Sam 129:5 - Nobonob Baibel

⁵ Laa oh ag Sionnu nau ninig ele dootteb amu, ag uɗa nak naɗi doon, ag banppanu eɗun ooleg!

Sam 129:5 Referans Kwoze

Aisaia 37:35

Da aab okkai imu ehanitte, guppiɗ bia daabppi, ena daakku. Da, da laa ag dahilnu dabmak pehettak iitta aomnanu, da amunu dabmak anuqak awewe, aab imunu guppiɗ dayeye, da dahil maɗi nid Dawit amegppa keeke laa hekkulnu ami amu, da amunu ele dabmak anuqak awewe, aab imunu guppiɗ daakkul.” Yawe Nug anam atte.

Sam 71:13

Laa ag da naippa yaaiɗtteb ele, ag uɗalag nau neeb, padal mekkulagnu ool daatte. Yo, laa ag da guittak meɗaglagnu hetteb ele, laa ag ahilagnu, “Keeke hamunab,” dooppeg, ag uɗa nak nau guittak ele dooglagnu ool hette.

Sekaraia 12:3

Haen wanppan wan ohnu danab ag ahan, Jerusalem banelag uɗippeg, deɗ amuppa da heppi, Jerusalem amu men uug naunab, humaknu elele iittanab bia daakku. Aun nug men amu humakkunu hekku, nug guittak aokku, ⌊amubia aun nug Jerusalem heeb nauhkkunu hekku, nug guittak aokku⌋.

Maika 4:11

Yawe Nug appanu eɗua diiadkku, amge gemu wanppan wan kuɗum dilag daup ag, ag Israel ele ban hekkulagnu qagmeppig daatteb. Ag atteb. “Ig ag eɗadta, ig ahilag na qaknu amu, ig oonig gamag ahak okkainab doognig,” aon atteb.

Aisaia 10:12

Anam amunu, am inam bekku. Asiria dilag king nug dada danabnab daya haaha, nug ele beɗuppa tak kobol dim lamittatta, nai maditte amunu, Naɗi Nug heeb, Asiria dilag king nug keeke oh Sion qaukoppa Jerusalem appa hekkunu Naɗi Nug ana, nug eppegppa meum ele amu, nug amu oh ha maleb, dimppa geha Naɗi Nug dada ha laa eɗittaknu dabmak awak hak kobol nuhignu, beɗuppa tak kobol nuhignu ele, Nug diig amunu bu medakku.

Esta 6:13

Haman nug wau Seres, amu laikkud laa oh ele aɗi keeke beum amu ohnu amelagppa mattie, Seres, amu nug laikkud ulum medappig ele ag nug amegppa appig. “Mordekai, nug Juda ted, nug na eɗidkkunu digmeum amunu, na nuhigppa keeke laa hekkutnu elele iitta. Iitta! Nug geha na eɗidkku,” aon appig.

1 Korint 16:22

Am danab laa nug Naɗinu oo ii mauhtte dayeb, nug eheɗ laa awaknu anak waappa dayaɗ! Naɗi, na uɗie!

Sekaraia 12:6

Amu Yawe Nug atte. “Deɗ amuppa da heppi, Judanu aab ikki ag waa ooppa aab nakok ewa ukka ukka, aab ameg qagmak eotte, o hul laa ewawa ukka, ee aeg gumu kuɗum ehagna qagmeppig eotte, ag amubia daaglag. Judanu aab ikkinu danab ag wan laala Juda wan talilittak daatteb eɗadna autna aoglag, amu Jerusalem am nuhig abenppa, appa ena, ɠagattag daakku,” awa atte.

Aisaia 37:22

da Yawe, da Senakeripnu nai uug elenu inam mattimi daatte. “Sion danab ah ag nahipnu ena iinab doon, ag aon aon nittaglag. Na oolna gobeppe, Jerusalem danab ah ag imidkkulag.

Sam 122:6

O danab ah, ag maɗoɗ Jerusalem ippa daakkunu unuqitteg! Ge, da danab ah oh ag Jerusalemnu oolag mauhtte ele, da ag ena daaglagnu ool daatte.

Esta 9:5

Aria, deɗ ag amu hekkulagnu tituanak dayom amu, Juda ag deɗ meppig, amuppa danab ag aqaglagnu heppig ele amu, Juda ag ag aqappig. Ag qep elabppa aqappig. Ag ahilkad kekeɗ oh aqappig. Ag danab ag ahilagnu nau ninig ele dooppig amu, ag amu dilagppa ag attem hattaglagnu maidppig amu, ag anam aakku heppig.

Nehemaia 6:16

Ihinig Kayak ehanikke, ig aɗnu uɗat heut, gogppa teum. Kayak he, gogppa teum amunu, ihinkad kekeɗ, ag wanppan wan laala Juda wan talilidna daatteb, appan danab ah amu, ag amu doon, ag baɗan, akka ahilagnu elele iitta dooppig.

Sam 40:15

Ge, na heppe, danab laa ag dahilnu awa awa qettak nai naunab maditteb ele, ag uɗa nak nau aon anidna, eheɗ ottaippeg, ag uɗa nak nau aon malappignu dabmak aqakkunu ool daatte.

Aisaia 29:8

Am inam bia daakku. Danab ameg naɗi wan ohppanu uɗin, qauko Sion ele ban hekkulag amu, ag am danab enug qeeqe, tuqan tulppa ee lana antta, eɗua aha, enug qeeqe daatte, ag amubia daaglag. O ag danab nug le baag diieye, tuqan tulppa le lanan dayaya antta eɗua aha, le baag diieye, beɗu gai-iitta daatte, ag amubia daaglag.