Sam 143:8 - Nobonob Baibel

⁸ Da nahipnu oolppa genab doottem amunu, na buttua oh nahip oo mauhaknab kobolnu dabmenana, ehaniɗkkutnu oɗ medattem. Da na unuqidttem amunu, na oot meɗan, nahip ib tutukku ippuniɗkkutnu unuqidttem.

Sam 143:8 Referans Kwoze

Aisaia 48:17

Yawe, Nug ag Israel, ag ahilag qagaiettakppanu eɗua uhuqaknu ehanittak daatte, Nug ag Israel, ahilag Kayak Oppiaawak Ele amu, Nug atte. “Da am Yawe, da ag Israel, ahilag Kayak daattem. Da ag kobol aɗi aɗi am ahilagnu ena, laa oh eɗidtte amu, da kobol amu ippunadttem. Ao, ib ag gokkulagnu daatteb ele amu, da ib amuppa gokkulagnu ulum madattem.

Sam 46:5

Kayak Nug aab okkai amuppa daatte amunu, aɗitai laa uɗalkkunu ii daatte. Ao, Kayak Nug danab ah appa daatteb ehanatteb, ag padal mak ii anidmana. Tuqan uug bekkutai, amge buttua, wakkaɗebeb, Nug ag ehanadkku.

Sam 32:8

Yawe inam atte. “Da geha na doyak medette, ib na dim lamidkkut ele ippunidkkul. Da geha nahip ulum mettak danab dayeye, dabmak ena medette, da na atognoidkkul.

Aisaia 30:21

Ag oippeppeg, ag dimulagppa baag laa ag ib attem aon gokkulagnu ippunadkkunu, “Ib iikku, aakkud ukkeg!” ab dooglag. Aɗinu? Ag oinna, ag ib naɗiap-ppa gokkulagnu daatteb dayeb amu, ag baag doon, naɗiap-ppa gokkulag. O ag ib nanehppa gokkulagnu daatteb dayeb amu, ag baag doon, nanehppa gokkulag.

Sam 59:16

Ag anam aakku hetteb, amge na am aab aɗ ɠagattagnab ele dahil bia dayeye, gemu ele anam daattem. Ao, da uug doottem, haen amuppa na am padal mak eɗitteb ena dayaknu ehanittak dahil daattem amunu, da nahip ɠagattag okkainu ahi edakkul. Ao, da buttua anen anenppa, da hanhan nahip oo mauhaknab kobolnu ahi edakkul.

Sam 143:10

Na am dahil Kayak amunu, na da nahip dabmak awak dim lamitten hekkulnu ippuniɗkkutnu oɗ medattem. Nahip Ouɗi, Nug am Ouɗi enaib amu, Nug anuqa ugakka, Nug da ib ena, tutukkuppa omaiɗkkunu unuqidttem.

Sam 27:11

O Yawe, kekeɗ dahilad ag da heiɗppeg nauhkkulnu hetteb amunu, na da ib nahip ena ippuniɗna omaiɗppe, ib tutukkuppa gokkulnu oɗ medattem.

Sam 90:14

Ig bau daattem haen imuppa ig haen oh oonig gamag ahebeb, ahi ettagnignu amu, buttua oh na heppe, oo mauhaknab kobol nahip ihinigppa daakkunu oɗ medattem.

Gayak Nai 3:41

Ig eppenig humat, meunig ohppa Kayak hab attan daatte amegppa unuqidta, inam atu!

Sam 86:4

Ge, O Naɗi, da, nahip maɗi nid, da na unuqidttem amunu, na heppe, da gamag ahak dookkulnu oɗ medattem.

Sam 30:5

Aɗinu? Nuhig oo nauhak am haen tutuib daatte, amge ii helo bia me, ehanittak kobol nuhig, kobol amuam danab ah nuhikkud bau daatteb, am haen amu oh anamib daatte! Danab ah ag tueb meeb gaappeg ukkeb, wagkkaɗkkutai, amge buttua amu, Nug ag gamag ahak madakku.

Sam 119:34

Da nahip ɗo dim lamidkkulnu, da meul ohppa anam hekkulnu amu, na ɗo nahipnu diignu doyak tutukku meɗakkutnu oɗ medattem.

Sam 119:73

Na da heiɗme. Ao, na eppen da heiɗom. Na da ehaniɗna heppe, da ɗo nahipnu diignu doyak tutukku doyen dim lamidkkulnu oɗ medattem.

Sam 42:8

Anam aakku daatte, amge Yawe Nug deɗ ohppa nuhig oo mauhaknab kobol ii uutte. Tuqan da nuhig ahi edette, da Kayak dahil, Nug da bau meɗatte amu, da Nug unuqidttem.

Sam 5:8

O Yawe, na genab tutukku hak kobolib heehe, da na ulum meɗakkutnu oɗ mettem. Ao, na nahip hak, nahip nai ele am miag atiak heppe, kekeɗ ag da ii eɗilmananu unuqidttem.

Hosea 6:3

Ig Yawenu doyaknu wagai metu! Ao, ig Yawe doognignu wagai metu! Ig anam hekkunig amu, aam nug genab buttua hanhan bette, genab amubia, Yawe Nug uɗia, ig ehanigkku. Ge, gu oug haen iitta metteppa hanhan nette, amubia Nug genab uɗia, ig ehanigkku.” Israel ag anam akkulag.

Ikki Danab 13:12

Nug anam a, Manoa oɗ mettom. “Nai na ame ba maleb, nid doa amu, haen amuppa nug aɗi ɗo dim lamitta oyaya, nuhig uɗat hekku?” awa oɗ mettom.

1 Samuel 23:12

Yawe Nug anam a, Dawit nug eɗua oɗ metom. “Saul nug geha uɗia beeb, Keila danab ah ag geha da, dahilad danab ele awigna, Saul eppegppa meigkkulag, o iitta?” awa aum. Nug eɗua, Yawe anam oɗ mette, Yawe Nug nob ma aum. “Geha ag na Saul eppegppa meidkkulag,” awa aum.

Sam 25:20

Kekeɗ ag da iumnanu, na ehaniɗppe, da qagaiettak amuppa ii daapanu oɗ medattem. Da uɗa nak ii doopanu unuqidttem. Aɗinu? Na am padal mak eɗitteb ena dayaknu ehanittak dahil daattem.