Sam 18:13 - Nobonob Baibel

¹³ Yawe Nug hab attannu nai mattie, baag oqotti am hakkaɗ oqotti okkai bia neum. Ao, Kayak Attannab Laa Oh Eɗattak baag am ɠagattagnab ele.

Sam 18:13 Referans Kwoze

Sam 104:7

Amge, O Yawe, na e, le laih ukkom. Ao, na hakkaɗ bia qalan, baat okkaippa nai mattie, le laippun laih ukkom.

1 Samuel 7:10

Samuel nug doɗ mana, Kayak medette, Pilistia ag ban digmena hekkulagnu Israel gukkuadna uɗippig, amge Yawe he, ag daappig ikkilagppa hakkaɗ eheɗ qa he, Pilistia dilag dabmak kabolie, ag eheɗ baɗan, Israel noolagppanu oolna goppig.

Sam 140:10

Na heppe, aab aɗuppanu aab ottag ewawa, na qa, danab amu qaɗelagppa gokkunu oɗ medattem. Na danab amu buɗiadppe, ag moɗ umanab awe noak, baknu elele iitta amuppa nokkulagnu unuqidttem.

Revelesen 19:6

Nug anam a amu, da keeke laa danab ah kuɗum baalag bia, am le okkai buɗuɗuppa noawa oqotti otte amubia, amu hakkaɗ okkai qa aɗeɗe neene, oqotti otte, da amubia dooiyi amu ag enana appig. “Naɗi Kayak Nukka Ɠagattag Oh Ele ihinig Nug King daatte amunu, ig Nug binag metu!

Revelesen 8:5

Te amu, engel nug tappiɗ awa, qaɗabppa aab aɗu ite, ambe, buɗie ukka, wanppa noum. Anam he amu hakkaɗ qa aɗeɗe ne, hakkaɗ diigppa qeeqe, amemɗi awewe, wanppa ele mim neum.

Revelesen 4:5

Daaegeg amu sia king ⌊anuqak⌋, amuppanu amemɗi digma amahala ugekke, hakkaɗ diigppa qeeqe, hakkaɗ qa aɗeɗe ele neum. Lam eblaih aɗit ele ag sia king ⌊anuqak⌋ noobppa eonna daappig. Lam amu ag am Kayak Ouɗi, kobol ena oh nuhigppa ambak daatte ele, am Nug ippunigtte.

Jon 12:29

A amu, danab ah laala appa daappig amu, ag, “Hakkaɗ qeum,” aon appig. Laa anam aeg, amu laa ag appig, “Engel laa Nug amegppa nai mattiom,” aon appig.

Habakuk 3:5

Oɗe nau danab kuɗum aqe mauhtteb ele ⌊danab nau hetteb ele aqaknu⌋ Nug noobppa ukke; oɗe digdig Nug dim lamidna uɗippig.

Esekiel 10:5

Amu engel okkai-kerubim haulkad oqotti am oqotti okkai. Danab ag Israel danab dilag haɗap-ppa daappig, ag oqotti amu dooglagnu elele. Oqotti amuam Kayak Nukka Ɠagattag Oh Ele nai maditte, oqotti okkai amubia.

Sam 78:48

Kayak Nug he, ais, gu teppu ele bia na, Isip dilag makau aqom. Yo, Nug he, amemɗi ahilkad doɗ aqom.

Job 40:9

Da, Kayak, da ɠagattag okkainab ele. Na ele anambia daattemte? Ge, da baalppa nai oqotti okkainab, hakkaɗ qak bia akkulnu elele. Na ele anam bia hekkutnu elele daattemte?

Duteronomi 32:24

Da heppi, eenu tutunab meeb, enug haen okkai dayeb, ag ebehilkad tekku. Da heppi, beɗu gakkaɗak nau oɗe dayebeb, oɗe nau danab kuɗum aqe mauhtteb ele bekku. Da heppi, doɗ dakkuɗ ag aqaglag. Da heppi, mat nau wan gappudppa oitteb ele emaladkkulag.

Eksodas 20:18

Amu haen danab ah ag hakkaɗ qeeqe, trampet ele heehe doonna, ag amemɗi awa ukka uɗieye, qaukoppa kahug naɗi ahe dayom ele anidna amu, ag eheɗ baɗan, beɗulag hahaɗeɗe, ag eɗun bittumttum gona, nakok uma daanna,

Eksodas 9:24

Ais doɗo eheɗ, huanaknab naana, amemɗi ele huanak aben ohppa neum. Isip wan digma uɗie uɗie, deɗ amu batak, haen amu ohppa Isip danab ah ag ais doɗo anam laa ne ii anidppig. Iitta!

Josua 10:11

Amo ag Bethoronnu oolna, ib man noegeg, Israel ag lamattegeg, Yawe Nug he, ais hab waappanu na, kekeɗ kuɗum laa aqom. Ais na aqattette, ag gona Aseka teppig. Ais amu kekeɗ kuɗumnab aqom; Israel ag qep elabppa duulag oppig, amu eɗittak ais aqom.

Sam 11:6

Am kalu laa huana eotte onig salpa ewawa, ad ewatte nauhtteb, amu ulah gakkaɗak iwala, ad bau he qaɗaiedatteb, amubia Yawe Nug geha nau hak danab bu madakku.