Sam 136:1 - Nobonob Baibel

¹ Ag Yawe amegppa, “Ena heme,” aon aig! Aɗinu? Yawe Nug enaib dayaya, enaib ele hette. Laa amu, nuhig oo mauhaknab kobol hanhan alet daatte.

Sam 136:1 Referans Kwoze

Sam 118:1

Ag Yawe amegppa, “Ena heme,” aon aig! Aɗinu? Yawe Nug enaib dayaya, enaib ele hette. Laa amu, nuhig oo mauhaknab kobol hanhan alet daatte.

1 Stori 16:34

Ag Yawe amegppa, “Ena heme,” aon aig! Aɗinu? Yawe Nug enaib dayaya, enaib ele hette. Ao, nuhig oo mauhaknab kobol hanhan, alet daatte.

Sam 106:1

Ag Yawe binag meig! Ao, ag Nug amegppa, “Ena heme,” aon aig! Aɗinu? Yawe Nug enaib dayaya, enaib ele hette. Laa amu, nuhig oo mauhaknab kobol hanhan alet daatte.

1 Stori 16:41

Amu Heman, Jedutun ele aa ele Gibeon appa daapiɗ. Aa amu laa Dawit nug tituanatta, onilag diie, ag Heman, Jedutun ele Gibeon daanna, ag Yawe amegppa, “Ena hen mekkame,” akkulagnu daappig. Aɗinu? Nuhig oo mauhaknab kobol hanhan alet daatte.

Sam 107:1

Ag Yawe amegppa, “Ena heme,” aon aig! Aɗinu? Yawe Nug enaib dayaya, enaib ele hette. Laa amu, nuhig oo mauhaknab kobol hanhan alet daatte.

2 Stori 20:21

Jehosapat nug anam a, nug danab ah ele nai mattin, nug danab laa ag Yawenu ahi, ag ahi amu ettaladnana, ag Yawe, Nug dagom onig ɠagattag ele, Nug oppiaawak ele, ag amunu Nug binag okkainab menana, ag daup noolag aon gonana, ag ahi inam ettaglagnu tituanattom. Ag Yawe amegppa, “Ena heme,” aon aig! Aɗinu? Nuhig oo mauhaknab kobol hanhan alet daatte.

Esra 3:11

Ag tena daan, ag Yawenu binag maknu ahi laa ettanna, ahi amunu eɗua ettaknu nai-kores imu baubau edappig. “Yawe Nug enaib dayaya, enaib hette. Israelnu amu, nuhig oo mauhaknab kobol hanhan alet daatte.” Lewi buɗubppan mana mettak danab, Lewi buɗubppan mana mettak danab iitta ele, ag anam heeg, Israel danab ah laa oh ag Yawe laug ukkunu men meeg ukke, mena malappig anidppig amunu, ag Yawe binag mekkulagnu ewak baag okkai, huanak laippu heppig.

2 Stori 7:3

Haen Israel danab ah ag aab aɗu hab attannu neene anidna, ag Yawenu binag amahlak oppiaawak ele, ag amu ele Yawenu mettid lag attan anidna, ag gatelag qaun ona, gomelna, ag iɗulag wanppa mena, ag Yawe noobppa dup nona binag mena, ag Nug amegppa, “Ena heme,” ele appig. Aɗinu? Yawe Nug enaib dayaya, enaib ele hette. Laa amu, nuhig oo mauhaknab kobol am hanhan alet daatte.

Luk 1:50

Buɗub buɗub doobob, Nug danab ag nuhignu ebehilag oh bodoetta le mette, Nug amu dilagnu oo gai-iitta doya oo metta ehanadtte.

Jeremaia 33:11

ag gamag ahak okkai doon oiglag. Danab ah ele ag ewau matulak aonna, ag gamag ahak doon oiglag. Danab ag Yawe laugppa daan, ena heme anaknu ofa hekkulag. Ag doɗ amu main, Yawe mettanna, ag inam akkulag. ‘Yawe Nug am enaib. Ao, nuhig oo mauhaknab kobol ii iitta mette. Anam amunu, ig Yawe Nukka Ɠagattag Oh Ele, ig Nug amegppa “Ena hen mekkame,” aot atu!’ Ag anam akkulag. Ag anam akkulagnu diig am, da heppi, ag ahilag wanppa enaib daaglag.” Yawe Nug anam awa atte.

2 Stori 7:6

Ag tituanak amu haknu kobol henana, mana mettak danab ag uɗat hekkulagnu abenlagppa daaegeg, Lewi buɗubppan mana mettak danab iitta, ag Yawenu musik haknu keeke digdig aɗappig. Musik haknu keeke amuam King Dawit nug babaitta, ⌊nug danab gemu daatteb mamelkad aɗi amu haknu ele ippunattom⌋. Dawit nug Yawenu ahi hekkunu keeke amu anukkanab babaitta, nug amuppa Yawe amegppa, “Ena heme,” attom. Aɗinu? Yawe, nuhig oo mauhaknab kobol hanhan alet daatte. Ag anam daan henana, Lewi buɗubppan mana mettak danab, Lewi buɗubppan mana mettak danab iitta ele, ag huu aɗitppa daan, nug neekkidnana daappig amu, ag anam daanna, mana mettak danab ag trampet iwalegeg, Israel danab ah ag hippaidna daappig.

Sam 105:1

⌊O Israel danab ah,⌋ ag Yawe amegppa, “Ena heme,” anana, ag Nug unuqitteg! Ao, ag appeg, wan atu ohppan danab ah ag Nug aɗi keeke heumnu doyeg!

Sam 119:68

Na enaib daanna, enaib hettem. Na aɗi keeke hettem amu, na ena hettem. Na da nahip ɗo ippuniɗkkutnu oɗ medattem.

Sam 103:17

Amge Yawe Nug danab ah ag nuhignu ebehilag oh bodoetta le mette ele dilagnu oo mauhaknab tuqa ii awawa, hanhan anamib haaha daatte. Ao, Nug ahilagnu anam oo mauhe, Nug ag alalkad dilagnu, Nug genab tutukku hak kobolnu dabmaama, dim lamidtte.

Jut 1:21

Ag hanhan Kayaknu oo mauhak ooppa daanna, ihinig Naɗi Jesus Kristus Nug ahilagnu oo gai-iitta doya oo metta ehanattatta, Nug bauklel hanhan madakkunu ameg meig!

Sam 100:5

Aɗinu? Yawe Nug enaib dayaya, enaib ele hette. Nuhig oo mauhaknab kobol hanhan alet daatte. Ao, nuhig oo metta ii uuak kobol am haen oh, anamib daatte.