Sam 16:1 - Nobonob Baibel

¹ O Kayak, na da padal mak eɗitten ena daakkulnu ehanittak daattem. Da nahip-ppa ehanittak amu aottem amunu, da na atognoiɗppe ena daakkulnu oɗ medattem.

Sam 16:1 Referans Kwoze

Sam 56:1

O Kayak, na dahilnu oot gai-iitta doon oot meɗan ehaniɗkkutnu unuqidttem. Aɗinu? Kekeɗ daup ag da huana lamiɗtteb. Yo, kekeɗ dahil ag deɗ oh amun tuqan ele banel uɗina, iuglagnu hetteb.

Sam 17:8

Na keeke laanu na oot huana hette ele dabmedattem, amubianab na kekeɗ, ag da taliliɗna iuglagnu hetteb amu, na ag amu ii hemananu na dabmeɗakkutnu unuqidttem. Yo, matuk anig nug nag haug waappa lokkumadtte bia, na nau hak danab ag da banel uɗin, heiɗppeg nauhkkulnu hetteb amu, na ag amu hemananu da atognoiɗkkutnu oɗ medattem.

Sam 116:6

Yawe Nug laa ag gai-iitta daatteb ehanadtte. Haen da uug kuɗum kukuatte daaiyi amu, Yawe Nug da ehaniɗe, da padal ii memi.

Sam 84:12

O Yawe Nakka Ɠagattag Oh Ele, laa ag nahipnu oolagppa genab dootteb ele, ag am itittak ena aoppig daatteb.

Sam 31:23

Ag danab ah ag Yawenu oo metta ii uuak kobol dim lamidtteb ele, ag nuhignu oolag mauhaɗ! Yawe Nug aun aɗi ag nuhignu oo metta ii uuak kobol ii uutteb ele, Nug ag ehanatte, ag ena daan oitteb, amge Nug dada danab ah nob nau ag madatte.

2 Timoti 1:12

Diig amunu amu da uug imu maottem, amge da amunu uɗal ii nette. Aɗinu? Da nuhignu oolppa genab doottem amunu, da keeke Nug da meɗom amu, Nug tutukku atognobob, haen oh dayeb ukkeb, Nug eɗua uɗikku haenppa batakkunu doottem.

Prowerb 2:8

Nug danab ah ag nai doya mala hettoɗia epeɗia elele mettak kobol dim lamidna oitteb ele, Nug ag ehanatta, ena daaglagnu dabmadatte. Ao, nug danab ah ag nuhignu oo metta ii uuak kobol dim lamidtteb ele, Nug ag ena daaglagnu dabmadatte.

Sam 146:5

Amu danab aun nug Jakopnu Kayak eppegppanu ehanittak aotte amu, nug itittak ena awom daatte. Ao, aun nug Yawe, nuhig Kayak, nug Nug eppegppanu ehanittak awa, gogppa tekkunu ameg mette ele amu, nug itittak ena awom daatte!

Sam 9:10

O Yawe, na laa nug na anitta dim lamidkkunu na mattitta oitte ele, na nug ii uuidttem amunu, aun aɗi ag na dooidtteb, ag nahipnu oolagppa genab dooglag.

Sam 7:1

O Yawe, dahil Kayak, na dahil padal mak eɗitteb ena dayaknu ehanittak daattem. Da nahip-ppa ehanittak amu aottem. Laa ag da lamiɗttebnu amu, na da ehaniɗppe, da ag eppelagppa qagaiettak ii daapanu oɗ medattem.

Sam 125:1

Qauko Sion am uɗalnan loppaɗkkulagnu elele iitta, Qauko amuam hanhan daatte. Anamib, laa ag Yawenu oolagppa genab dootteb, ag anam aakku daatteb.

Sam 97:10

Ag laa ag Yawenu oolag mauhtte ele, ag kobol naunu, ag nau ninig ele doyeg! Aɗinu? Laa ag Yawenu oo metta ii uuak kobol dim lamidtteb ele, Yawe Nug ag dabmatta, atognoattette, ag bau daatteb. Ge, Nug ag nau hak danab eppelagppanu eɗua diitte.

Sam 60:1

O Kayak, na ig uuigme. Na ihinig kekeɗ ag ig eɗigkkulagnu heme. Na ihinignu oot nauhom. Na anam heme, amge gemu amu, na eɗun, ihinignu ena doon, ehanigkkutnu unuqidttem.

Sam 37:28

Aɗinu? Yawe Nug danab ah ag nai doya mala hettoɗia epeɗia elele mettak kobol hetteb amu, Nug amu dilagnu oo mauhtte. Nug danab ah ag oolag Nug mettan, amu haknu ii uun oitteb amu, Nug ag ii uuadma. Nug am genab tutukku hak danab hanhan atognoadkku, amge nau hak danab ag buɗulkad iitta daaglag.

Sam 25:20

Kekeɗ ag da iumnanu, na ehaniɗppe, da qagaiettak amuppa ii daapanu oɗ medattem. Da uɗa nak ii doopanu unuqidttem. Aɗinu? Na am padal mak eɗitteb ena dayaknu ehanittak dahil daattem.

Sam 17:5

Da na ippunppa oimi. Ao, da na dim lamittaknu ii uumi.

2 Korint 1:9

Genabnab, ig uug doota, “Ig mauhkkunig” amut, amge anam beumnu diig am ig ikka ihinig ɠagattagnu am ii dabmemata, ig Kayaknu ɠagattag dabmekkunignu beum. Nug danab mauhppig amu heeb, ag eɗun hippaidkkulagnu Kayak.

Sam 22:8

Ag atteb. “Nug aakkute nug Yawenu ooppa genab dootte? Anam am Yawe Nug ehanitteb, qagaiettakppa aib dayom! Yo, nug Yawenu enanagnab dootte amunu, Yawe Nug ehanitteb, qagaiettakppa aib dayom!” aon atteb.

Sam 7:2

Na anam ii hekkut dayeb, kekeɗ ag geha laion laa doɗ laa kattiɗtte, ag amubia da kattiɗilkkulag. Ao, na anam ii hekkut dayeb amu, kekeɗ ag doɗ laa layag emala kattiɗe, huppu huppu nette, amubia ag heppeg da nauhkkul, amu auntai laa da ehaniɗeb qagaiettakppa ii daakkulnu ii daama.