Sam 136:5 - Nobonob Baibel

⁵ ⌊Ig Yawe,⌋ Nug am diignu doyak tutukku ele aɗa, Nug hab heum amu, ⌊ig Nug amegppa, “Ena heme,” atu!⌋ Aɗinu? Nuhig oo mauhaknab kobol hanhan alet daatte.

Sam 136:5 Referans Kwoze

Genesis 1:1

Digmak haenppa Kayak Nug hab, wan ele heum,

Sam 104:24

O Yawe, na keeke digdig kuɗum hattame! Na nakka nahip doyak dabmak ena okkai amu uɗat mettan heme! Na keeke amu hattana hee, wan atu ohppa doɗ, amu keeke laa oh ele ambak daatteb.

Jeremaia 51:15

Yawe Nug nuhig ɠagattagppa wan heum. Nug doyak dabmak ena ele nuhigppa wan ha, abenppa meum. Ao, Nug diignu doyak tutukku nuhigppa ele ha, hab nuhig abenppa meum.

Sam 33:6

Yawe Nug a, hab beum daatte. Nug oɗeppa nai mattieye, hoɗopai keeke beppig daatteb.

Jeremaia 10:12

Amge Kayak Nug nuhig ɠagattagppa wan heum. Nug doyak dabmak ena ele nuhigppa wan ha, abenppa meum. Ao, Nug diignu doyak tutukku nuhigppa ele ha, hab nuhig abenppa meum.

Genesis 1:7

Anam amunu, aben uma ukkak le gamagppa beum. Be, le laa honap piɗe daye, le laa attan piɗe ele dayom; le aben laippuppa ii dayom, piɗe piɗe dayom. Kayak Nug a amu, am anam aakku beum.

Genesis 1:8

Kayak Nug aben uma ukkaknu onig, “hab waappa,” ataɗom. Buttua ukka uudo, ukka wagkkaɗom am deɗ ebqak aɗit.

Sam 8:4

⌊Keeke amu oh am keeke okkainab; aria⌋ danab ah amu, ag am aɗi daatteb amunu, na ag dabmattanna daattem? Ao, danab bekkalkad, ag am aɗi daatteb amunu, na ag atognoadttem?

Sam 134:3

Yawe Nug hab, wan ele haatom. Nug Sion daatte. Da Nug appa dayaya, itadkkunu Nug unuqidttem.