Sam 139:2 - Nobonob Baibel

² Da daattem, o hibaitte daattem, haen amuppa na doottem. Na da keeke laanu dab-ii-memi, butti haen adekku dabmekkul amu, na gemu dabmak dahil amu aakku doon malame.

Sam 139:2 Referans Kwoze

Matyu 9:4

Ag dabmak amu aoegeg, Jesus Nug nuhig dabmakppa amu doya, Nug ag amelagppa aum. “Ag aɗinu dabmak nau anam aotteb?

2 King 19:27

Na hee, ag anam daappig, amge na adeppa daattem amu, da doottem. Na ahan laih gottem amu, da doottem. Ao, na eɗun uɗittem amu, da doottem. Da amu oh doyen, da na dahilnu oppoɗi bak huanak doottem amu, da doottem.

Luk 9:47

Amu Jesus Nug dabmak amu ag oolagppa dayeye doyom amunu, Nug nid nakok laa awa do, Nug guguitta heqo laih me, hippaidya daayya,

Sam 94:11

Yawe Nug danab ah dilag dabmak dootte; Nug dabmak amuam keeke hamunab dootte!

Aisaia 37:28

Na hee, ag anam daappig, amge na adeppa daattem amu, da doottem. Na ahan laih gottem amu, da doottem. Na eɗun uɗittem amu, da doottem. Da amu oh doyen, da na dahilnu oppoɗi bak huanak doottem amu, da doottem.

Prowerb 15:3

Yawe Nug keeke oh anidtte; Nug nau hak danab, ena hak danabnu ele neekka auta aotte.

Sekaraia 4:10

Amu danab nug keeke digmette amu, digmakppa laa ag keeke am nakokib anidtteb, amge ag keeke nakok imunu ena iinab doyak aib dooppig. Aɗinu? Danab ag mettid lag imu haknu plam lain Serubabel eppegppa dayebeb anidna, ag gamag ahak dooglag. Amu lam eblaih aɗit ele amu ag Yawe, Nug ameg eblaih aɗit ele, amuppa Nug keeke oh anidtte amu, lam amu ag amu ippunadtte,” awa anam meɗom.

Sam 56:8

Na dahil oo doyak amu oh anidme. Ao, na da amel leb am nippudppa itame. Ge, na buk itoɗiak nahip-ppa amu oh anen anen yaan aome.

2 King 6:12

Nug anam oɗ matte amu, nuhig ban daup ikki laa nug inam amegppa aum. “O king, ihinig naɗi, ig ihinig huuppan danab laa ii hette. Iitta. Israel dilag propet Elisa, nugib aakku hette. Keeke aɗi aɗi ig hekkunignu hettem amu, nug Israel dilag king amegppa atte. Nai oh na madittem amu, Elisa nug dootte. Na nahip niiak abenppa daanna nai madittem amu, Elisa nug doya, Israel dilag king amegppa atte,” awa aum.

Genesis 16:13

Anam amu, Hagar nug Yawe, Nug nug amegppa nai mattiom amu, Hagar onig imu Nug ataɗom. “Kayak Da Aniɗtte Ele Amu, Amuam Na.” Aɗinu? Nug aum. “Laa da aniɗtte amu, gemu da ele Nug anidmi.”

1 Korint 4:5

Epeɗiak uɗat amu ig gemu ii gumattem amunu, haen gamag imuppa ig anam ii hemata. Ag Naɗi uɗikkunu haen ameg meig! Nug uɗia, keeke oh gatatuppa lokkumak daatteb amu heeb, amahlakppa miag atippeg, aria Nug ele heeb, danab ag diig aɗinu keeke laala heppig amu, danab oh dilag dabmak amu miag bekku. Haen amuppa geha Kayak Nug ig danab oh laib laib ihinig haknu nob tutukku megakku.

Esekiel 38:17

Amu Naɗi Yawe Nug inam atte. “Anukka da propet dahilad, ag am dahil maɗi nid amu, da ag oɗelagppa laanu mattimi amu, amuam na iittate? Haen amuppa propet dahilad ag dimppa aɗi bekkunu nai anan, ag da heppi, Gog na, nahipad ele ag uɗippeg, Israel ele ban hekkulagnu appig,” awa atte.

Duteronomi 31:21

Anam heppeg amu, geha uug naunab, amu uug digdig laa ele bekkulag. Ahi da ippunadkkul ele, ahi amuam laa aɗi heehe anttomnu mattiak danab, am danab amubia dayaya, Israel danab ah ag nau heppignu ippunadkku. Aɗinu? Ag buɗulkad ag ahi amu daulag ii atima. Danab ah imu ag diilag attemunab amu da doyadttem, amu wan da ag mamelkad aɗi madakkulnu dahil nai ɠagattag qetta anak ii hemi dayeye, da ag iikku doyadttem. Ge, gemu ele, da ag aɗi hekkulag, da doottem.” Yawe Nug anam Moses amegppa aum.

Sam 44:22

O Kayak, danab ah ag ihinignu nau ninig ele doottebnu diig am, ig na dim lamidttem amunu, ag ig deɗ oh amun tuqan ele iqaglagnu hetteb. Ao, danab ag sipsip lanaknu baalag otaɗadtteb, amubia danab ah ag ig iqaglagnu dabmak aotteb.

Esekiel 11:5

Yawe Nug anam a, nuhig Ouɗi Nug dahilppa uɗie, Yawe Nug da nuhig nai inam akkulnu aum. “Yawe Nug inam atte. Ag Israel danab ah ag anam hambuppun atteb, amge da ahilag dabmakppa aɗi daatte am da doottem.