Sam 136:11 - Nobonob Baibel

¹¹ ⌊Ig Yawe,⌋ Nug Israel danab ah Isipnu diiom amu, ⌊ig Nug amegppa, “Ena heme,” atu!⌋. Aɗinu? Nuhig oo mauhaknab kobol hanhan alet daatte.

Sam 136:11 Referans Kwoze

Eksodas 12:51

Deɗ amuppaib Yawe Nug Israel buɗub huu anen anen oh diia omalatte, ag Isip uun goppig.

Eksodas 13:3

Yawe Nug anam a amu, Moses nug Israel danab ah amelagppa inam aum. “Ag Isip daanna, appa begbeg maɗi nid daaegeg, haen amuppa Yawe Nug nuhig ɠagattag amuppa ag Isipnu diia, omalatte uɗippig amunu, haen oh Yawe Nug deɗ imuppa ahilagnu keeke okkainab amu heum, keeke amu ag daulagppa doaɗ! Ag amu daulagppa doobob, ag bret yis ele hak amu, ag aib lappig.

Sam 105:37

Yawe Nug nuhig danab ah enaib Isipnu diie ahan, ag silwa, gol kuɗum akkan ele gonana, Israel dilag huu okkai oh oolagppa auntai laa eheɗ laa ii oiyom.

Sam 78:52

Nug amu Isip dilagppa heum, amge Nug danab ah nuhikkud sipsip ameg laa diia laih ukkak bia omalatta ugekke, ag Isip uun goppig. Ao, danab nug sipsip diia, laih gotte, amubia Nug nuhikkud danab omalatta dabmadette, ag atu taɗakppa elele ena oippig.

Eksodas 13:17

Aria, Paro nug Israel danab ah paɗatte ukkaegeg amu, Kayak Nug omalatta, ib tutuppa ugakka, Pilistia wan oppata, lang dim lamitta ii ukkom. Aɗinu? Kayaknu dabmak inam dayom. “Israel ag ib tutu amuppa goppeg, danab ameg laa ag anadna, ahan aqaglagnu hena, ban heppeg, geha Israel dilag dabmak eɗueb, ag eɗun Isip dokkulagtai,” anam dabmeum.

Eksodas 12:41

Ag maɗ 430 Isip daaegeg, deɗ maɗ 430 amu iitta meum, deɗ amuppanab amu, Yawenu danab ah, Israel, ag Isip uuppig.

Eksodas 12:42

Deɗ amu tuqan amu, Yawe Nug Israel Isipnu diia, omalatta gokkunu dabmatta auta awom amunu, buɗub buɗub doobob, maɗ ohppa hanhan Israel oh ag deɗ amu do, tuqan am, ag Yawe heumnu dabmena autna aoglagnu daatte.

Eksodas 13:9

Aria, Bret Yis Iitta Lanaknu Hobul Nakok, amuam geha danab nug aɗi keeke dabmekkunu oo hette ele, nug amu dabmekkunu nug eppeg gomeppa nai ye daatte, o nug uɗappa keeke laa aiha daatte amu, hobul amuam, ag Yawe Nug ahilagnu uɗat naɗi heum dabmekkulagnu, nuhig ɗo nai ele dabmena mattiglagnu at amubia daakku. Aɗinu ag Yawenu ɗo dabmena, amunu mattiglag? Yawe Nug uɗat naɗinab ha, Isipnu diia omalatte uɗippig.

Eksodas 13:14

Moses nug anam ana, Nug tuɗitta aum. “Dimppa ag bekkalkad ag, ‘Kobol imuam diig aɗi?’ aon oɗ mattaglag amunu, ag inam amelagppa akkulag! ‘Ig Isip wanppa begbeg maɗi nid daautut, Yawe Nug uɗat ɠagattagnab ha, ig Isipnu awikka, omaikka uɗiom.

Eksodas 13:16

Aria, kobol amuam geha danab nug aɗi keeke dabmekkunu oo hette ele amu, nug amu dabmekkunu nug eppeg gomeppa nai ye daatte, o nug uɗappa keeke laa aiha daatte amu, kobol imuam amubia, Yawe Nug uɗat naɗi ihinignu he, ig Isip uut uɗimutnu at daatte. Aɗinu? Yawe Nug nuhig ɠagattag naɗippa ig awikka omaikke, ig Isip uut uɗimut.’ ” Moses nug danab ah amelagppa anam mattiom.