Sam 143:4 - Nobonob Baibel

⁴ Ag anam hetteb amunu, da eɗuen, ena bekkulnu dabmak aɗe oikkulnu ii doottem bia oittem. Ao, da ool uug qak nau doottem.

Sam 143:4 Referans Kwoze

Sam 142:3

O Yawe, da oolppa elele ii doottem haenppa amu, ib da gottem ele, na ib amu doottem. Amu ib da gottem ele, amuppa danab ag da aɗailkkulagnu pelem laa lokkumna meppig daatte, ⌊amge na amunu aben ele doottem⌋.

Sam 77:3

Da aiqagekke, Kayaknu dabmettem. Ao, da ɠagattag dahil iitta meeme, nuhignu dabmettem. Sila.

Luk 22:44

Jesus Nug beɗuppa uug nau, mauhak bia doyaya, Nug oo unuqagppanu unuqittette, heɗi tiig bia na, wanppa noum.))

Sam 124:4

Yawe Nug ig ii ehaniglo amu, ig peh laa ui he nauhtte bia daalom. Ao, ig am peh laa ui eheɗ nau ahokkaltte bia daalom.

Sam 102:1

O Yawe, na dahil unuqittak dookkutnu oɗ medattem! Da nahipnu ebippi dookkutnu unuqidttem!

Sam 61:2

Uug da toniɗtteb amunu, wan batakppa appanu da na ehaniɗkkutnu unuqidttem. Ao, da oolppa elele iitta doyeye, na ehaniɗkkutnu oɗ medattem. Ge, danab nug men hume taknab naɗi attan daatte, kekeɗ ag nug guittak mettaglagnu ib iitta, nug ena daatte, amubia amu, na dahil men naɗi bia daakkutnu ool daatte.

Sam 55:5

Da baɗe, hahaɗttem. Ao, da uug amu oh antten, ameg iɗuak dooi, toniɗom daatte.

Sam 25:16

O Yawe, da bael laippu dayeye, uug okkai doottem amunu, na neekkiɗna, dahilnu oot bodoetteb enanag maɗoɗ ele hekkutnu oɗ medattem.

Job 6:27

⌊Ag am danab oo doyak nakok laa iitta!⌋ Ib laa bekku dayeb amu, ag nid laa, mameg mauhom ele, ag nug laa dilag maɗi nid daakkunu om yaakppa ag eppelagppa mekkulag. Ge, ib laa bekku dayeb amu, ag, ag lailag aon meppeg, laa uɗia, nuhig maɗi nid daakkunu daden ma, awa gokku.

Sam 77:6

Anukka da tuqan ahi laala eɗualadmi amu, da ahi amu dabmettem. Ao, da keeke ohnu dabmak unuqag awewe daye, da dagakka inam oɗ medattem.

Sam 142:4

Na da eppel naɗiap-ppa neegna, auntai laa da atognoiɗa ɠagattag iukkunu laa ii daatte anidkkut. Da padal mak eɗitteb ena daakkulnu aben laa iitta. Da mauhkkul dayeb amu, auntai laa nug amu dab-ii-mema.