Sam 141:7 - Nobonob Baibel

⁷ Am dad hak danab laa wan buuawa, men ele buue bette, anambia nau hak danab ebehilag am boumattak iitta, tamtam niiglag.

Sam 141:7 Referans Kwoze

Rom 8:36

Uug amu oh, amuam Kayak naippa, nai laa daatte bia. Nai amuam inam. “O Kayak, danab ah ag ihinignu nau ninig ele doottebnu diig am, ig na dim lamidttem amunu, ag ig deɗ oh amun tuqan ele iqaglagnu hetteb. Ao, danab ag sipsip lanaknu baalag otaɗadtteb, amubia danab ah ag ig iqaglagnu dabmak aotteb.”

Sam 53:5

Kayak Nug heeb, danab ah nau hetteb ele ag baɗan humananab qekkulag. Ag anukka baɗappig, amge haen imuppa ag eheɗnab baɗaglag. Aɗinu? Kayak Nug ⌊nuhikkud danab ah, Nug⌋ ahilag kekeɗ, ag banelag uɗiglag ele amu, Nug ag hatteb nauhna autna aoglag. Yo, ag Israel, ag heppeg, ag uɗalag nekku. Aɗinu? Kayak Nug ag geɗadkku.

Sam 44:22

O Kayak, danab ah ag ihinignu nau ninig ele doottebnu diig am, ig na dim lamidttem amunu, ag ig deɗ oh amun tuqan ele iqaglagnu hetteb. Ao, danab ag sipsip lanaknu baalag otaɗadtteb, amubia danab ah ag ig iqaglagnu dabmak aotteb.

Hibru 11:37

Ooppa genab doyak danab laala amu, ahilkad kekeɗ ag menppa makkuɗatteg mauhppig. Laala amu ag hahppa beɗulag otaɗatteg ne mauhppig. Laala amu qep-ppa aqaeg mauhppig. Kekeɗ ag ooppa genab doyak danab amu eheɗ hatteg, ag lamen sipsip o meeme gaɗappa hak takkan, ag keekenu ele daɗeknab daappig.

2 Korint 1:9

Genabnab, ig uug doota, “Ig mauhkkunig” amut, amge anam beumnu diig am ig ikka ihinig ɠagattagnu am ii dabmemata, ig Kayaknu ɠagattag dabmekkunignu beum. Nug danab mauhppig amu heeb, ag eɗun hippaidkkulagnu Kayak.