Sam 133:2 - Nobonob Baibel

² Ao, danab ah ag anamppa daaglag dayeb amu, amuam kobol ena. Kobol amuam olip goɗen enanag Aron igippa gokkaɗeg neum, am amubia. Ao, goɗen amu nug igippan noa, akkaɗippa noa, lamen elab takkom ele laih baagppa daatte ele, amuppa batom.

Sam 133:2 Referans Kwoze

Lewitikas 8:12

Anam hewowa, amu nug Aron, nug Yawenu tituana mettak daakkunu, nug laittaknu goɗen laa awa, Aron mana mettak danab daakkunu goɗen gokkaɗakppa tituanom.

Eksodas 29:7

Na qakkona, na laittaknu goɗen aon, na goɗen gokkaɗakppa tituanidnana, nug mana mettak danab daakkunu goɗen igippa gokkaɗkkut.

Prowerb 27:9

Leppu muttuɗig ena, amu kalu danab ile muttuɗig enanag bette ele amu, keeke aɗit amu aa heeh, danab nug oo gamag ahatte; amubia danab layag nug ulum nai ena, atognoa medatte amu, nug amunu ele oo gamag ahatte.

Eksodas 39:24

Ag hena amu, ag koitaknu muɗi ed, perpel, kokoɗnab ele aon, ag keeke ad pomigranet meu bia akkaladna, ag gol do naunau ele gol ena dubuttid iitta eleppa hattana, ag Aronnu lamen elab honap daugppa pomigranet laa qakkan malona, ag gol do qagappig. Ag anamib talilidna qakkaeg ukkom. Haen Aron nug Yawe noobppa nuhig ɗo maɗoɗnu uɗat hekkunu haaha, nug lamen amu tagakkunu dayom. Yawe Nug Moses amegppa haknunab aum, ag aumbianab aakku heppig.

Jon 12:3

Ee lanana, Maria nug leppu muttuɗig enanag, uug nuhig 350 gram, nuhig daden okkai ele amu, nug amu awa, Jesus baeg gokkaɗ qettowa, ikki uɗugppa Nug baeg oppiom. Ag leppu amu bala laa onig nad, amuppaib heppig. Anam he, leppunu muttuɗig lag amu oh tona malom.

Solomonnu Ahi 1:3

Leppu muttuɗig ena ele na laidttem am muttuɗig enanagnab ele. Ao, laa nug leppu muttuɗig ena ele amu gokkaɗeb, muttuɗig huana okku, am na onin am amubia. Ge, am anam, am diig amunu ah bau na waatad daatteb ele, ag nahipnu oolag mauhtte!

Sam 141:5

⌊Amu da digmein, eheɗ hekkul hettem dayeb amu, na heppe,⌋ genab tutukku hak danab nug da bu iukku, o nug da daul batakku, am ena; Da bu qak, o daug batak amu ii uupa. Da eheɗ hak danab ag hanhan tuɗidna, eheɗ hemananu unuqidttem.

Eksodas 28:33

Ag hena amu, ag koitaknu muɗi ed, perpel, kokoɗnab ele aon, ag keeke ad pomigranet meu bia akkaladna, ag gol do naunau ele hattana, ag Aronnu lamen elab honap daugppa pomigranet laa qakkan malona, ag gol do qakkaglag. Ag anamib talilidna qagappeg ukkaɗ!

Eksodas 30:35

kalu danab ile, muttuɗig enanag bette hekkutnu na keeke amu oh kabolie! Na amu haknu doyak danab hette bia he! Na hewona amu, na yu kalu ele kabolie! Kalu danab ile muttuɗig enanag bette amuam dahilnu tituanak daya, dubuttid iitta ele daya, yu kaboliak ele dayaɗ!