Sam 18:11 - Nobonob Baibel

¹¹ Nug he, gatatu amu nuhig peh bia dayom. Ao, lombig gatatu ele aa peh amunu gilil bia daapiɗ.

Sam 18:11 Referans Kwoze

Sam 97:2

Bud, amu gatatu teppu ele aa Nug talilidya, happut-ttep. Nug king dayaya, Nug kobol genab tutukku ele, amu nai doya mala hettoɗia epeɗia elele mettak kobol eleib dim lamat-tte.

Duteronomi 4:11

Aab dittiak naɗi qaukoppa dayeye, ag dona, qauko gukkuidna wana, diigppa hippaidna daappig. Aab dittiak nug attannab, habppa teum, amge lombig hinqak, gatatunab ele qaukoppa dayom.

Joel 2:2

Deɗ amuam deɗ amahlak ele iitta; nug gatatuib daakku. Ao, deɗ amuam deɗ lombig hinqaknab atu oh tona daye, amahlak iitta daatte bia daakku. Deɗ amuppa tap-lokus uɗiglag. Ag ban danab huu okkai naɗi bia uɗin, wan tonatteb, o aamnu amahlak buttuanab ba he, qauko oh amahaltteb, tap-lokus ag amubia hetteb. Anukka keeke amubia laa ii beum, butti aɗi ele baula anambia laa ii bema.

Sam 91:1

Laa nug Kayak Attannab Laa Oh Eɗattak guppiɗ dimugppa daatte amu, nug Kayak Nukka Ɠagattag Oh Ele, nug nuhig dabmettak waappa daakku.

Sam 81:7

Ag uug nauppa daanna, da unuqiɗeg, da ag ehanatti, ag qagaiettakppa ii daappig. Ao, da lombig hinqakppanu ag unuqiɗppignu nai nob mattami. Ge, Meriba appa amu, da ag ma anttak mattami. Sila.

Sam 27:5

Aɗinu? Da Yawenu mettid lag, amuppa ena anam daakkul dayeb amu, uug haenppa Nug da atognoiɗebeb, da eheɗ laa ii anidpa. Yo, Nug da nuhig mettid haknu peh lagppa lokkumiɗeb daappi, uug laa da ii aniɗma. Ge, Nug heeb, da danab laa men okkai attan ena daatte, da amubia ena daakkul.

Sam 104:3

Nug bud oh eɗattak appag heum daatte. Ao, Nug bud he, nuhig oiyaknu karis daatte. Ge, Nug ulah eɗittak pahanab gotte.

Esekiel 10:18

Amu da ⌊tuleglegppa⌋ neekki ukke, Yawenu binag amahlak oppiaawak ele Kayaknu mettid lag od uguppanu aha ta, engel okkai-kerubim attan, boppala appa dayom.