Sam 17:3 - Nobonob Baibel

³ Na dahil dabmak attemu amu anidna malame. Ao, na da ool attemu daatte amu, tuqanppa na anidna malame. Na da pehettananab aniɗna doottem, da eheɗ laa ii hein oimi. Da nai mattiak dahilppa eheɗ laa ii hein oimi.

Sam 17:3 Referans Kwoze

Sam 26:2

O Yawe, na da hettoɗilna, ma anttak ele meɗakkutnu oɗ medattem. Ao, na da ool unuqagppa, dahil dabmakppa ele aɗi aɗi daatte, amuam elelete o iittate anidkkutnu unuqidttem.

Aposel 11:23

Haen nug Antiok ukka teum amu, nug danab ah ag Kayaknu ehanittak okkai hamu mettak, ag ehanittak amu aoeg, ag oolagppa uɗat heehe, ag Kayak dim lamidppig antta amu, nug oo gamag ahe, dabmak aoglagnu, ag hanhan ag oolag Naɗiib mettan oiglagnu ɠagattag aqom.

Sam 39:1

Am da dakka da dahilnu ami. “Da dahil oiyak dabmetten, oɗelppa da hipunin hepanu da nai mattiak dahil ele atognoin aute aokkul. Da aɗi nai akkul amu, haen nau hak danab ag taliliɗak daappeg, da dabmein aute awewe, nai akkul.”

Job 23:10

Da Nug ii anidttem, amge Nug da ib attenppa oittem amu, Nug dootte amunu, Nug ma anttak elele meɗa maleb, da enanag bein daakkul; da danab nug he, gol enanag ba daatte, da gol amubia enanag bein daakkul.

Malakai 3:2

Nug anam uɗikku, amge haen nug uɗieb amu, aun nug deɗ amuppa ɠagattag daakkunu elele? Ao, haen Nug miag atieb amu, aun nug ena hibaitta daakku? Aɗinu? Nug silwa, gol keeke babaitta epeɗia awak uɗat hak danab nug aab gakkaɗaknab, amuppa he, dubuttid laa ii daatte, Nug aab amubia daakku. O iitta, Nug sop ɠagattag, dubuttid ihaeg na gotte, Nug amubia daakku.

Sekaraia 13:9

Am Yawe Nug imu ele atte. “Danab nug silwa o gol babaitta epeɗia awak daakkunu uɗat hette, amubia laa bau daaglag amu, da heppi, ag oolag dubuttid iitta daaglag. Ag da onilppa eppeg, da ahilag unuqittak dookkul. Da ahilagnu, imuam dahilad danab ah, appi, ag, Yawe, Nug am ihinig Kayak, akkulag.” Yawe Nug anam awa atte.

Sam 139:1

O Yawe, na da diil neegna anidna malan, dahilppa keeke oh amu doome.

Sam 119:106

Da nahip ɗo, ag genab tutukkuib amu, da ɗo amu dim lamidkkulnu nai ɠagattag qetten ami. Da amu ain, da amuib hekkulnu baula ɠagattag ami.

Sam 66:10

Am genab, O Kayak, na ma anttak ig mekkame. Ao, danab nug silwa babaitta epeɗia awak daakkunu uɗat hette, amubia ig enanag bekkunignu, na hee, uug ihinigppa beum.

1 Pita 1:7

Uug betteb amu, ag diig imunu betteb. Ag beppeg, ahilag ooppa genab doyak am ena, ɠagattag daattete o iittate, amu anttaknu aakku betteb. Gol am nauhkkunu keeke, amge danab ag gol babaitta epeɗia awak daakkunu uɗat hetteb, amubia Kristen danab, ag ahilag ooppa genab doyak, nug nauhkkunu keeke iitta, gol eɗittak, enanag, amu epeɗidkkunu uug amu ag betteb. Ooppa genab doyak ahilag nug ɠagattag daakku, amu dimppa, Jesus Kristus eɗua uɗikku haenppa, ag binag amahlak oppiaawak ele, onig okkai, amu binag ele aoglag.

Maika 2:1

Danab ag hipunin hekkulagnu maittak aotteb, ahilagnu am gadonnab gadon. Ao, ag abenppa niina, ag eheɗ hekkulagnu dabmakppa ib maditteb, ahilagnu am gadonnab gadon. Ag keeke hekkulagnu ɠagattag ele amunu, ag tuqan eheɗ hekkulagnu dabmenana, wagɗe buttua ag ahan, eheɗ amu hetteb.

Hosea 7:6

King laikkud amu, ag king nuhigppa kobol nau, aab ewak naɗi bia oolagppa dabmetteb amunu, ag king doomanu henan, nug gumidna gotteb. Ge, tuqan ag dabmeegeg ukke, buttua laippun hetteb; aab tuqan nakok nakokib ewe ukke, wagɗe aab baula mak dimppa huana eotte, amubia.

Jeremaia 50:20

Yawe Nug atte. “Haen amuppa laa ag Israel danab ah ag hipunin atten atten heppig ele, ag hipunin amu eɗun anidna dabmekkulagnu mattiglag, amge ag ii anidmana. Ao, laa ag Juda danab ah ag hipunin atten atten heppig ele, ag hipunin amu eɗun anidna dabmekkulagnu mattiglag, amge ag ii anidmana. Aɗinu? Da Yawe, da heppi, Israel danab ah oɗo yaak daaglag. Ag anam daappeg, da amu dilag hipunin uhuqadkkul,” awa atte.

Prowerb 13:3

Aun laa nug aɗi attenu dabmetta auta aotte, nug am bau daakku; amge aun laa nug nai doyak iitta, diignu doyak tutukku iitta ele maditte amu, nug am nauhkku.

Sam 16:7

Da Yawe, Nug ulum ena da meɗatte amu, da Nug binag mettem. Nug amunppaib ii hette. Iitta. Nug tuqanppa ele dabmak dahil, ool unuqagnab daatte amu, amuppa Nug da doyak ena aokkulnu da daul batatte

Sam 11:5

Yawe Nug genab tutukku hak danab, nau hak danab ele oh epeɗiadtte. Ao, Nug laa ag lailkad guittak nau mauhnoak mattaknu oolag hette ele, Nug ahilagnu nau ninig ele dootte.

Sam 7:4

Am da laa, nug dahilnu ooppa maɗoɗ dootte ele amu, da nuhigppa nau hak laa hemi dayeb, o dahil kekeɗ, nug dahilnu eheɗ laa ii heum, da nuhig keeke yab aomi dayeb amu, da aakku beɗulppa aab ele daattem.

Job 24:14

Aam no, gatatu ne, qe mauhak danab ag ahan, daɗek danab aqaeg mauhtteb; tuqan ag yabhok danab hetteb bia ahan, qinonob qinonob oitteb.

1 Samuel 26:23

Yawe Nug nob ena danab nug kobol genab tutukku dim lamitta, oo metta ii uuak kobol ele dim lamidtte amu medatte. Gemu Yawe Nug na da eppelppa meittom, amge da na, Yawe Nug na king daakkutnu goɗen gokkaɗakppa tituanittom ele amu, da na eheɗ heidkkulnu uumi.

1 Samuel 24:12

Am Yawe Nug geha kobol dahil, amu nahip kobol ele awa, i oonihppa aun nug eheɗ hette anidkkunu i oh hettoɗitkkunu ool daatte. ⌊Nug anam ha, nug geha anidkku, da eheɗ ii hemi⌋, amu geha Nugib na eheɗ hemenu nob tutukku medakkunu ool daatte, amge da am, da keeke eheɗ laa nahip-ppa ii hepa.

Aposel 16:9

Aria, Troas appa tena, tuqanppa Pol nug tuleglegppa Makedonia danab laa hibaitta dayaya, Pol onigppa ewa, “Na ahan, yu mataɗna uɗin, ig ehanikke!” ii daye daye ana onigppa eewo anttom.

1 Samuel 24:10

Gemu, geha iikku na wan oɗeppa dayeye, Yawe Nug na da eppelppa meum amu, na gemu na amenppanab keeke amu aakku anidttem. Laa ag da na nidappi mauhkkutnu appig, amge da uumi. Da uumi amunu, na ii mauhme. Da anam heinne amu, da inam ami. ‘Yawe Nug dahil naɗi nug king daakkunu goɗen gokkaɗakppa tituanom amunu, da nug heppi nauhkkunu, da keeke eheɗ laa da eppelppa ii hepa. Iittanab!’ Da anam ami.

Jems 3:2

Am ig oh haen kuɗum taataɗ qettak hettem, amge danab laa nug nai mattiak nuhigppa eheɗ laa ii hette dayeb amu, nug danab elelenab; nug nuhig meu oh ena atognokkunu elele.

2 Korint 1:12

Aria, ig keeke laanu maɗoɗppan gamag ahak doottem. Ihinig ooppan oiyak ippunittaknu ulum am keeke amuam genab ippunigtte. Keeke amuam inam. Ig wanppa oimut, gemu ele oittem amu, ig Kayaknu oppiaawak kobol amu nuhig hambuppuak iitta kobol ele aot oimut. Ig danab dabmakppa ii hemut. Iitta. Ig Kayaknu ehanittak okkai hamu megatte, ig amuppa hetata amu, ig ag Korint daatteb oolagppa huana hemut.

1 Korint 4:4

Da Naɗi noobppa da dahil ooppan oiyak ippunittaknu ulumppa da eheɗ hemi ii doottem, amge amu Naɗi noobppa da genabnab da beɗulppa aab iitta ii ippunigtte. Laa Nug da epeɗiltte am Naɗi, Nugib.

1 Samuel 26:11

amge Yawe Nug da danab Nug king daakkunu goɗen gokkaɗakppa tituanom amu, da nug qeppi mauhkkunu matu aibnab aib aum daatte. Anam daatte amunu, na ban, le nippud nuhig ele, ikki guguittak daattep amu, na keeke aɗit amu diiatppe, i eɗuɗ gokkunih!” awa aum.

1 Stori 28:9

Amu Solomon da bekkal, da na amenppa attem. Yawe Nug danab dilag dabmak unuqagppa daatte mattia anidtte, Nug danab nug diig aɗinunab keeke hette ele dootte amunu, na, na mamenad dilag Kayak, Nugib am Kayak dabmena doon, na meut ohppa, nahip dabmak ohppa ele Nug waappa daan, Nug oɗe dim lamitte! Na Yawe anidna dim lamidkkutnu Nug madikkut dayeb, Nug heeb, na Nug anidkkut. Amge na Nug dimettan, uuidkkut dayeb amu, Nug ele na geɗitteb, na anam daappe ukkeb, gogppa teeb batakkut.

1 Stori 29:17

O Kayak dahil, da doottem, na danab oolagppa attem attem daatte, ag oolag italttem. Amu na danab nug nuhig dabmak oiyak ele am tutukkuib anidna, na amunu ootppa ena doottem. Anam amu, keeke imu oh da na mettami amu, da oo qak iitta ele, da dabmak genab dim lamitten mettami. Laa amu, da danab nahipad ag ina daatteb amu, ag oo qak iitta ele keeke medappig, da amu ele antten, gamag ahak okkai doottem.

Sam 139:23

O Kayak, na da oolppa neegna, aɗi oolppa daatte anidkkutnu ool daatte. Ao, na dahil dabmakppa neegna, aɗi appa daatte amu anidkkutnu ool hette.

Jeremaia 12:3

Anam, amge O Yawe, na da dooiɗttem. Da nahipnu attem attem dabmettem amu, na doon, epeɗidttem. Anam amu, na eheɗ hak danab amu, danab nug sipsip aqadkkunu mauhnoaknab diiadtte, amubia na amu eheɗ hadakkutnu ool daatte. Ge, na tituanadna heppe, danab ah huanak aqe mauhak deɗppa laa ag danab eheɗ hetteb ele huanak aqappeg mauhkkulagnu oɗ medattem.