Sam 17:7 - Nobonob Baibel

⁷ Nahip oo mauhaknab kobolnu amu, na amuppa da ehaniɗppe, da padal mepanu oɗ medattem. Laa ag ahilag kekeɗ ag guittak ii mattamnanu, na waatppa padal mak eɗitteb ena dayaknu ehanittak aon daaglagnu nahip-ppa uɗitteb ele amu, na nahip ɠagattag okkaippa ag ehanatte, ag ena daatteb.

Sam 17:7 Referans Kwoze

Sam 60:5

Ig, na ihinignu oot mauhtte ele amu, ig kekeɗ eppelagppa ii daamtanu, na nahip ɠagattag okkai amuppa ig ehanigppe qagaiettakppa ii daamtanu oɗ medattem.

Sam 31:21

Kekeɗ ag da iuppeg mauhkkulnu taliliɗeg, Yawe Nug miagib dahilnu oo mauhaknab kobol dim lamitta ha, da ehaniɗe, da ii mauhmi amunu, ig Nug binag attannab humatu!

Sam 20:6

⌊Danab ah ag anam unuqitteg, laa nug aum.⌋ “Gemu amu, da imu doottem. Yawe Nug laa king daakkunu goɗen gokkaɗakppa tituanom ele amu, Nug geha king amu padal memanu ehanidkku. Yawe Nug hab aabppanu, hab aab am nuhignu tituanak daatte, Nug appanu kingnu nai doya, nai nob medatta, Nug nug nuhig ɠagattag okkaippa ehanitteb, qagaiettakppa ii daama.

Aisaia 41:10

Da ag ele daattem amunu, ag aib baɗappig. Ao, da ahilag Kayak daattem amunu, ag oolag uug nau aib qeum. Da ɠagattag aqatten ehanadkkul. Ao, da hanhan genab tutukku kobol dim lamitten heinne, da eppel naɗiap-ppa ag nena qemananu aɗualadppi, ag ɠagattag aon daaglag.

Sam 44:3

Amu ag akka, ahilag qep elabppa wan amu ii aoppig. Ge, ag akka ag ahilag ɠagattagppa, kekeɗ wan amuppa daappig ele ii eɗadppig. Amu iitta. Na ahilagnu oo mauhak doome amunu, na ag ele hanhan daan hena, nahip ɠagattag amuppa ehanatte, ag kekeɗ eɗadppig.

2 Stori 16:9

Aɗinu? Yawe Nug aun nug Nugib dim lamidkkunu meu ohppa dabmette ele antta, nug ɠagattag medakkunu hanhan danab wanppa oitteb ele neekkadtte. Nug na ele kekeɗ eɗadkkutnu ɠagattag mettalo. Na heme am, na dabmak tutukku iittappa heme amunu, na hanhan ban anidnan daakkut,” awa aum.

2 King 19:34

Da aab okkai imu ehanitte, guppiɗ bia daabppi, ena daakku. Da, da laa ag dahilnu dabmak pehettak iitta aomnanu, da amunu dabmak anuqak awewe, aab imunu guppiɗ dayeye, da dahil maɗi nid Dawit amegppa keeke laa hekkulnu ami amu, da amunu ele dabmak anuqak awewe, aab imunu guppiɗ daakkul.’ Yawe Nug anam atte,” awa aum.

Eksodas 15:6

O Yawe, na eppen naɗiap am ɠagattag okkai huanaknab, amuppa na kobol okkai heme. Yo, O Yawe, na eppen naɗiap-ppa, na kekeɗ aqadna, oɗoɗadna autna aome.

Aposel 2:33

Nug hab aabppa teum, Kayak eppeg naɗiap-ppa daatte. Mameg Kayak Nug nuhig Ouɗi, anukka medakkunu nai qakka aum bia amu, Nug mettom. Mette, Jesus Nug ig ele iikku gemu Kayak Ouɗi mekkom amunu, ag keeke imu gemu anidna dootteb.

2 King 19:22

Na aun aon aon qettan, nuhignu dabittak nai ele mattime? Na aun qattiɗ qettame? Na aun noobppa, da na eɗitten oittem bia oime? Na kobol nau amu oh da Yawe, da Israel dilag Kayak Oppiaawak Ele, na dahilppa nau amu oh heme.

Revelesen 15:3

Ag anam daanna, ag Moses, Kayaknu maɗi nid, amu Sipsip Nag, Nug ele edapiɗ amu, ag amu ettanna inam appig. “O Naɗi Kayak Nakka Ɠagattag Oh Ele, nahip hak am onig, ɠagattag ele, danab antta nug enanag doya dabmak kuɗum aotte. Nahip ib am ib tutukku, genab ele. Na wannu king hanhannu.

Sam 78:12

Ag mamelkad aɗi ag anttegeg, Nug keeke danab haknu elele iitta kuɗum heum. Ao, uppa Isip wanppa, wan atu onig Soan talilittak, appa Nug keeke danab haknu elele iitta kuɗum heum.

Sam 31:22

O Yawe, ⌊am genab,⌋ da kekeɗ ag anam heegeg antten, da ottaien baɗak okkai doyeye, da nahipnu ami, “Yawe Nug dahil ii dabmette,” amge da na dahilnu oot gai-iitta doon oot meɗan ehaniɗkkutnu oɗ mettai, na oɗmak dahil amu doon, da ehaniɗme.