Sam 144:2 - Nobonob Baibel

² Nug am dahil Kayak, Nug dahilnu oo mauhaknab dootte. Nug am aab aɗ ɠagattagnab ele dahil bia daatte. Nug anam dayaya, Nug da uugppa daaiyi ehaniɗe, da ena daattem. Nug am dahil guppiɗ. Uug iukkunu heehe, da padal mak eɗitten ena daakkulnu nuhigppa gottem. Nug he, wan laappan danab ah ag da waalppa daatteb.

Sam 144:2 Referans Kwoze

Sam 91:2

Da Yawenu miag atiak inam iikku attem. Nug am padal mak eɗitteb ena dayaknu ehanittak dahil daatte. Nug am aab aɗ ɠagattagnab dahil bia ele daatte. Nug am dahil Kayak. Da nuhignu oolppa genab doottem.

Sam 18:2

Yawe Nug kekeɗ niɗamanu ehanittak dahil daatte; Nug aab aɗ ɠagattagnab dahil bia ele daatte. Nug ehanitte qagaiettakppa ii dayaknu ehanittak dahil daatte; Kayak dahil Nug kekeɗ niɗamanu ehanittak dahil dayeye, da nuhigppa ukken, padal mak eɗitten ena daattem. Kayak Nug am dahil guppiɗ, da nuhig ɠagattagppa da kekeɗ eppelagppa ii daattem; Nug am ban haknu aben ɠagattag dahil bia daatte.

Sam 59:9

O Kayak, na am dahil ɠagattag daattem. Da na amen mettem. Aɗinu? O Kayak, na am aab aɗ ɠagattagnab dahil bia daattem.

Jeremaia 16:19

Amu da, Jeremaia, da Yawe amegppa unuqidmi. “O Yawe, na dahil ɠagattag, aab aɗ ɠagattagnab ele dahil bia ele daattem. Ao, uug nau baknu deɗppa na dahil padal mak eɗitteb ena dayaknu ehanittak daattem. Qinob wan atu ohppan danab ah ag na noomppa uɗin, ag akkulag. ‘Ig mamenkad aɗi ag kayak hambuppuak aakkuib dabmeppig. Ao, ag kayak hambuppuak dottolkad ii ehanadppig ele, ag ahilagnuib dabmeppig,’ aon akkulag.

Sam 84:9

O Kayak, na ihinig king, nug ig atognoigtte ele amu, na nuhig dabmekkutnu oɗ medattem! Ao, na laa na nug king daakkunu goɗen gokkaɗakppa tituanme ele amu, na ii helom bia me, na ehanittak kobol dim lamidna, nuhigppa hekkutnu unuqidttem.

Sam 18:47

Kayak Nugib Nug he, laa ag dahilppa eheɗ heppig amu, ag amunu nob elele aotteb. Ao, Nug he, wan laappan danab ah ag da waalppa daatteb.

Sam 110:3

Deɗ na kekeɗ nahip eɗadkkutnu banelag gokkut amu, nahipad ban danab ag gamag ahak doon, dim lamidkkulag. Ao, nahipad ban danab ag nid bau kuɗum, ɠagattag ele, ag genab nahipnu tituanak daatteb amu, ag na dim lamidkkulagnu buttuanab ahan daaglag.

Prowerb 18:10

Yawe Nug am lag attan ta ukkak menppa hak, ɠagattag ele, Nug amubia daatte; genab tutukku hak danab ag nuhigppa qaiettan gona, ag bau daatteb.