Sam 142:6 - Nobonob Baibel

⁶ Da ool gai-iitta ma auta awa dayeye, nahip ehanittak aokkulnunab daattem amunu, na dahil unuqittak dookkutnu oɗ medattem. Ao, kekeɗ dahilad ag dahil ɠagattag eɗidppig amunu, na ehaniɗppe, ag da heiɗppeg ii nauhpanu na unuqidttem.

Sam 142:6 Referans Kwoze

Sam 79:8

⌊O Yawe,⌋ na ig mamenkad aɗi hipunin heppig amu, na amunu nob ig mekkamnanu oɗ medattem! Ao, na oot gai-iitta doon oot mekkan ehanigkkutnu unuqidttem. Aɗinu? Ig uug okkainabppa daattem.

Sam 116:6

Yawe Nug laa ag gai-iitta daatteb ehanadtte. Haen da uug kuɗum kukuatte daaiyi amu, Yawe Nug da ehaniɗe, da padal ii memi.

Sam 136:23

⌊Ig Yawe,⌋ Nug danab ag ihinignu dabmak atognoak ii aon, eheɗ dooikkegeg, ig Nug daugppa doum amu, ⌊ig Nug amegppa, “Ena heme,” atu!⌋. Aɗinu? Nuhig oo mauhaknab kobol hanhan alet daatte.

Sam 17:1

O Yawe, da keeke laanu oɗmak hettem imu amu, oɗmak amuam genab tutukku elenu, amu na doon ehaniɗkkutnu unuqidttem. Ao, na da ehaniɗkkutnu gaattem imu dookkutnu oɗ medattem. Da hambubuitten, na ii unuqidttem amunu, na dahil unuqittak imu daut human dookkutnu oɗ medattem.

Rom 8:37

Amge keeke amu oh ig eɗigkkulagnu am elele iitta. Iitta. Kristus Nug haen oh ihinignu oo mauhtte amunu, ig kobol nau amu oh eɗadta autta aotta aottem.

Rom 8:33

Kayak nug danab ah tituanattom amu, aun laa nug ag hettoɗiakppa maadkku? Auntai, laa iitta. Aɗinu? Ag Jesusnu oolagppa genab dootteb amunu Kayak ahilagnu, “Genab tutukku hak danab,” aum.

Sam 143:7

Yawe, da ool gai-iitta ma auta awa dayeye daattem, na oot meɗan, pahanab gumiɗna uɗin, unuqittak dahil nob ena mekkutnu oɗ medattem. Na oot da meɗan, da dimeɗamnanu unuqidttem. Na dimeɗappe amu, da mauhkkul.

Sam 59:3

Aɗinu? O Yawe, antte! Danab ag da niɗaglagnu meiɗna hetteb. Danab ag lailkad aqaglagnu tiilagppa daatte ele amu, da ahilagnu hipunin laa, o eheɗ laa ii hemi, amge ag attem hena, da niɗaglagnu maittak aotteb.

Sam 38:19

Dahil kekeɗ am kuɗumnab. Ao, da ahilagnu nau laa ii hemi me, ag dahilnu nau ninig ele dootteb.

Sam 18:17

Nug da kekeɗ ɠagattag ele eppelagppanu awiɗom. Ao, Nug laa ag dahilnu nau ninig ele dooppig eppelagppanu eɗua awiɗom. Aɗinu? Kekeɗ ag da eɗilak, da ag eɗadkkulnu elele iitta.

Sam 3:1

O Yawe, kekeɗ dahil am kuɗumnab. Ao, kuɗumnab ag da niɗaglagnu hetteb.

1 Samuel 24:14

Na am Israel dilag king, na danab ɠagattag laa ele ban hekkulahnu uɗimete? O na danab laa ebehi ele lamidkkutnu uɗimete? Iitta! Da am qai laa mauhom amubia. Da am keeke hamu laa, mi bia daattem.

Sam 143:3

Dahil kekeɗ ag da lamiɗna, ag da oiɗeg, wanppa noin qei, ag da laa ag mauhak moɗ gatatu eleppa daatteb, ag da amubia daakkulnu hetteb.

Sam 27:13

Da imunu oolppa genab doottem. Da geha bau daappi ukkeb, Yawe Nug keeke ena dahilppa hekku. Ao, Nug anam heeb amu, da amu anidkkul.

Sam 46:2

Kayak Nug am padal mak eɗitta ena dayaknu ehanittak ihinig daatte amunu, ig ii baɗamta. Iitta! Mimte neeb, qauko pana yuppa nokkutai, amge ig amunu ii baɗamta.

Sam 91:2

Da Yawenu miag atiak inam iikku attem. Nug am padal mak eɗitteb ena dayaknu ehanittak dahil daatte. Nug am aab aɗ ɠagattagnab dahil bia ele daatte. Nug am dahil Kayak. Da nuhignu oolppa genab doottem.