Sam 14:5 - Nobonob Baibel

⁵ Ag anam hetteb, amge Kayak Nug laa ag genab tutukku hak kobol dim lamitteb, Nug ag ele daatteb amunu, Nug geha heeb, nau hak danab amu ag eheɗnab baɗaglag.

Sam 14:5 Referans Kwoze

Sam 112:2

Danab amu bekkod ag geha onilag okkai ele ihinig wanppa daaglag. Yo, Yawe Nug geha danab amu, nug genab tutukku hak danab amu, Nug nug buɗub itadkku.

Sam 73:15

⌊Dabmak amu dahil dabmakppa beum⌋ amge, O Kayak, da keeke amu oh alom amu, da danab ah nahipad nena qekkulagnu alom.

Sam 24:6

Danab ah ag anam daan oitteb amu, ag Kayak anidna dim lamidkkulagnu Nug maditteb. Yo, danab ah ag na, Kayak, na Jakopnu Kayak, ag na anidna dim lamidkkulagnu na mattidtteb amu, ag anam daan oitteb. Sila.

1 Pita 2:9

Amge ag Kristen danab ah amu, ag gatatuppa daaegeg, Kayak Nug diia amahlak enappa maattom, ag Nug ahilagppa ena heum, ag amu miag atiglagnu Nug ag tituanatte daanna, ag am mana mettak danab, king ele daatteb, ag am danab ah Kayaknu ɗo maɗoɗppa daatteb, ag danab ah nuhikkudnab ele daatteb.

Matyu 1:23

“Doyeg! Ah makkun laa nug oo ele daya, geha nug nid danab menukku. Menueb, ag nid onig Imanuel ataɗkkulag.” Onig amu diig am, “Kayak ig ele daattem.”

Aisaia 41:10

Da ag ele daattem amunu, ag aib baɗappig. Ao, da ahilag Kayak daattem amunu, ag oolag uug nau aib qeum. Da ɠagattag aqatten ehanadkkul. Ao, da hanhan genab tutukku kobol dim lamitten heinne, da eppel naɗiap-ppa ag nena qemananu aɗualadppi, ag ɠagattag aon daaglag.

Prowerb 28:1

Nau hak danab ag auntai laa ii lamattegeg, haen amuppa ele ag baɗan, oolna gotteb; amge genab tutukku hak danab ag laion bau bia, ag ɠagattag daatteb.

Sam 53:5

Kayak Nug heeb, danab ah nau hetteb ele ag baɗan humananab qekkulag. Ag anukka baɗappig, amge haen imuppa ag eheɗnab baɗaglag. Aɗinu? Kayak Nug ⌊nuhikkud danab ah, Nug⌋ ahilag kekeɗ, ag banelag uɗiglag ele amu, Nug ag hatteb nauhna autna aoglag. Yo, ag Israel, ag heppeg, ag uɗalag nekku. Aɗinu? Kayak Nug ag geɗadkku.

Sam 46:11

Yawe Nukka Ɠagattag Oh Ele, Nug ig oonigppa aakku daatte. Ao, ig Jakop buɗub daattem amu, ihinig Kayak Nug aab aɗ ɠagattagnab ele ihinig bia daatte. Sila.

Sam 46:7

Yawe Nukka Ɠagattag Oh Ele, Nug ig oonigppa aakku daatte. Ao, ig Jakop buɗub daattem amu, ihinig Kayak Nug aab aɗ ɠagattagnab ele ihinig bia daatte. Sila.

Sam 46:5

Kayak Nug aab okkai amuppa daatte amunu, aɗitai laa uɗalkkunu ii daatte. Ao, Kayak Nug danab ah appa daatteb ehanatteb, ag padal mak ii anidmana. Tuqan uug bekkutai, amge buttua, wakkaɗebeb, Nug ag ehanadkku.

Sam 22:30

Laa butti aɗi dokkulag, ag Nug waappa daan, nuhig maɗi nid maɗi ah ele daaglag. Yo, laa amu ag Naɗi aɗi aɗi heumnu appeg dooglag.

Esta 8:7

Anam a amu, King Ekserksis nug Kuin Esta, amu Juda ted Mordekai ele amelahppa aum. “Haman nug Juda hatteb nauhkkulagnu heum amunu, ag nug balal attan danab aihaknu hak amuppa aihna qeeg mauhe, amu da nuhig keeke amu Esta mettami.

Eksodas 15:16

Ao, baɗak eheɗ nau okkainab ag tonatta daakku. O Yawe, ag nahip ɠagattag anidna, ag toettan daaglag. Ge, ag keeke laa hekkulagnu elele iitta. Ag anam daappeg, nahipad danab ah ig, ig ag qe-eɗadta gokkunignu gottemppa gokkunig. Ao, ag anam daappeg, ig danab ah na Isipnu eɗun awigme amu, ag anam daabppeg, ig qe-eɗadta gokkunig.

Aisaia 12:6

O danab ah Sion daatteb, Israel dilag Kayak Oppiaawak Ele, Nug nuhig ɠagattag okkaippa ag ehanatta, atognoadtte amu, Nug ag oolagppa daatte amunu, ag baalag okkaippa enan, ag gamag ahakppa ele ahi etteg!

1 Samuel 14:15

Jonatan, nuhig bannu keeke mawaknu nid ele aa anam heeh, Pilistia dilag daup laa oh, laa ag haen tutu dayaknu aab kalak ahilagppa daaegeg, laa ag haen tutu dayaknu aab kalak dimittim daappig ele amu, ag amu doyeg, wan uɗale, Kayak he, ag eheɗ baɗan,