Sam 130:3 - Nobonob Baibel

³ O Yawe, na ig danab, na ig ihinig hipunin nahip dabmakppa mena, aɗan dabmelom amu, ig oonigppa aun nug elele daalo? Ao, O Naɗi, aun nug na noomppa tutukku daalo? Laa iittanab iitta!

Sam 130:3 Referans Kwoze

Sam 143:2

Auntai laa na noomppa hibaitta, “Da genab tutukku hak danab daattem,” akkunu elele? Iitta amunu, na da, nahip maɗi nid, na da nahip hettoɗiakppa ii meiɗmananu oɗ medattem.

Sam 76:7

Danab ah ag na huana baɗidttebnu diig am miagib daatte! Haen na oppoɗin bette amu, aun nug na noomppa hibaitta daakkunu elele?

Revelesen 6:17

Aɗinu? Deɗ naɗi, amuam aa danab ah hipunin ahilagnu bu aqaglahnu deɗ, deɗ amu aakku beum daatte. Aun nug ɠagattag daya, haen naɗi amu eɗidkku? Auntai laa iitta!” aon appig.

Job 10:14

Nahip dabmakppa na da meiɗppe, da hipunin hekkul dayeb, na anidkkut dabmeme. Ao, da anam heppi anidna, na bu meɗakkutib dabmeme.

Malakai 3:2

Nug anam uɗikku, amge haen nug uɗieb amu, aun nug deɗ amuppa ɠagattag daakkunu elele? Ao, haen Nug miag atieb amu, aun nug ena hibaitta daakku? Aɗinu? Nug silwa, gol keeke babaitta epeɗia awak uɗat hak danab nug aab gakkaɗaknab, amuppa he, dubuttid laa ii daatte, Nug aab amubia daakku. O iitta, Nug sop ɠagattag, dubuttid ihaeg na gotte, Nug amubia daakku.

Nahum 1:6

Yawe Nug oppoɗi beeb, aun nug ii nauhma? Ao, Yawe Nug oo nauhak huanaknab doyeb, auntai laa nug ena daakku? Nuhig oppoɗi bak am aab aɗu bia. Nug he, men Nug noobppa daatteb amu, ag aoɗtteb.

Aisaia 53:6

Ig danab ah oh ig sipsip matatun gona, padal metteb, ig amubia ib apiɗidta, matatut gomut. Ao, ig anen anen oh ig ihinig dabmak dim lamidkkunignu hemut. Ge, ig anam hemut, amu Yawe Nug ig danab ah oh, ihinig hipunin amu, Nug nuhig maɗi nid, nug amu maokkunu nuhigppa meum.

Job 15:14

⌊Na, ‘Da beɗulppa aab iitta,’ attem, amge⌋ danabnu amu, laa nug oppiak ele daakkunu elelete? Ge, laa ah oolkadppanu dotteb ele oolagppan laa nug genab tutukku ele hak daakkunu elelete?

Job 9:20

Da beɗulppa aab iitta, amge hettoɗiak abenppa da Kayak noobppa daye nai madippi amu, da oɗel am da eheɗ hemi alo. Ge, da am danab ooppa kaliak laa iitta ele daattem, amge da Kayak noobppa daye nai madippi, da oɗelnab da beɗulppa aab ele daatte alo.

Duteronomi 9:27

Danab ah imu ag na oɗen dim lamidmananu dabmak ahilag ɠagattag eppom dayeye, hipunin, nau hak ele hetteb, amge na amu dab-ii-memananu oɗ medattem. Na dabmak baolin, nahip maɗi nid Abraham, Aisak, Jakop ele, na hee, na ag ele nug tituanna nai qagappig amu, na nai amu dabmekkutnu oɗ medattem.

Esra 9:15

O Yawe, Israel dilag Kayak, na genab tutukkuib henan daattem amunu ig Israel danab ah, ig gemu oh ii mauhmut. Iitta. Ig daattem ele, ig gemu oɗo yaak danab daat oittem. Ig anam daat, ig gemu ig beɗunigppa aab okkai ele na noomppa daattem. Ig na noomppa iikku daattem, amge ig beɗunigppa aab okkai daatte amunu, ig auntai laa na noomppa genab daakkunu elele? Am laa iitta.” Esra nug Yawe amegppa anam unuqittom.