Sam 148:13 - Nobonob Baibel

¹³ Amu oh ag Yawe binag meig. Aɗinu? Nug keeke oh eɗadtte; Nug onig okkai ele attannab daatte. Nuhig ɠagattag okkai naɗi ele am ɠagattag okkai naɗi ele wanppanu, habppanu ele eɗidtte.

Sam 148:13 Referans Kwoze

Sam 113:4

Yawe Nug wanppan wan anen anen ohppan danab ah eɗadtte. Keeke hab attan tette amu, keeke amuam keeke okkai, amge Yawenu binag amahlak oppiaawak ele, amuam amu eɗittak daatte.

Sam 8:1

O Yawe, na ihinig Naɗi, danab ah wan atu ohppanu ag na am dagom onin ɠagattag ele dootteb. Ao, nahip binag amahlak oppiaawak ele hab eɗittak daatte.

Sam 8:9

O Yawe, na ihinig Naɗi, danab ah wan atu ohppanu ag na oninnu am enanag dootteb.

Aisaia 12:4

Haen amuppa ag gamalag aheb, geha ahi inam ettan akkulag. “Ag Yawe onig attan humeg! Ag Nug unuqitteg! Ag danab ah wan ohppa amelagppa keeke ena oh Nug heumnu appeg doyeg! Nug laa oh eɗattak, attannab daatte amu, ag danab ah oh amelagppa aig!

1 Pita 3:22

Jesus Nug eɗua hibaitta, Nug hab aabppa teum. Nug Kayak eppeg naɗiap-ppa daatte. Engel oh, laa ag gumaknu ehah ele oh, aria ɠagattag digdig oh ele, ag oh Nug waappaib daatteb.

Pilipai 3:8

Amu da keeke amunuib ii attem. Iitta. Da aɗi keeke laa awen, Jesus ele ouaqaten, laippu elele bia daattep dookkulnu elele iittanab iitta doottem. Jesus nukka am enanag. Keeke laa ohnu, da keeke amunu am keeke ena, keeke genab ele ii doottem. Laippuib am Kristus Jesus, Nug am dahil Naɗi, doyak amuam keeke genabnab doottem. Amu da Kristusnuib daakkulnu dabmein, keeke laa oh akkai goppig. Keeke amuam kinipan bia doottem. Amu da Kristusnuib daakkulnu, Nug ele laippu daagnihnu aakkuib ool daatte. Amu da ɗo dim lamittak kobolppa genab tutukku hak danab daakkulnu ool ii daatte. Iitta. Da genab tutukku hak danab daakkulnu amu, da Kristusnu oolppa genab doottem, amuppa Kayak Nug dahilnu, “Genab tutukku hak danab,” awa akkunu ool daatte. Genab tutukku dayak amunu diig am da iitta, am Kayak, amu danab nug ooppa genab doyakppa aotte.

Epesus 4:10

Nug tatam wan ooppa nowowa, Nug, laa iitta, Nugib eɗua attan ele teum. Nug keeke oh nuhigppa ambak daakkunu, Nug hab attan eɗatta attannab teum.

Sekaraia 9:17

Wan am enanag, neekkak enanag ele daakku. Anam amunu, ee aeg am heeb, nid danab ag enanag bena daaglag. Ao, wain bau am heeb, ah makkun ag enanag bena daaglag.

Aisaia 33:5

Yawe Nug laa oh dilagnu eɗattak daatte. Aɗinu? Nug hab aabppa dayaya, Nug heeb, nai doya mala hettoɗia epeɗia elele mettak kobol, genab tutukku hak kobol ele aa Sion appa ambak daaglah.

Aisaia 6:3

Amu engel-serep amu ag oh anen anen, ag laa anen anen ag agakka nug amegppa ag inam aon enana daappig. “Yawe Nukka Ɠagattag Oh Ele, Nug oppiaawak, Nug oppiaawak, Nug oppiaawak. Yawe Nukka Ɠagattag Oh Ele, Nug oppiaawak ele. Nuhig binag amahlak oppiaawak ele am wan oh elele mettom daatte,” aon enan daappig.

Solomonnu Ahi 5:16

Danab laa nug ee ubuhinab ele lakkunu oo huan hette, amubia da dahil danab ootuqitte, da anamnab doottem; nug iɗu tuqak aakkuib daatte, aɗitai laa nuhignu am nakok nau laa iitta, enanagib. O Jerusalem ah, amuam laa, nug dahilnu oo mauhtte ele, nug da layal.

Solomonnu Ahi 5:9

Na am ah iɗun tuqaknab ele, am laa na nuhignu oot mauhtte ele amu, nug danab laa oh attem eɗadtte. Ge, laa na nuhignu oot mauhtte ele, am nug danab laa oh attem eɗadtte amunu, na ig wan yaat mettata, nai amu akkunignu ɠagattag ig amenigppa attem amu, na amunu diig appe, ig doognignu oɗ medattem.

Sam 108:4

Da amu hekkulnu diig am inam. Keeke laa elabnab habppa tak daakku dayeb amu, keeke amuam keeke okkainab, amge nahip oo mauhaknab kobol am keeke amu eɗidtte. Ao, keeke laa ikki ta, hab yaakku dayeb amu, keeke amuam keeke okkainab, amge oo metta ii uuak kobol nahip am amu eɗidtte.

Sam 72:19

Nug onig am binag amahlak oppiaawak ele; ag Nug hanhan binag meig! Wan atu ohppan danab ah ag Nug binag amahlak oppiaawak ele amu, ag amu anidkkulagnu ool daatte. Genab anam dayaɗ! Genab, anam dayaɗ!

1 Stori 29:11

O Yawe, habppanu keeke oh, wanppan keeke oh ele am nahipadib daatteb amunu, na onin, ɠagattag ele. Na ebehin ele, na binag amahlak oppiaawak ele. Na dagom onig ɠagattag ele. Na ɠagattag okkai naɗi ele daattem. Gumak uɗat oh am nahipib, na laa oh eɗattak, oh ikkilag daattem.

Sam 99:9

Ag Yawe, ihinig Kayak, ag Nug humidna, nuhig qauko, qauko amuam nuhignu tituanak daatte amu, ag amuppa Nug noobppa dup nona binag meig! Aɗinu? Yawe, ihinig Kayak, Nug am oppiaawak!

Matyu 6:13

Na ippun ena, ig nau hekkunignu eeɗak iittappa omaigna, Satan eppegppanu awigkkutnu oɗ medattem.’ ” Jesus Nug anam aum.

Sam 57:6

Dahil kekeɗ ag da awiɗkkulagnu pelem meppig daatte. Da uug nauppa daattem. Ag da ippulppa moɗ umanab aoeg noum, amge ag akka amuppa nokkulag. Sila.

Sam 8:2

Na he, nid naunau, amu nid yuɗ huhppanu ele ag na binan humaglagnu dootteb. Na amu heme, amunu diig am kekeɗ nahipad ag ib iitta ele daaglag. Ao, na amu heme, amunu diig am danab ag akka ag laa nau heppignu nob mattaglagnu hetteb ele amu, ag nai iitta, hamu daaglag.

Sam 150:6

Keeke oh bau daatteb, ag Yawe binag meig! Ag Yawe binag meig!