Sam 16:10 - Nobonob Baibel

¹⁰ Aɗinu? Na geha da ii uuiɗmana amunu, da mauhak daatteb abenppa ii daapa. Ao, geha na nahip Laa Oppiaawak Ele, na nug ii uuidmana amunu, Nug beɗu ii nauhma.

Sam 16:10 Referans Kwoze

Sam 49:15

Amge dahilnu amu, Kayak Nug moɗppa niiaknu qagaiettakppanu eɗua uhuqak ha meɗeb, da mauhak eppegppa ii daapa. Aɗinu? Nug heeb, da Nug eppegppa daakkul. Sila.

Revelesen 1:18

Da am laa bauklel hanhannu ele daattem. Da mauhmi, amge antte! Da bau daattem; gemu, hanhan ele. Amu danab mauhppig ele, da ahilag okkai daakkulnu onil ele.

Revelesen 20:13

Yo, mauhak yuppa daappig, moɗppa daappig, amu Hadesppa daappig ele, ag oh ag Kayak noobppa daaegeg, ag aɗi heppig amuppa epeɗiattom.

Luk 16:23

Nug mauhe, nug ukka, Hadesppa guittak naɗi ele dayom. Anam dayaya, nug neekke attan ukke, Abraham umanab dayeye, Lasarus nug ele daaeheh anatom.

Luk 1:35

Anam a amu, engel nug oɗeppa awa aum. “Geha Kayak Ouɗi nahip-ppa uɗieb, Kayak Attannab Laa Oh Eɗattak, nuhig ɠagattag na tonidkku amunu, na nid oppiaawak ele menukkut amu, ag nuhignu, ‘Kayak Bekka,’ aona akkulag.

Aisaia 14:9

⌊O Babilon dilag king,⌋ danab mauhna gona, nami aabppa daatteb amu, ag na ele nug uɗa tekkulagnu ahan, muttub qetteb. Mauhak danab appalag am ⌊danab hette bia haaha⌋, mauhak aɗi ag na humidkkulagnu, nug danab mauhppig dottolkad maɗatte, na anidkkulagnu aakku daatteb. Ameg amu, haen ag wanppa bau daanna, ag wanppan danab okkai daappig. Ge, mauhak danab appalag ⌊danab hette bia haaha⌋, danab mauhppig dottolkad, ahilag sia kingppanu ahaglagnu maɗatte, ag na anidkkulagnu aakku daatteb. Ameg amu ag anukka ii mauhppig daanna, ag wanppan king daappig.

Duteronomi 32:22

Aɗinu? Da oppoɗil bette, amu oppoɗi bak dahil amu aab aɗu bia keeke oh unuqagnu ewa, qaɗeppa tette, amubia bette. Ao, am wan etetuab ewadkku, qauko diig unuqag ukku ele ewadkku.

1 Korint 15:42

Anam amunu, danab mauhppig eɗun hippaidkkulag amu, kobol anamib aakku; ⌊beɗu dayom bia ii daama⌋. Beɗu ig boumttem am nauhtte; beɗu Kayak heeb eɗua hippaidkku amu, amuam ii nauhma.

Namba 6:6

Haen nug epeɗia, Nasarait daakkunu tituana, Yawe amegppa aum amu, haen amu ohppa nug aib mauhak gaɗa laa guguitta waum.

Lewitikas 19:28

Ag mauhppig dilag mahinna daanna amu, ag aib gaɗalag otaɗppig. Ag aib gaɗalkad penpen aqappig. Da am Yawe.

Luk 4:34

“Jesus, Nasaret ted, na ig attem heigkkutnu uɗime? Na heppe, ig nauhkkunignu uɗimete? Da na dooidttem; Laa Kayaknu Oppiaawak Ele, amuam na aakkuib” awa aum.

Amos 9:2

Israel danab ag wan buun, wan ooppa, mauhak daattebppa wakkulagtai, amge da ag appanu eɗuen diiadkkul. Ao, Israel danab ah ag habppa tekkulagtai, amge da ag appanu eɗuen diien nekkul.

Daniel 9:24

Kayak Nug nahipad danab ah Israel, ag daanna anidkkulagnu, nahip aab okkai Kayaknu tituanak daatte, Jerusalem, amu tonakkunu, Nug haen maha 70 ba gokkunu ɗo laa aakku meum. Haen maha 70 amu bekkunu diig anen anen am inam: Haen maha amuppa Kayak Nug heeb, danab ah ag nai tappe nak kobol uuglag. Nug heeb, ag tuɗidna hipunin ii hemana. Nug eheɗ haknu nob nau nuhig ehanittak okkaippa iitta mekkunu heeb elele medakku. Nug heeb, kobol genab tutukku hanhannu bekku. Nug heeb, nuhikkud danab ag tulegleg genabppa aɗi aɗi keeke anidppig, propet ag dimppa bekkunu nai madippig ele amu, keeke amu oh meu okku. Amu Nug heeb, aben laa tituanaknab daakku.

Aisaia 5:14

Diig amunu amu, mauhaknu aben nug oɗe aaheum daatte. Ge, mauhaknu aben nug nuhig oɗe okkainab, huanak aaha daatte. ⌊Mauhaknu aben anam daatte⌋, amu Jerusalemnu danab okkai aɗi, amu Juda danab ah laa kuɗumnab ele, ag mauhak abenppa nokkulag. Ao, Juda danab ah ag gemu gamalag ahehe, hobul henana, muttub qetteb ele amu, ag am geha mauhak abenppa nokkulag.

Prowerb 27:20

Mauhak am danab daalo, padal mak ele danab daalo, aɗit amuam baubau danab ah diilopnu doolop; amubia, danab ag keeke baubau aoglagnu oolag hette.

Prowerb 15:11

Keeke oh mauhak abenppa daatte amu, Yawe Nug amu genab dootte; amunu Nug danab bau daatteb, Nug genabnab ag aɗi dabmetteb dootte.

Sam 139:8

Da hab attan tekkul dayeb amu, na appa daattem. Ao, da mauhak abenlagppa nokkul amu, na appa ele daattem.

Sam 9:17

Am nau hak danab ag Kayak ele ii daamna. Iitta! Ag mamak abenppa daaglag. Ao, wan imuppan wan ohppan danab ah ag Kayaknu daulag atitte ele amu, ag ahilagppa anam bekku.

Job 11:8

Doyak Kayaknu amuam keeke laa hab eɗitta ta ukkak bia; na attem hena dookkut? Ge, doyak Kayaknu amuam bodok iitta, keeke Nami aab eɗitta noak bia; na attem hena dookkut?