Sam 140:11 - Nobonob Baibel

¹¹ Na heppe, danab ag laa onig nauhkkunu nai nau maditteb amu, ag ihinig wanppa ii daamnanu oɗ medattem. Na heppe, uug naunab, danab ag laa guittak nau mauhnoak madatteb ele, am ag qaɗelagppa nekkunu unuqidttem.

Sam 140:11 Referans Kwoze

Sam 34:21

Nau hak danab ag nau hak ahilagppa mauhkkulag. Ao, laa ag genab tutukku hak danab dilagnu nau ninig ele dootteb amu, geha bu aoglag.

Prowerb 18:21

Na aɗi nai madittem, amuppa na meu aottem. Na amuppa bau daakkut, o mauhkkut. O iitta, laa nai amuppa bau daakku, o mauhkku; danab ag nai dabmettanna maditteb, ag amuppa nob ena aoglag.

Aisaia 3:11

⌊Amge imu ele dabmenan oiyeg!⌋ Nau hak danab ah dilagnu amu, gadonnab gadon. Aɗinu? Ag hak nau ahilag laa dilagppa heppig, nob amu, ag amuib eɗun aoglag amunu, ag nauhkkulagnu hetteb.

Prowerb 17:20

Danab nug eheɗ haknu nug tiigppa daatte, nug ena ii anidma. Ge, danab nug nai hambuppuak maditte, nug uug anidkku.

Prowerb 13:21

Uug nug hipunin danab ah dim lamatta, aben oh ag gottebppa ele gotte; amge genab tutukku hak danab ag ena aon daatteb.

Prowerb 12:13

Eheɗ hak danab ag nai nau mattinna, pelemppa tetteb; amge genab tutukku hak danab ag anam iitta, ag uugppa ii notteb.

Prowerb 6:17

Keeke eblaih aɗit ele amuam inam: dada ha laa eɗittaknu dabmak awak kobol, nai hambuppuak mattiak kobol, danab ah eheɗ laa ii heeg, laa hamu aqe mauhak kobol,

Sam 9:16

Yawe Nug hanhan nai doya mala hettoɗia epeɗia elele mettak kobol dim lamidtte amu, danab ah ag amu dootteb, amge nau hak danab ag akka ahilag pelemppa notteb. Ag amu dabmetteg! Sila.