Sam 139:12 - Nobonob Baibel

¹² Anam amge da aben gatatunab ele amuppa daakkul dayeb, da na aniɗmananu lokkumkkulnu elele iitta. Na amunppa amahlak anidttem, na tuqan amubia anidttem. Nahip-ppa amu, gatatu, amahlak ele am oh laippu daatte.

Sam 139:12 Referans Kwoze

Daniel 2:22

Nug keeke unuqagnab daatte, keeke lokkumak daatte, Nug keeke amu he, miag atitte. Nug aɗi keeke gatatuppa daatte am dootte. Nuhig dayak abenppa amu, appa ele amahlak Nug ele daattep.

Job 34:22

Diig amunu danab eheɗ hette ele nug aben laa gatatunab ele, o aben laa lokko teppu ele, appa lokkumkkunu elele iitta.

Eksodas 20:21

Moses nug anam a, danab ah ag anamib piɗe hippaidna daaegeg, Moses nukka bud hinqak ele, Kayak aguppa dayom amu, Moses nug nukka amuppa gukkuitta teum.

Hibru 4:13

Amu keeke laippu laa Kayak Nug amegppa lokkumak iinab daatte. Iitta. Keeke oh am Nug amegppa miagib amahlakppa daatteb. Amu dimppa ig Nug noobppa daata, ihinig haknu Nug amegppa mattignig.

Job 26:6

Mauhak aben am Kayaknu neekkakppa lokkumak ii daatte. Ao, Kayaknu neekkakppa mauhak aben am miagib daatte.

Eksodas 14:20

Amu lombig amu tuqan amuppa Isip, Israel ele gamalahppa dayom. Lombig anam dayaya he, laih Isip daappigppa gatatu dayom, amge laih Israel daappigppa, lombig he, ag amahlakppa daappig. Anam aakku dayom amunu, tuqan amuppa Isip, Israel ele ag nug gumidna wakkulagnu elele iitta.