Sam 146:10 - Nobonob Baibel

¹⁰ Yawe Nug king hanhan daatte! O Sion danab ah, Kayak, ahilag Kayak, Nug king hanhannu daatte. Ag Yawe binag meig!

Sam 146:10 Referans Kwoze

Sam 10:16

Yawe Nug king hanhannu daatte! Ao, O Yawe, na heppe, laa ag kayak laala dilagnu dup nona binag mak kobol hetteb ele ag nahip wanppa aib daappig.

Eksodas 15:18

Yawe, na king hanhan daakkut; laa tuqa iinab aoma!” Moses Israel aɗi ele, ag anam ahi edappig.

Revelesen 11:15

Aria, engel ebqak 7 nug trampet nuhig iwale amu hab aab appa da laa baalag okkaippa inam aeg doomi. “Wan ohppan gumak uɗat aakku eɗua, ihinig Naɗi, amu laa Nug danab ah dilag Padal ii maknu ehanittak daakkunu tituanom, am Kristus, Nug ele eppelahppa daatte. Naɗi Nug hanhan uɗat amu hekku,” aon appig.

Daniel 7:14

Nug gumitta ukke, amu Kayak Hanhan Daatte Nug king daakkunu ehah, binag amahlak oppiaawak ele, ɠagattag okkai, wanppan ɠagattag laa oh eɗattak ele mettom. Danab ah wanppan huu ohppanu, danab ah ɗo maɗoɗ ohppan, amu danab ah nai piɗe piɗe ohppanu ele ag Nug noobppa dup nona Nug binag meppig. Nug hanhan king daakku, laa tuqa ii aoma. Laa ele ɗo maɗoɗ nuhig heeb ii nauhma; gemu, am butti aɗi ele.

Daniel 6:26

Da ɗo imu iikku mei gotte. Danab ah ohnab ag da wan atu gumattem amu, wan amunu aben ohppa, ag ohnab ag Danielnu Kayaknu ebehilag oh bodoetta le maɗ! Danielnu Kayak Nug bau daatte. Ao, Nug hanhan daatte. Nuhig ɗo maɗoɗnu amu, laa nug heeb ii nauhma. Ge, nuhig wan atu gumak am alet, ii tuqa awak daatte.

Aisaia 12:6

O danab ah Sion daatteb, Israel dilag Kayak Oppiaawak Ele, Nug nuhig ɠagattag okkaippa ag ehanatta, atognoadtte amu, Nug ag oolagppa daatte amunu, ag baalag okkaippa enan, ag gamag ahakppa ele ahi etteg!

Aisaia 9:7

Nug am King Dawit ou, Nug geha Dawitnu sia kingppa dayaya, danab ah gumadkku. Gumak uɗat pehettak hekkunu ɠagattag, maɗoɗ ele am haen oh okkai meebeb gokku. Nug Dawit ou daya, Dawitnu sia kingppa dayaya, Nug kobol genab tutukku ele, amu nai doya mala hettoɗia epeɗia elele mettak kobol ele dim lamittebeb, gumak nuhig am okkai, ɠagattag ele beebeb ukkeb, anamib hanhan daakku. Yawe Nukka Ɠagattag Oh Ele, Nugib amunu yag-nab-bak doya heeb, anam bekku.

Joel 3:17

Yawe Nug atte. “Da anam heppi, ag Israel, ag da am Yawe, ahilag Kayak, da Sion appa daattem dooglag. Sion am qauko dahilnu tituanak daatte. Da appa daappi, Jerusalem am ele dahilnu tituanak daakku. Wan laihnu danab ag baula banelag iinab uɗimna. Iitta.

Daniel 2:44

Baeg wan tabatte, wan aab aɗuppa ewom, aen ele qataqak am king laala ag laippu daaglagnu hekkulag, amge laippunab ii daamna ippunigtte, haen ag amu henan daappeg, haen amuppa Kayak hab attan daatte, Nug ɗo maɗoɗ laa daakkunu heeb, ɗo maɗoɗ amuam hanhan daakku. Ɗo maɗoɗ laa wan atu gumaglagnu ahan, ɗo maɗoɗ amu eɗidna ii aomna. Ɗo maɗoɗ amuam ɗo maɗoɗ oh heeb, iitta mekkulag, amge ɗo maɗoɗ amuam hanhan daakku.

Aisaia 40:9

O Sion danab ah, ag nai ena madippeg, laa dooglagnu maɗi ahilagppa daatte, amunu ag qauko laa attan teig! Ao, Jerusalem danab ah, ag nai ena madippeg, laa dooglagnu maɗi ahilagppa daatte amunu, ag qalan, enan mehuqeg! Ag qalan ena akkulagnu aib baɗappig. Ag, “Ahilag Kayak Nug uɗitte,” anana, Juda aab okkai, aab nakok ele ooppan danab ah appeg doyeg!

Sam 145:13

Nahip ɗo maɗoɗ am hanhan daatte; am geha iitta ii mema. Ge! Na king hanhan daattem. Aɗi keeke Yawe Nug hekkunu atte amu, Nug aakku hette. Laa amu, Nug aɗi keeke hette ele, Nug oo bodoettak, enanag, maɗoɗ ele hette.

Sam 147:12

Danab ah ag Jerusalem daatteb, ag Yawe onig humeg! Yo, danab ah ag Sion aab okkaippa daatteb, ag ahilag Kayak binag meig!

Aisaia 52:7

Danab laa nug qauko letata uɗia, danab ah amelagppa nai ena maditte, danab ah laa oh dilag neekkakppa amu, danab amu nug enanag hette anidtteb. Ge! Danab nug uɗia, nug nai ena, maɗoɗnu nai, ehanitteb padal ii maknu nai ele mattiaya, nug Juda danab ah amelagppa, “Ahilag Kayak Nug laa oh eɗatta, keeke oh gumatte,” atte amu, danab ah ag ahilag neekkak nuhignu am enaib anidtteb.