Sam 17:5 - Nobonob Baibel

⁵ Da na ippunppa oimi. Ao, da na dim lamittaknu ii uumi.

Sam 17:5 Referans Kwoze

Sam 44:18

Ig oonig unuqagppa na ii dimettamut. Na, ig aɗi hekkunignu ame amu, aakku hetataib daattem.

Sam 119:133

Na nahip nai ippuniɗnana, amuppa na oiyak dahil ulum mettan heppe, hipunin da ii gumiɗmanu oɗ medattem.

Sam 121:7

Yawe Nug heeb, uug, guittak keeke nahip-ppa ii beeb, Nug heeb, na bau daakkut.

Sam 121:3

Yawe Nug na uuitteb, taataɗ ettan, nena ele ii qemana. Nugib na atognoitta, Nug ii niima.

Sam 38:16

Da unuqitte ami. “Dahil kekeɗ ag dahilnu, ‘Enanagnab na qeum,’ amananu, na ehaniɗppe, da nein ii qepanu oɗ medattem. Ge, dahil kekeɗ ag da eɗilmananu, na ehaniɗppe, da nein ii qepanu unuqidttem.”

Sam 18:36

Na da ippul babaitte, da aguppa oikkulnu elele. Ao, ib na bappaidme, ib amuppa da bael baag ii amemɗitte.

Sam 94:18

O Yawe, haen da, “Da nein qekkulnu hettem!” ami amu, na nahip oo mauhaknab kobolppa ehaniɗme.

1 Samuel 2:9

Yawe Nug nuhikkud danab ah ag nuhignu oo metta ii uuak kobol dim lamidtteb ele am atognoadtte. Ao, Nug he, nau hak danab ag gatatu ooppa daanna mauhtteb. Aɗinu? Danab ag akka, ag ahilag ɠagattagppa ena ii daatteb.

Jeremaia 10:23

O Yawe, da doottem, ig danab ig ikka, ig ihinig oiyaknu ulumnab ii aɗattem. Ao, ig aɗi aɗi ihinigppa bekku amu, ig amu ii gumattem.

Job 23:11

Da hanhan tutukku Nug baeg matten gomi, gemu ele anamib hettem. Ao, da Nugib dim lamitten, da laih laih wanak uuen, ib apiɗitten ii gomi.

Sam 18:37

Da kekeɗ dahil lamatte aɗualadmi. Ao, da laa ii uuadmi. Iitta. Da hei ukke, ag ohnab nena qeppig.