ mana, Kayak medette, Pilistia ag ban digmena hekkulagnu Israel gukkuadna uɗippig, amge Yawe he, ag daappig ikkilagppa hakkaɗ eheɗ qa he, Pilistia dilag dabmak kabolie, ag eheɗ baɗan, Israel noolagppanu oolna goppig.

Job 36:32

Kayak Nug amemɗi gumatte. Ao, Nug amemɗi aben adeppa aokkunu dabmaama a, aben amu aakku amemɗi aotte.

Sam 77:18

⌊Genab,⌋ hakkaɗ am habppa huana qaaqa ukkom. Amemɗi awa, wan oh amahlom. Wannu amu, wan hahaɗaɗa, uɗalom.

Sam 92:10

Na, da ɠagattagnab, makau okkai ebehi ele dakkuɗ bia heiɗme. Yo, na da itiɗna human qeme.

Sam 144:6

Na heppe, nahip amemɗi amemɗiag aweb, nahip kekeɗ ag matatun gokkulagnu oɗ medattem! Na nahip lat doɗo eppe, lamatteb gokkulagnu unuqidttem.

Sekaraia 9:14

Yawe Nug nuhikkud danab ah dilagppa tula ba boppalatteb, nuhig lat doɗo oh pahanab, amemɗi pahaedatte bia gokkulag. Naɗi Yawe Nug trampet iwala, Nug ulah kilibob, atu taɗak yau uɗitteppanu daatte, appanu huana uɗitte, amubia Nug nuhikkud kekeɗ ele ban hekkulagnu gokku.