Sam 138:2 - Nobonob Baibel

² Na hee, na onin, nahip nai ele anuqak daattep amunu, da ool ekuɗe, nahip mettid lag nahipnu tituanak daatte, da aben amu neegppi ukkeb gomelen, da na oo mauhaknab kobol, oo metta ii uuak kobol ele dim lamidttemnu dabmein, da na amenppa, “Ena heme,” akkul.

Sam 138:2 Referans Kwoze

Matyu 5:18

Da genab ag amelagppa attem. Hab wan ele ii qettoɗak haenppa, haen aa daapepeɗ, ɗonu nai huppu nagnag laa, huppu laa oh dilag okkai am imu eɗidtte, huppu amu nuhig uɗat gogppa ii tak dayeb amu, huppu nagnag amu iinab qettoɗma.

Aisaia 42:21

Yawe Nug genab tutukku hak kobol aakkuib haen oh hette, amu Nug amunu dabmak anuqak awawa, Nug heeb, ɗo nuhig am binag amahlak oppiaawak ele dayeb, danab ah oh ag dooglagnu oo dayom.

Sam 56:10

Da Kayak, da nuhig nai binag mettem; Ao, da Yawe, da nuhig nai binag mettem amu, da nuhignu oolppa genab doottem amunu, da ii baɗapa. ⌊Kayak Nug danab dahilppa aɗi hekkulagnu ii uuatteb hekkulag amu,⌋ danab ag aɗi keeke dahilppa hekkulagnu elele iitta.

Matyu 24:35

Hab wan ele am iitta mekkulah, amge nai dahil am iitta iinab mema.

Sam 5:7

Na oo mauhaknab kobol dim lamidttem amunu, da na lautppa wakkulnu elele. Da nahipnu ebehil oh bodoetta le me doyen, nahip mettid lag nahipnu tituanak daatte ele, da amu neekkitten, da dup noin binan mekkul.

Sam 28:2

Da na dahilnu oot gai-iitta doon oot meɗan ehaniɗkkutnu unuqidttem imu amu, na dahil unuqittak imu dookkutnu oɗ medattem. Yo, da eppel bahien, nahip lag nahipnu tituanaknab daatte, da eppel amuppa ukke, na unuqidttem imu amu, na unuqittak dahil imu dookkutnu unuqidttem.

Jon 1:17

Yo, ɗo amu ig Moses nuhigppa aomut, amge ehanittak okkai hamu mettak kobol, amu doyak diig genabib ele amu, ig Jesus Kristus nuhigppa aomut.

Sam 56:4

Ao, da Kayak, da nuhig nai binag mettem amu, da nuhignu oolppa genab doottem. Anam amunu, da ii baɗapa. Ge, ⌊Kayak Nug danab dahilppa aɗi hekkulagnu ii uuatteb hekkulag amu,⌋ danab ag aɗi keeke dahilppa hekkulagnu elele iitta.

Sam 115:1

O Yawe, danab ah ag ig Israel, ag ig binanig okkai mekkaglagnu am oonig ii daatte. Iitta! Ig genabnab danab ah laa ag binanig maknu oonig ii daatte. Amu na oo mauhaknab kobol dim lamidnana, na oo metta ii uuak kobol ele dim lamidttem amunu, diig amunu danab ah ag na binan mekkulag am tutukku.

Daniel 6:10

Danab okkai amu ag anam heeg, king nug ɗo amu he ye, onig me, haen Daniel nug ɗo amunu doya amu, nug aha, lakka ukka, nug oo attan laa gililppa ulah ibuppa, danab nug appa dayaya, neekkeb laih Jerusalem daatteppa gokkunu elele, nug gililppa ulah ippu amuppa gateg qaun o, nug Kayak amegppa, “Ena hen mekkame,” anana, Kayak unuqittom. Nug deɗ ohppa haen ewam Kayak anam unuqittom. Nug kingnu ɗo nai amu ii babaittom haenppa heum bia tuɗitta heum.

Aisaia 63:7

Yawe Nug ig Juda, Nug ihinignu oo mauhaknab doya, Nug keeke ena kuɗum, ig keeke amunu Nug binag mekkunignu daatte amu, Nug amu heum. Nug kobol ena kuɗumnab ig Israel, ihinignu haaha, Nug ihinignu oo gai-iitta doya, oo mekka ehanikkom. Nug ihinignu oo mauha, anamib daatte amunu, da amunu laa amelagppa madikkul.

Sam 99:9

Ag Yawe, ihinig Kayak, ag Nug humidna, nuhig qauko, qauko amuam nuhignu tituanak daatte amu, ag amuppa Nug noobppa dup nona binag meig! Aɗinu? Yawe, ihinig Kayak, Nug am oppiaawak!

Sam 99:5

Yawe Nug oppiaawak daatte ⌊amunu,⌋ ag Yawe, ihinig Kayak, ag Nug humitteg! Ag Nug baeg gukkuidna gona, ag Nug noobppa dup nona Nug binag meig!

Sam 86:15

Amge O Naɗi, na kayak laa bia iitta; na am Kayak oo bodoetta le mak kobol, oo bodoette enanag maɗoɗ ele hak kobol ele dim lamidttem. Na paha oot ii nauhtte, amu nahip oo mauhaknab kobol, oo metta ii uuak kobol ele am ambeya, letaya nettep.

Sam 85:10

⌊Qinob, Kayak Nug heeb,⌋ oo mauhaknab kobol, amu oo metta ii uuak kobol ele aa ouqak miagib daaglah. Ge, genab tutukku hak kobol, amu maɗoɗ kobol ele am tamaniya daaglah.

Jon 10:35

Anukka Kayak nai wan imuppan danab, amu dilagppa ukkom amu, amuppa Nug ahilagnu, ‘Ag am Kayak ganiappud,’ aum. Aria ig doottem, Kayaknu nai keeke laa hambuppuak ii ippunigtte. Iitta! Tutukkuib ippunigtte

1 King 8:15

Nug itittak ena mattowa, nug inam aum. “Ig Yawe, Nug ig Israel, ihinig Kayak, ig Nug binag metu! Nug da mamel Dawit amegppa Nug oɗeppanab nai ana qakkom amu, nug nai amu tutukku dim lamitta he, meu oum.

1 King 8:20

Yawe Nug nai ana qakkom amu, nuhig nai qakkak amu, nug aum bia gemu oh iikku be, da mamel Dawit amu, da nug abenabppa gemu da ag Israel, da ahilag king daattem; Yawe Nug nai qakka aum amubia. Amu da Yawe, ig Israel, ihinig Kayak, da mettid lag Nug onig amuppa daakkunu aakku buumi.

1 King 8:24

Na anukka da mamel Dawit, nahip maɗi nid, na oɗenppa nug amegppa nai anan qakkame amu, na nai amu tutukku dim lamidna, amu na nai anan qakkame amu, na hee, nai amu oh meu o, gemu anam daatte.

Sam 5:8

O Yawe, na genab tutukku hak kobolib heehe, da na ulum meɗakkutnu oɗ mettem. Ao, na nahip hak, nahip nai ele am miag atiak heppe, kekeɗ ag da ii eɗilmananu unuqidttem.