Sam 138:1 - Nobonob Baibel

¹ O Yawe, da nahipnu meul ohppa, “Ena heme,” awe akkul. Da hambuppuak kayak laa oh noolagppa da na binan mak ahi edakkul.

Sam 138:1 Referans Kwoze

Sam 111:1

Ag Yawe binag meig! Da meul ohppa genab tutukku hak danab ah, am Jakop buɗub ag Kayak dim lamidtteb ele, da ag ele qagmeta, Yawe amegppa, “Ena hen mekkame,” akkul.

Sam 95:3

Aɗinu? Yawe Nug am Kayak onig, ɠagattag ele. Ao, Nug king. Nug kayak laa oh eɗattak, attannab daatte.

1 Korint 14:15

Amunu da attem hekkul? Da unuqidkkul amu da ouɗil, dahil dabmak ele ohppa unuqidkkul. Da ahi edakkul amu da ouɗil, dabmak ele ohppa ahi edakkul.

Sam 119:46

Da nahip ɗonu king amelagppa abippi, ag heppeg, da uɗal ii nema.

Sam 96:4

Aɗinu? Yawe Nug onig ɠagattag ele, laa oh eɗattak daatte. Ao, Nug danab ah ag Nug binag mekkulagnu elelenab daatte. Ge, danab ah ag nuhignu ebehilag oh bodoetta le mekkunu elelenab daatteb. Kayak laa anam laa ii daatte.

Sam 82:6

Da ami. ‘Ag am Kayak ganiappud. Ao, ag am oh Kayak Attannab Laa Oh Eɗattak bekkod daatteb.

Sam 82:1

Kayak Nug Israel dilag tamaniakppa dayaya, Nug qagmeppig ele dilag okkai daatte. Ao, Nug epeɗiak danab dilagnu nai doya mala hettoɗia epeɗia elele mettak kobol dim lamitta, Nug ag daulag batata, ag amelagppa inam atte.

Sam 9:1

O Yawe, da meul ohppa ele, na amenppa, “Ena heme,” akkul. Da na kobol danab haknu elele iitta heme amu, da amunu madikkul.

Hibru 1:14

Nug engel laa amegppa anam ii aum. Iitta! Engel ag am ouɗi, ag am Kayaknu uɗat hetteb. Kayak Nug ag gona, danab ⌊ag Jesusnu oolagppa genab dooppig amunu,⌋ ag Padal ii maknu ehanittak aoglagnu daatteb ehanadkkulagnu maatte gotteb.

Epesus 5:19

Ag qagmena daana amu, ag sam, mettidnu ahi, amu Naɗi binag maknu ahi ele etteg! Ag oolkadppa Naɗi humidkkulagnu, ag ahiettak, amu ahi baag ele heig!

Aposel 23:5

Aeg Pol aum. “O lailad, nug mana mettak ikki danab daatte amu da ii doomi. ⌊Da ena ii hemi.⌋ Aɗinu? Kayaknu Nai am inam daatte, ‘Na nahip huuppan ikki danabnu amu, na nai nau aib ame,’ awa atte,” awa aum.

Eksodas 22:28

Da am Kayak, ag dahilnu dabittak nai aib appig. Amu ag ahilag huuppan ikki danabnu, nug eheɗ laa awaknu anak waappa daakkunu aib appig.

Sam 9:2

Nahipnu amu, da ool gamag huanaknab ahakku. Ao, O Kayak Attannab Laa Oh Eɗattak, da geha na oninnu humittak ahi edakkul.

Sam 57:9

O Naɗi, da danab ah oh noolagppa na amenppa, “Ena heme,” akkul. Yo, da wan imuppan wan anen anen ohppan danab ah oolagppa, nahip humittak ahi ettaladkkul.