Sam 147:8 - Nobonob Baibel

⁸ Yawe Nug he, bud huanak habppa daatteb. Ao, Nug he, gu neene, wan le aotte. Nug hette, amuppa Nug he, gikkiɗah qauko nakokppa betteb.

Sam 147:8 Referans Kwoze

Job 5:10

Kayak Nug he, gu wan ehanidkkunu nette. Ao, Nug he, wan le elele daatte.

Aposel 14:17

amge Nug daatte, Nug amunu haen amuppa ele ag ippuanattatta, Nug hab aabppa dayaya he, gu ahilagppa neum, ahilag ee ena beum, ag ee elele aoppig, amu ag gamag ahak okkai dooppig,” aoya apiɗ.

Genesis 9:14

Deɗ laala da heppi, lombig neeb, di apinak ele neeb,

Matyu 5:45

Amuppa ag Mamelag, hab attan daatte ele amu, ag Nug bekkod daaglag. Nug he, aam danab nau amu danab ena ele oh qaɗelagppa nette. Nug ele he, gu genab tutukku hak danab, amu genab tutukku hak danab iitta ele oh dilagppa nette.

Joel 2:23

Yawe Nug hanhan genab tutukku hak kobol dim lamidtte amunu, Nug he, oug haen digmetteppa gu neum. Ao, Nug he, gu elelenab, oug haen digmetteppa, gakkaɗak haen digmetteppa ele, anukka neum bia, nette. Anam amunu, Sion danab ah ag gamalag ahaɗ! Ao, ag Yawe, ahilag Kayak, ag nuhignu gamag ahak okkai doyeg!

Jeremaia 14:22

Wan laalappan kayak hambuppuak dottolkad ag heeg, gu nettete? Ge, hab nug nukka he, gu nakok laa nettete? Iitta! Na, Yawe, ihinig Kayak, na hee, gu nette amunu, ig naib neekkidttem. Aɗinu? Naib keeke amu oh hettem amunu, ig naib dabmedattem.

Aisaia 5:6

Dad mameg nug anam anana amu, nug tuɗitta aum. “Geha da wan amu heppi, wan meu waknu nakokib elele bia dayebeb, appa danab nug muɗi grep babaittak uɗat, wan buuak uɗat laa ele ii hema. Uud keeke qaun ele bena dad tonappeg, da geha gu ele dad amuppa nemanu, da ɗo mekkul,” awa aum.

Sam 135:1

Ag Yawe binag meig! Ao, ag Yawe onig humeg! Ge, ag aun aɗi ag Yawenu maɗi nid maɗi ah daatteb ele, ag Nug binag meig!

Prowerb 27:25

Na gikkiɗah, doɗ dilag eenu otaɗna aoppe, gikkiɗah bau eɗua bekku; eɗua beeb, na qauko naunauppanu gikkiɗah amu ele otaɗna aon uɗin, ma lakka me!