Sam 149:4 - Nobonob Baibel

⁴ Ag amu hekkulagnu diig am Yawe Nug nuhikkud danab ah dilagnu enanagnab dootte. Ao, Nug danab ah ag akka ag onilag qeeg nette amu, Nug ag padal memananu ehanadtte.

Sam 149:4 Referans Kwoze

Sam 147:11

Yawe Nug hosnu ɠagattag, o danabnu ɠagattag, Nug amunu gamag ahak ii dootte. Iitta. Nug laa ag nuhignu ebehilag oh bodoetta le mette ele, Nug amu dilagnu enanagnab dootte. Ao, laa ag Nug ahilagnu oo mauhaknab dootteb, ag nuhig kobol dabmenan daanna, ag amuppa ehanittak aon, gogppa tekkulagnu ameg metteb ele amu, Nug amu dilagnu enanagnab dootte.

1 Pita 3:4

Iitta. Ag oolag unuqagppa bala mettaglag am ena. Bala mettak amuam nauhkkunu elele iitta. Bala amuam oo bodoettak kobol, amu dagom kobol ele. Kobol amu Kayak noobppa amu enanag.

Sam 35:27

Amge danab ah ag na hee, da tutukkuib hemi miag atiom anidna dabmena, ag amunu enanagnab dootteb ele amu, ag am gamag ahak okkainab madakkutnu oɗ medattem. Na heppe, danab amu ag hanhan, “Ig Yawe, Nug nuhikkud maɗi nid maɗoɗ ele daakkunu oo huana hette ele, ig Nug hanhan attanib daakkunu oonig daatte,” akkulagnu unuqidttem.

Sam 132:16

Da mana mettak danab Jerusalem appa daatteb ele ehanadppi, ag padal ii memana. Ao, da heppi, danab ah ag dahilnu oo metta ii uuak kobol dim lamidna, Jerusalem appa daatteb amu, ag gamag ahak doon, ag ahi ettaglag.

Sam 22:8

Ag atteb. “Nug aakkute nug Yawenu ooppa genab dootte? Anam am Yawe Nug ehanitteb, qagaiettakppa aib dayom! Yo, nug Yawenu enanagnab dootte amunu, Yawe Nug ehanitteb, qagaiettakppa aib dayom!” aon atteb.

Sepanaia 3:17

Yawe, ahilag Kayak, Nug ag oolagppa daatte; Nug am ban danab ɠagattag, Nug hanhan nuhikkud ehanatte, ag kekeɗ eɗadtteb. Yawe Nug ahilagnu enanagnab dookku. Nug ahilagnu oo mauhtte, amu amuppa ag maɗoɗ aoglag. Ge, Nug ahilagnu oo gamag ahebeb, ahi edakku,” aon akkulag.

Jeremaia 32:41

Da ena hadakkulnu ool gamag ahebeb, da genabnab meul ohppa ena hadappi, ag wan amuppa ee laa datta enanag bette, ag amubia wan imuppa enanag bekkulag.” Yawe Nug anam awa atte.

Sam 117:2

Ag amu hekkulagnu diig am, Nug ihinignu oo mauhaknab okkai dootte. Yawenu oo metta ii uuak kobol ii iitta mette. Ag Yawe binag meig!

Aisaia 61:10

Da padal mepanu Yawe Nug ehaniɗom, amuam Nug lamen ena da beɗulppa melo, amubia daatte. Ge! Kayak he, da genab tutukku hak danab daattem, amuam Nug lamen elab enanag da beɗulppa melo, amubia daatte. Nug anam heum amunu, da nuhignu enanagnab doottem. Ge! Da nuhignu oo gamag ahak okkai doottem. Lamen Nug dahilppa meum amu, amuam danab nug ah aokkunu haaha, nug igippa lamen enanag, mana mettak danab mette bia mette amu, lamen dahilppa meum am amubia. Yo, ah nug danab aokkunu haaha, nug bala enanag beɗuppa mette amu, lamen dahilppa meum am amubia.

Prowerb 11:20

Yawe Nug danab ag eheɗ haknu ag tiilagppa daatte amu, Nug ahilagnu ena iinab dootte; amge Nug aun aɗi ag nuhig neekkakppa ag danab oolagppa kaliak laa iitta ele, Nug ahilagnu enanagnab dootte.

Sam 90:17

Naɗi, na ihinig Kayak, nahip itittak ena ihinigppa daakkunu oɗ medattem. Ao, ig aɗi keeke oh hettem, amuppa na ig ehanigppe, ihinig uɗat meu okkunu unuqidttem. Ge, ig aɗi keeke oh hettem, amuppa na ig ehanigna heppe, meu okkunu oɗ medattem.

1 Pita 5:5

Ag danab bau ag onilag qeppeg neeb, ikki danab waalagppa dayeg! Ag oh ag ag onilkad qeppeg neeb, ag nug ehanittak kobol heig! Aɗinu? Kayak naippa, nai amunu inam daatte. “Kayak Nug dada danab ippulag oo nette, amge danab ag akka onilag qeeg nette ele, Nug ahilagnu ii helo bia me, Nug ag ehanadtte.”

Hibru 12:10

Ig mamenkad ag ig ena bekkunignu amu haen tutuib, ag oolag anam daatte ele, amu dim lamidna toligna, bu iqappig, amge Kayak Nug ig ehanigkkunu, Nug oppiaawak daatte, ig ele amubia daagnignu tolikka bu iqatte.

Revelesen 7:14

Oɗ meɗe, da nuhig oɗmak nob mein ami. “Naɗi, na doottem,” awe ami. Da ai amu, nug da amelppa aum. “Danab imu amu, ag eheɗ hattak okkainab, amuppa daappig, amge ag Kayak di-ii-medappig. Ag lamen elab ahilkad Sipsip Nag tiigppa ihalatteg hakkab ebappig

Solomonnu Ahi 1:11

Ig nahip bid golppa heta; silwa ele amuppa mekkunig.