Sam 129:6 - Nobonob Baibel

⁶ Ao, gikkiɗah lag koɗokko uɗem ukkak ele, am amuppa ena ii bette, tutunab aakkuib dayaya qaɗaiedatte; laa oh ag Sionnu nau ninig ele dootteb, ag amubia dayeg!

Sam 129:6 Referans Kwoze

Sam 37:2

Aɗinu? Gikkiɗah nug paha qaɗaiedatte, amubia nau hak danab ele ag paha iitta mekkulag. Yo, bala haɗag ag haen tutuib daatteb, amubia nau hak danab ag haen tutuib bau daaglag.

Matyu 13:6

amge haen aam na, keeke beppig ele qe amu, ag diɗilag wan ooppanab ii noum amunu bunaɗppig.

Aisaia 37:27

Appan danab ah ag ahilag ɠagattag iitta me, ag oolag uug nau qe, ag uɗalag neum. Ag am datta keeke eppak, keeke amu digma baaba, gai-iitta daatte bia daappig. Ao ag gikkiɗah aben laa wan teppu iittanabppa appa be, ulah gakkaɗak nau uɗia he, okkai ii meum haenppa bunaɗtte, ag amubia daappig.

Sam 92:7

Dabmak ag ii dootteb ele amu inam. Nau hak danab ag gikkiɗah enanag bette, amubia betteb. Yo, danab ah ag nau hetteb ele, ag enanag anam betteb. Amge ag padal mena autna aoglag.

2 King 19:26

Appan danab ah ag ahilag ɠagattag iitta me, ag oolag uug nau qe, ag uɗalag neum. Ag am datta keeke eppak, keeke amu digma baaba, gai-iitta daatte bia daappig. Ao ag gikkiɗah aben laa wan teppu iittanabppa appa be, ulah gakkaɗak nau uɗia he, okkai ii meum haenppa bunaɗtte, ag amubia daappig.

Genesis 41:23

Antte amu, ikki eblaih aɗit ele laa ele beppig anidmi, amge ikki amuam aelkad kuɗum iitta, ulah kaɗag gakkaɗak ele aqeeqe, aelkad teppu ele iitta daappig.