Sam 128:1 - Nobonob Baibel

¹ Am danab ag Yawenu ebehilag oh bodoetta le mette, ag Yawenu kobol dim lamidtteb ele amu, ahilagnu am ena. Ag itittak ena aoppig daatteb.

Sam 128:1 Referans Kwoze

Sam 119:1

Aun aɗi ag Yawenu neekkakppa ag oolagppa kaliak laa iitta ele, ag Yawenu kobol oh elele dim lamidtteb ele, danab amunu ag aakku itittak ena aoppig daatteb.

Sam 112:1

Ag Yawe binag meig! Danab nug Yawenu ebehi oh bodoetta le mette, nug itittak ena awom daatte. Ao, danab amu nug Yawenu ɗo ohnu enanagnab doyaya oitte ele, amu nug itittak ena awom daatte.

Luk 1:50

Buɗub buɗub doobob, Nug danab ag nuhignu ebehilag oh bodoetta le mette, Nug amu dilagnu oo gai-iitta doya oo metta ehanadtte.

Sam 103:13

Nug am nid mamelag nug nid naunau dilag oo gai-iitta doya oo matta ehanadtte, amubia Yawe Nug danab ah ag nuhignu ebehilag oh bodoetta le mette ele, Nug amu dilagnu oo gai-iitta doya oo matta ehanadtte.

Aposel 9:31

Aria, amu dimppa amu, laih Juda appa, Galili appa amu Samaria ele, aben amu ohppa haen amuppa Kristen tamaniakppa maɗoɗ dayom. Kayak Ouɗi danab ah amu ehanatta ag oolag ɠagattag qe, ag Naɗinu ebehilag oh bodoetta le meeme, danab ah kuɗum ag Kristen tamaniak ooppa noppig.

Sam 147:11

Yawe Nug hosnu ɠagattag, o danabnu ɠagattag, Nug amunu gamag ahak ii dootte. Iitta. Nug laa ag nuhignu ebehilag oh bodoetta le mette ele, Nug amu dilagnu enanagnab dootte. Ao, laa ag Nug ahilagnu oo mauhaknab dootteb, ag nuhig kobol dabmenan daanna, ag amuppa ehanittak aon, gogppa tekkulagnu ameg metteb ele amu, Nug amu dilagnu enanagnab dootte.

Sam 127:1

Yawe Nug auntai laa lag hekkunu hette ele, Nug nug ii ehanidkku dayeb, laa amu nug amu hekkunu elele iitta. Amu Yawe Nug aab okkai ii atognokku amu, aɗi uɗitte anittak danab, ag atognobeppeg, ena daakkunu daatteb amu, ag amu hekkulagnu elele iitta.

Sam 115:13

Yawe Nug, Nug laa ag nuhignu ebehilag oh bodoetta le mette, ag ele itadkku. Ao, Nug ag binalag okkai ele, o binalag okkai iitta amu, Nug ag oh itadkku.

1 Tesalonaika 4:1

Ao ig lainkad, ig kobol Kayak oo niitte bia, ag amuppa oiglagnu ippunadmut amu, ag amu dim lamidtteb. Gemu amu, ig Naɗi Jesus onigppa ag huana dim lamidkkulagnu ahilkad dabmak maɗedattem.

Sam 103:17

Amge Yawe Nug danab ah ag nuhignu ebehilag oh bodoetta le mette ele dilagnu oo mauhaknab tuqa ii awawa, hanhan anamib haaha daatte. Ao, Nug ahilagnu anam oo mauhe, Nug ag alalkad dilagnu, Nug genab tutukku hak kobolnu dabmaama, dim lamidtte.

Sam 125:1

Qauko Sion am uɗalnan loppaɗkkulagnu elele iitta, Qauko amuam hanhan daatte. Anamib, laa ag Yawenu oolagppa genab dootteb, ag anam aakku daatteb.

Sam 120:1

Da uug nauppa dayeye, Yawe unuqidttem. Da unuqitti, Nug dahil unuqittak nob mette.

Sam 119:3

Laa ag anam hetteb amu, ag eheɗ ii hetteb. Iitta. Ag am Yawe ippu dim lamidtteb.

Luk 1:6

Aa oh Kayak noobppa tutukku oittapiɗ. Aa Naɗinu haknunab anak, ɗo nai oh ele Kayaknu neekkakppa eleleib dim lamidpiɗ.

Sam 121:1

⌊Yawenu mettid lag am Israel dilag qaukoppa daatte amunu,⌋ da qauko amu attan neegppi gokku. Appanu da ehanittak aottem.

Sam 124:1

Gemu amu, Israel danab ah ag inam akkulagnu daatte. “Laa ag banenig uɗippig amu, ag ihinignu oo nauhak huananab dooppig. Ag anam doyeg, Yawe Nug ii ehaniglo, ao, danab laa ag banenig uɗippig amu, Yawe Nug ii ehaniglo, ag ig eɗigna, heigppeg nauhlom.”

Sam 103:1

Da Yawe onig humakkul. Ao, da ool unuqag, meul oh ele, da amuppa Yawe onig oppiaawak ele humakkul.

Sam 126:1

Haen Yawe nug he, diia ukka laih me dayak danab ah ig, ig eɗut Sion gota amu, ig am tul niiak enanag laa anidmut bia daamut!

Sam 81:13

Amge O gadon! Danab ah dahilad ag genab da dooiɗlob! Ao, Israel ag da ippul dim lamiɗlob,

Sam 123:1

O Yawe, naib sia king nahip-ppa hab attan dayeye, da neekki, attan nahip-ppa tette.

Sam 122:1

Danab ah ag da amelppa, “Ahappe, ig Yawe laugppa tetu!” aeg, da ool gamag ahom.

Duteronomi 28:3

Yawe Nug heeb, aab okkaippa, aab okkai dimittim ele ag itittak ena aoglag.

2 Samuel 22:22

Aɗinu? Da Yawe oɗe dim lamidmi. Ao, da Kayak dahil dimettalom amu, da nau helom, amge da kobol eheɗ ii hemi.