Sam 142:5 - Nobonob Baibel

⁵ O Yawe, na ehaniɗkkutnu unuqitte aute aottem. Da attem. “Yawe, na aakkuib am padal mak eɗitteb ena dayaknu ehanittak dahil daattem. Keeke ena oh da eppelppa daakkunu elele amu, na nakka keeke amu oh abenlag aon dayeye, na da ele daattep amunu, da ena, elele daattem!” awe attem.

Sam 142:5 Referans Kwoze

Sam 16:5

O Yawe, keeke ena oh da eppelppa daakkunu elele amu, na nakka keeke amu oh abenlag aon dayeye, na da ele daattep amunu, da ena, elele daattem. Na hee, da ɠagattag daattem.

Gayak Nai 3:24

Da dakka, da nai mattieye, da attem. “Keeke ena oh da eppelppa daakkunu elele amu, Yawe nukka keeke amu oh abenlag awa dayeye, Nug da ele daattep amunu, da ena, elele daattem! Nug anam daatte amunu, da Nug ehaniɗkkunu ameg mekkul,” awe attem.

Sam 119:57

O Yawe, keeke ena oh da eppelppa daakkunu elele amu, na nakka keeke amu oh abenlag aon dayeye, na da ele daattep amunu, da ena, elele daattem! Da nahip ɗo dim lamidkkulnu nai ainne qagattem.

2 Timoti 4:17

Ag anam heppig, amge iitta aɗi, ag hettoɗiak abenppa daappig, ag ele Naɗinu nai oh dooglagnu, ele amu, da nai amu madikkulnu elele daakkulnu Naɗi Nug da ehaniɗom, ɠagattag ele meɗom. Amu Kayak Nug da laion oɗeppanu behiɗom.

Sam 91:2

Da Yawenu miag atiak inam iikku attem. Nug am padal mak eɗitteb ena dayaknu ehanittak dahil daatte. Nug am aab aɗ ɠagattagnab dahil bia ele daatte. Nug am dahil Kayak. Da nuhignu oolppa genab doottem.

Sam 46:1

Kayak Nug am padal mak eɗitta ena dayaknu ehanittak ihinig, amu ɠagattag ihinig ele daatte. Nug ig uugppa daapput ehanigkkunu, hanhan guguikkak daatte.

Sam 27:13

Da imunu oolppa genab doottem. Da geha bau daappi ukkeb, Yawe Nug keeke ena dahilppa hekku. Ao, Nug anam heeb amu, da amu anidkkul.

Jon 16:32

Antteg! Haen aakku miag uɗiom. Ao, haen aakku doum. Laa ag ag lamadppeg, da uuiɗna, matatun appalagppa ukkadkkulag. Amge da dakka ii daapa. Iitta. Da Mamel Nug da ele daagnih.

Sam 73:26

Da beɗul iitta mekku, dabmak dahil ele am iitta mekku, amge na, Kayak, na am dahil ɠagattag. Keeke ena oh da eppelppa daakkunu elele amu, na nakka keeke amu oh abenlag aon dayeye, da ena, elele daattem. Hanhan anamib daakkut.

Sam 56:13

Da anam hekkulnu diig am na hee, da ii mauhmi. Ao, na hee da nein ii qemi. O Kayak, na dahil amahlak, na da bau dayak meɗattem; da na oot hette bia wanppa dayeye oikkulnu, na dahilnu anam heme.

Sam 46:11

Yawe Nukka Ɠagattag Oh Ele, Nug ig oonigppa aakku daatte. Ao, ig Jakop buɗub daattem amu, ihinig Kayak Nug aab aɗ ɠagattagnab ele ihinig bia daatte. Sila.

Sam 46:7

Yawe Nukka Ɠagattag Oh Ele, Nug ig oonigppa aakku daatte. Ao, ig Jakop buɗub daattem amu, ihinig Kayak Nug aab aɗ ɠagattagnab ele ihinig bia daatte. Sila.

Sam 35:12

Da keeke ena ena ahilagnu hemi, amge ag dahilppa kobol nau hetteb. Anam amu, da uug doottem.

Eklisiastis 4:1

Amu da baula neekki ukke, aam waappa, kobol laa, amuam danab okkai ag danab laa eheɗ hadatteb, da kobol amu anidmi. Danab uug aotteb amu, ag gaaegeg, da ag amelag leb neene anadmi. Ag uug aqeeqe daaegeg, laa nug ag oo mak madakkunu laa ii daatte. Danab ag laa uug madatteb, ag ɠagattag ele amunu, ag amu hetteb, amge uug aotteb ele, laa ag oo mak madakkunu laa ii daatte.