Sam 134:1 - Nobonob Baibel

¹ Ag danab ah ag Yawenu maɗi nid maɗi ah daatteb, ag tuqan Yawe laugppa nuhig ɗo maɗoɗnu uɗat hetteb ele, ag Nug binag meig!

Sam 134:1 Referans Kwoze

Sam 120:1

Da uug nauppa dayeye, Yawe unuqidttem. Da unuqitti, Nug dahil unuqittak nob mette.

1 Stori 9:33

Aria, Lewi buɗubppan mana mettak danab iitta, ag baelkadppa dilag ikki danab daappig amu, ag musik digdig hekkulagnu doyak ele. Danab amu ag Yawenu mettid lag oo laalappa daan, amun, tuqan ele ahiettak gumaglagnu babaittak daappig. Ag anam hekkulagnu babaittak daappig amunu, ag uɗat laa iitta.

Revelesen 19:5

Ag anam aeg, sia king ⌊anuqak⌋, amuppanu amu baag laa ewa aum. “Ag Kayaknu maɗi nid, ag Kayaknu ebehilkad oh bodoetta le mette amu, ag okkai okkai, naunau ele ag oh ag ihinig Kayak binag meig!” awa aum.

2 Stori 29:11

O Lewi buɗub, da bekkalad, Yawe Nug ag Nug noobppa daanna, ag Nug waappa daan, Nug oɗe dim lamidkkulagnu, ag nuhig ehanittak danab ah mattaglagnu, ag kalu danab ile muttuɗig enanag bette ele main, Nug mettaglagnu tituanattom amunu, gemu ag hamu aib daappig,” awa aum.

Sam 122:1

Danab ah ag da amelppa, “Ahappe, ig Yawe laugppa tetu!” aeg, da ool gamag ahom.

Lewitikas 8:35

Ag aib daulag atiom. Ag mettid haknu peh lag danab ah appa qagmetteb ele, ag lag amunu haɗap-ppa deɗ eblaih aɗit, amun tuqan ele, Nug ag aɗi hekkulagnu aum henan daaglagoitte. Ag ii mauhmananu, ag keeke oh Yawe Nug ag amuppa hekkulagnu aum amu, ag amu hekkulagoitte. Yawe Nug ag anam hekkulagnu da amelppa akkulnunab aum amunu, ag anam hekkulag.

Luk 2:37

Anam daayya, nug gamu mauhe, qab ma, hamu maɗ 84 dayaya, nug Kayaknu mettid lag ii uuttom. Nug ee ohnu kud ma dayaya, unuqittatta, tuqan amun ele Kayak noobppa dup noa binag maama dayom.

Sam 121:1

⌊Yawenu mettid lag am Israel dilag qaukoppa daatte amunu,⌋ da qauko amu attan neegppi gokku. Appanu da ehanittak aottem.

Sam 132:1

O Yawe, Na Dawit dabmettan, nug uug kuɗum mawomnu ele dabmekkutnu oɗ medattem.

Sam 131:1

O Yawe, da oolppa da dada hak danab ag akka ahilagnu attem attem dabmetteb amu, da amubia dahilnu ii dabmettem. Ao, da laa neekkatten, da dada hein laa amu eɗattaknu dabmak ii aottem. Da keeke okkai okkai, da keeke amunu dab-ii-mettem. Ao, keeke dabmak dahil eɗidtte, da keeke amunu dab-ii-mettem.

Sam 130:6

Danab nug tuqan aabnu aɗ attan aɗi uɗitte anittak danab daatte, nug wakkaɗeb anidkkunu oo huan daatte, amubia da Naɗi ehaniɗkkunu ool huan daatte. Yo, da ool amunu huan daatte.

Sam 129:1

Israel danab ah ag gemu inam akkulagnu elele. “Ig Israel danab ah, ig digmeta, huu laippu daamut, haen amuppa ihinkad kekeɗ ag eheɗ hegattappig. Gemu ele anamib hetteb.

Sam 128:1

Am danab ag Yawenu ebehilag oh bodoetta le mette, ag Yawenu kobol dim lamidtteb ele amu, ahilagnu am ena. Ag itittak ena aoppig daatteb.

Sam 126:1

Haen Yawe nug he, diia ukka laih me dayak danab ah ig, ig eɗut Sion gota amu, ig am tul niiak enanag laa anidmut bia daamut!

Sam 123:1

O Yawe, naib sia king nahip-ppa hab attan dayeye, da neekki, attan nahip-ppa tette.

Duteronomi 10:8

Haen amuppa Yawe Nug Israel dilag huu okkai Lewi, ag Yawenu Tituanak Nainu Kunup kontrak inak ele maoglagnu otiattom. Nug ag nuhig ɗo maɗoɗnu uɗat Nug noobppa hekkulagnu, amu Nug onigppa danab ah itadkkulagnu ele otiattom. Uɗat amuam ahilag, ina hetteb.

Sam 133:1

Danab ah ag maɗoɗ ele laippu, nug oo awak ena ele daatteb, kobol amuam enanag!

Sam 103:21

Ag hab daup nuhikkud oh, ag Yawe binag meig! Ao, laa oh ag nuhig maɗi nid daan, nuhig dabmak awakppa Nug ag aɗi hekkulagnu atte amu, ag Nug binag meig!

Sam 127:1

Yawe Nug auntai laa lag hekkunu hette ele, Nug nug ii ehanidkku dayeb, laa amu nug amu hekkunu elele iitta. Amu Yawe Nug aab okkai ii atognokku amu, aɗi uɗitte anittak danab, ag atognobeppeg, ena daakkunu daatteb amu, ag amu hekkulagnu elele iitta.

Sam 125:1

Qauko Sion am uɗalnan loppaɗkkulagnu elele iitta, Qauko amuam hanhan daatte. Anamib, laa ag Yawenu oolagppa genab dootteb, ag anam aakku daatteb.

Sam 124:1

Gemu amu, Israel danab ah ag inam akkulagnu daatte. “Laa ag banenig uɗippig amu, ag ihinignu oo nauhak huananab dooppig. Ag anam doyeg, Yawe Nug ii ehaniglo, ao, danab laa ag banenig uɗippig amu, Yawe Nug ii ehaniglo, ag ig eɗigna, heigppeg nauhlom.”

1 Stori 9:23

Danab Dawit, Samuel ele tituanadpiɗ amu, ag buɗulkad ele ag Yawe laugnu od gumaglagnu uɗat aakku aoppig daatteb. Tatam, haen ag uɗat amu aoppig amu, haen amuppa Yawe laug am mettid haknu peh lag dayom.

Revelesen 7:15

amunu, ag Kayaknu sia king noobppa hippaidna daatteb. Ag nuhig mettid lag ooppa tuqan, amun ele Nug waappa daanna Nug oɗe dim lamidtteb. Laa Nug sia king ⌊anuqak,⌋ appa heɗep neum daatte ele amu, Nug ag ele daan, atognoadkku

Sam 130:1

O Yawe, da uug nau, danab nug yu ooppanab noa dayaya, uug nau dootte, da uug nau amubia doyeye, da na unuqidttem.

1 Stori 9:27

Ag Kayak laugppa uug laa bema, diig amunu ag tuqan Yawenu mettid lag dimittim, lag amu talilidna, aben aben daanna, gumanna, ag Kayak laug buttua od matuladkkulagnu ki aɗan, uɗat amu ele hekkulagnu daappig.

2 Stori 35:5

Israel danab laa oh ag baelkadppan obatak naunauppa Yawenu mettid lag, Kayaknu tituanak daatte, ag amuppa daappeg, ag Lewi buɗubppan mana mettak danab iitta, ag Yawenu mettid lag, appa Israel laa oh obatak anen anenppa daappeg, ag laippu laippu dayeg! Israel laa oh, ag ele tiilag laippu, ag am Yawenu mettid lag, amuppa uɗat ii hetteb. Ag dimittim uɗat hetteb amunu, ag Lewi buɗubppan mana mettak danab iitta, ag ag ehanatteg!

Nehemaia 12:9

Aria, ag anam heegeg, Bakbukia, Uni ele, aa laa amu dilag uɗat laippu ele, aa laih daaeh, Jesua aɗi ele ag laih daaeg, ag laih laih daan, ag nug neekkidna daan, ag oh ahi edappig.

Sam 84:5

O Kayak, laa ag nahip-ppan ɠagattag aon, ag na gukkuidna Jerusalem gokkulagnu oolag hette amu, ag itittak ena aoppig daatteb.

Sam 113:1

Ag Yawe binag meig! Ag Yawenu maɗi nid, ag Yawe binag meig! Ao, ag Yawe onig humeg!